Mugiment kirol txartelera atxiki da Deba

2021ko martxoaren 17aMugiment kirol txartelera atxiki da Deba

Hemendik aurrera debarrek Mugiment kirol txartela erabili ahal izango dute. Doakoa den kirol txartel bateratu honekin, udalerri bakoitzeko abonatuak beste udalen kirol instalazioak erabiltzeko aukera izango du, gastu gehigarririk gabe, udal bakoitzak ezarritako erabilgarritasunaren arabera.

Ekimenaren helburua da kirola sustatzea eta herritarrei egindako kirol eskaintza handitzea.

Txartel birtuala denez, APPa baino ez da instalatu behar, Google Play eta App Storen dago. Eusko Jaurlaritzak, Bizkaiko eta Gipuzkoako Foru Aldundiek sustatutako proiektua da, atxikitako udalerriekin batera.

Txartel birtual hau erabiltzeko pausuak:

  • Mugikorrean 'Mugiment kiroltxartela' instalatu.

  • Erregistratu datu pertsonalak emanez, email helbidea eta NAN zenbakia, abonatua den instalazioaren izena adieraziz.

  • Esandako erakundea balioztatu ondoren eta notifikazioa jaso ostean, 'Mugiment kiroltxartela' erabil daiteke.

  • Kirol instalaziora sartzean, 'txartel birtuala' eta NANa erakutsi behar dira.

  • Instalazioaren langileak sarrera erregistratzen du, erabiltzailearen mugikorrean egiaztatze kodea sartuz eta sarrera emanez.