N-634 errepidearen itxierak zuzenean eragin dien baserritarren pazientzia eta ulermena eskertu ditu Debako Udalak eta Itziarko Auzo Udalak

2025ko uztailaren 14aN-634 errepidearen itxierak zuzenean eragin dien baserritarren pazientzia eta ulermena eskertu ditu Debako Udalak eta Itziarko Auzo Udalak

Deba eta Itziar arteko N-634 errepidea itxita egon da martxoaz geroztik bertan gertatutako lur jauzi baten ondorioz. Horren eraginez, Gipuzkoako Foru Aldundiak guztiz itxi zuen eremua, egonkortze lanak egin ahal izateko.

Une honetan, eremuko segurtasuna bermatzeko lanek aurrera jarraitzen duten bitartean, errepideko errei bat zabaldu da, semaforo bidez erregulatuta.

Horren harira, Debako Udalak eta Itziarko Auzo Udalak eskerrak eman nahi dizkiete publikoki eremuko baserritarrei eta itxiera horrek zuzenean eragin dien inguruko bizilagun guztiei, itxiera eta eragozpen hilabete hauetan erakutsi eta izandako pazientzia, ulermen eta lankidetzagatik.

Bi erakundeek Gipuzkoako Foru Aldundiarekin duten lankidetza-konpromisoari eusten diote, egonkortze-lanek aurrera egin dezaten eta lehenbailehen amaitu daitezen, betiere errepidearen erabiltzaile guztien segurtasunari lehentasuna emanez.