Ongizate emozionala eta autozainketa hizpide dituen tailerra antolatu du Debako Udalak

2024ko apirilaren 15a

Tailerra maiatzaren 10etik ekainaren 19a bitarte eskainiko da, 4 saiotan banatuta. Izen ematea dagoeneko zabalik dago, 943 19 28 40 telefonora deituz edo berdintasuna@deba.eus helbidera idatziz. Helburua da parte-hartzaileei beren burua zaintzeko, autoestimua hobetzeko eta beren emozioez jabetu eta horiek partekatzeko espazio atsegin eta lagunkoia eskaintzea.

Osasun mentalak eta emozionalak gizabanakoen ongizatean duen garrantziaren jakitun, Debako Udalak autozainketa eta ongizate emozionala hizpide dituen tailerra antolatu du, datozen hilabeteetarako.

Helburua da tailerreko parte-hartzaileei beren burua zaintzeko, autoestimua hobetzeko eta beren emozioez jabetu eta horiek partekatzeko espazio atsegin eta lagunkoia eskaintzea. Tailerra bi orduko iraupena izango duten lau saioz osatuko da, eta saio horiek hamabostean behin eskainiko dira. Lehen saioa maiatzaren 10ean izango da, 22an bigarrena, ekainaren 5ean hirugarrena eta 19an laugarrena eta azkena. Saio guztiak 18:00-20:00 bitartean izango dira, lehen biak Kultur Elkartean eta azken biak Ispiluen gelan.

Ongizate emozionalean, emozioen lanketan eta Mindfullnes-en aditua den Saioa Garmendia izango da tailerraren gidaria eta berak, emozioen kudeaketarako eta autozainketarako erramintak eskainiko dizkie parte-hartzaileei, hauek egunerokotasunean erabil ditzaten.

Izen ematea zabalik dago, doakoa da eta parte-hartzeko nahikoa da 943 19 28 40 telefonora deitu edo berdintasuna@deba.eus  helbidera idaztea. Plazak mugatuak izango dira eta gehienera ere 12 laguneko taldea osatuko da, parte-hartzaileei konfiantzazko giroa eskaintzeko.