Debako arte eskola eta Oteiza: Oteizaren Hazia

2013ko urriaren 3aDebako arte eskola eta Oteiza: Oteizaren Hazia

Duela 44 urte, 1969an, Oteizak bere ametsa errealitate bihurtu eta Deban hezkuntza proiektu bat martxan jarri zuen. Lehen hazia izan zen hura, sustrai sendoak eman zituena eta egun ere bizirik dagoen proiektua dena. Urriak 4ean hasita urriak 24 arte egitarau zabala osatu da: erakusketak, hitzaldi eta mahai-inguruak, antzerkia, haurrentzako jardunaldiak..

Oteiza zendu zela 10 urte pasa diren honetan, gogora ekarri nahi izan dugu, arte eskolaren historia eta garrantzia, bizirik dagoela herritarrei helaraziz eta erakutsiz, balioan jartzeko helburuarekin, eta bere iragan eta gaurkotasunarekin, etorkizuneko proiektu bat dela azalduz.

Herriarentzat garai haietan beharrezkoa ikusi bazen beste hezkuntza eredu bat bultzatzea, eta gazteei beste heziketa eredu eta baloreak trasmititzea, gure herri kulturan oinarria izango zuena, egun balore horiek ere bizirik jarraitzen dute, Debako arte eskola, Euskal Herri mailan gure tradizioei lotutako bost artisau ofizio eskaintzen duen eskola erreferentziala baita.

Hori guztia dela eta, egitarau zabala izango dugu urrian zehar: Erakusketa grafiko aparta, Agirre Jauregiko erakusketa aretoan urriaren 4tik 24ra bitartean ondorengo artisten grabatuak izango dira ikusgai: Jorge Oteiza, Joan Miró, Antoni Tápies, Eduardo Chillida, Manolo Millares, Fernando Beorlegui, Antonio Saura, Agustín Ibarrola, Luis Gordillo, Ramos Uranga, Jose Zumeta, Barry Flanagan, Miquel Navarro, Andrés Nagel, Miquel Barceló eta J.L. Baroja Collet.

Horretaz gain, Arte eskola kalean ikusteko aukera izango dugu, zeramika, grabaketa, brontze galdaketa artistikoa, harlanketa eta zurlanketa eta diseinu, marrazketa eta pintura tailerren erakustaldia izango da urriaren 6an, Pasealeku estalian. Eta guztiok kreazio jokoan parte hartu dezagun Klarion Tailerra ere izango da. Urriaren 8an, berriz, "Oteiza eta Deba" Rafael Castellano, Mikel Campo eta Maider Zubikaraik eskainitako hitzaldi eta mahai ingurua, Kultur Elkartean, arratsaldeko 19:00etan. Urriak 13an, haurrentzako jardunaldiak, urriaren 15ean "Fragmentos" filma kultur elkartean eta areto berdinean urriaren 18an "Oteiza. Testuak eta beste poemak" Patxi Santamariaren bakarrizketa.

Eta, urriaren 21ean, Itziarren 13:00etan, "Amatasuna"ri buruz Willy Berasaluzek egindako gogoaingarri informatiboaren inaugurazio ofizila egingo da.