San Rokeko bidea konpondu da egunotan

2021/10/27
Joan den astean egindako lanekin San Roke baserri bidea konpondu da. 2019-2023 Gobernu Planean, baserri bideen konponketan sakonduko zela zehaztu zen. Arreta jarriz landa eremurako bideetan, erabiltzaileek izan ditzaten bide duinak eta seguruak ez soilik herriguneetan. 2021erako San Roke bidea eta Santa Katalinako bidea aurreikusi dira aurrekontuetan.

San Rokeko bidea egin berri da, lehenengo garbitze lanak eginez, bide bazterrak txukundu eta lehengo zabalera berreskuratu da; eta ondoren, 2 egunetan, asfaltatze lanak egin dira. 34.944,68€-tako (BEZ barne) aurrekontuarekin, GFAk 27.366,61€ko diru-laguntza eman du. CONSTRUCCIONES LASUEN, S. A. enpresak egin ditu asfaltatze lanak. 

Hurrengo lana Santa Katalinako bidea egitea izango da, Iparragirre baserriko bidegurutzeraino osorik asfaltatuko da, baita Buenos Aires etxera bidean dauden gune kaltetuenak ere.