Udaberriko oporraldirako adinkako proposamena egin du Debako Gaztelekuak

2021/03/29
Adin bakoitzera planez bete dute egitaraua Debako Gaztelekuan udaberriko oporraldi sasoirako. Uneko osasun egoerak ahalbidetzen badu, hauek dira adin bakoitzeko gazteei aisialdirako egiten dizkieten proposamenak:
  • 13 urte beteko dituztenekin, Zumaia-Deba ibilaldia egingo dute. 

  • 14 urtekoekin Donostiako txuri-urdin izotz jauregira irteera.

  • Aurten 15 eta 16 urte egingo dituztenekin Mendexako abentura parkera joateko asmoa dute, bi bidaia ezberdinetan. Parkeko ibilbideetan abilezia, bizitasuna eta oreka landuz 70 erronkari aurre egin beharko diete. 

  • 17 urtekoekin Gasteizko kartingera joango dira. Bertan, azpitaldeetan banatu eta hiru motatako karrerak egingo dituzte; hasieran entrenamendua eginez, gero 'pole position-a' eta amaitzeko karrera.

  • 18 urtekoekin udan Gaztelekuko azken irteera nora egin erabakitzeko bilera bat egingo dute.

Udaberriko oporraldian txanda sistemarekin Gaztelekua egunero zabalik egongo da 17:00ak eta 20:30ak bitartean.