UDAL KIROL ZERBITZUAK TENIS IKASTAROAK ANTOLATUKO DITU

2014/05/20
Kirol modalitate berriak sustatzeko asmoarekin, tenis ikastaroak antolatuko dira ekainean. Ikastaro horien helburua herritarrei tenisa praktikatu eta ezagutzeko aukera ematea da, zaletasuna sorraraziz.

Hasiera batean hiru talde ezberdin antolatzeko asmoa dago: emakumeak, gizonak eta gazteak. Gizonezkoen eta emakumezkoen taldeek, ordu t´erdiko hiru saio izango dituzte astean. Klaseak larunbat goizetan, astearteetan eta ostegunetan izango dira goizez edo arratsaldez. Gazteek, aldiz, astelehen, asteazken eta ostiral arratsaldetan izango dituzte saioak. Tenis-instruktore bat arduratuko da ikastaro horiek aurrera eramateaz. Horretarako, kiroldegiko goiko solairuan tenis-pista margotu eta sarea instalatuko da. Ikastaroaren kostua 36 eurokoa izango da. Interesatuta dagoenak kiroldegian aurkituko du izena eman eta ordutegia adierazteko inskripzio orria. Izena emateko azken eguna maiatzaren 28a izango da.

Bestalde, aurten lehenengo aldiz, uztailaren 14tik aurrera, udako kirol kanpainaren barnean, zortzitik hamabi urtera arteko gaztetxoentzako tenis ikastaroak eskainiko dira arratsaldeetan.