Udalerriko frontoiak eta bolatokia zabaldu dira federatuentzat

Aldats frontoia, Itziarko Zabalsoro frontoia eta Lasturko frontoia erabiltzeko jarraibideak honako hauek izango dira:

1. Kirolari federatuek bakarrik erabili ahal izango dituzte. Gogoratu federatu txartela eramatea.
2. Ateak itxita erabili beharko dituzte, hau da, ikuslerik gabe.
3. Bi jokalari gehienez egongo dira frontoian eta beraien arteko 2 metroko segurtasun distantzia matendu beharko dute.
4. Aldagelak eta dutxak ezingo dira erabili.
5. Hitzordua eskatu beharko da.

Lasturko Bolatokia erabiltzeko jarraibideak honako hauek izango dira:

1. Kirolari federatuek bakarrik erabili ahal izango dute. Gogoratu federatu txartela eramatea.
2. Ateak itxita erabili beharko dute, hau da, ikuslerik gabe.
3. Gehienez bi kirolari egon ahal izango dira, bat botatzeko lekuan eta bestea bueltatzekoan.
4. Komenigarria da maskara erabiltzea.
5. Bueltatzeko lekuan dagoenak, eskularruak jantzi beharko ditu.
6. Hidro/alkohol gelarekin garbituko dira eskuak eta bola, txanda aldatzen den bakoitzean.
7. Guztiz debekatuta dago listua botatzea eskura.