Deban urteroko "Soro Feria" ospatuko da urtarrilaren 5ean

2019ko urtarrilaren 2aDeban urteroko "Soro Feria" ospatuko da urtarrilaren 5ean

Datorren larunbatean, urtarrilaren 5ean, Deban Urte Berriko Feria egingo da. Goizeko 09:00etarako herriko plazak baserriko produktuz beteko zaizkigu, eta kioskoan ganadu erakusketa egongo da. Goiz osoan zehar herriko musika talde eta dantzariek girotuko dute herria.

Aurten hilaren 5ean, Errege bezperan, izango da Urte Berriko Feria handia. Goizeko 09:00etarako, herriko plazak baserriko produktuz beteko zaizkigu. Gainera, ganadu erakusketa egongo da kioskoan. Eguna alaitzeko herriko hainbat musika taldek kaleak girotuko dizkigu eta 11:30ean musika eskolako dantzariak arituko dira Aldats pilotalekuan. Eguerdiko 13:00 inguruan feriako sari banaketa egingo da Foruen plazan, eta iluntzeko 19:00etan errege kabalgatarekin emango diogu bukaera egunari.

Barazki eta fruta sariketa. Oinarriak.

  • Partaideak: izena ematen duten baserritarrak.

  • Sarituko diren salgaiak: norberak landatutako fruta eta barazkiak.

  • Erakusketa:

    • Foruen plazan, horretarako apropos jarritako saltokietan.

    • Orduak: goizeko 07:00etan hasiko dira saltokiak jartzen, eta 09:00etarako prest egongo dira; ordu horretan pasatuko da epaimahaia. 14:30ean postua jaso egin beharko da.

  • Salmenta: epaimahaia postuetatik pasa ondoren hasiko da salmenta, gutxi gorabehera, 09:30ean.

  • Dietak: partaideei 60 euroko dieta emango zaie, antolatzaileek erabakitako gutxieneko barazki barietateak aurkeztuz gero.

  • Sariak:

    • 1. goa: 300 euro.

    • 2.a: 250 euro.

    • 3.a: 200 euro.

    • Posturik onena: 150 euro.

    • Herriko posturik onena: 100 euro.

Epaimahaiak 100 euroko 5 dieta “berezi” eman ahal izango dizkie, barazki eta fruta barietate eta kalitateagatik, egokitzat jotzen dituen saltokiei.

Gazta sariketa. Oinarriak.

  • Partaideak: lehiaketan parte hartzeko gaztak udaletxean aurkeztuko beharko dira 10:00-11:00 bitartean.

  • Erakusketa: goizeko 09:00etarako prest egongo da postua, Udalak esandako lekuan.

  • Dietak: partaideek 15 euroko dieta izango dute; salmenta postua edukiz gero, 25 eurokoa.

  • Sariak:

    • 1.goa: 350 euro.

    • 2.a: 300 euro.

    • 3.a: 250 euro.

    • Saritu gabeko Debabarreneko lehena: 150 euro.

Eskualdeko XVII. ezti lehiaketa

  • Partaideak: partaideak bi pote ezti aurkeztu behar ditu (ezti bera bi poteetan). Eztia eskualdean ekoiztua izan behar da. Lehiaketan parte hartzeko ezti gordinak eta berotu gabekoak izan beharko dira. Lehiaketan aurkeztutako eztiak norberarena izan behar du.

  • Erakusketa: goizeko 09:00etarako prest egongo da postua Udalak esandako lekuan.

  • Dietak: partaideek 10 euroko dieta izango dute; salmenta postua edukiz gero, 20 eurokoa.

  • Epaimahaikoek honako irizpideak jarraituko dituzte: aurkezpena, hezetasuna, usaina eta dastamena.

  • Sariak:

    • 1.goa: 150 euro.

    • 2.a: 125 euro.

    • 3.a: 100 euro.