VIII. Animadeba Gortina lehiaketa

2016/12/05
Abian da aurtengo Animadeba Gortina lehiaketa. Debako Udalak antolatzen duen zortzigarren edizioa da hau eta lan saritua 2017ko animazio zinema jaialdia iragartzeko erabiliko da. Lanak edozein animazio teknika erabiliz aurkeztu ahal izango dira; betiere, abenduaren 9a baino lehen. Irabazleak 700 € eta oroigarria jasoko ditu sari gisa.

Beste urte batez, Debako Udalak Animadeba Gortina lehiaketa jarri du martxan. VIII. edizioa da aurtengoa eta lan saritua Animadeba 2017 animazio zinema jaialdia iragartzeko erabiliko da. Nahi duenak har dezake parte lehiaketan eta nahi adina gortina aurkez daitezke, edozein teknika erabilita. Beharrezkoa izango da, hori bai, lan guztiek Animadeba 2017ko logotipoa edukitzea.

Oinarriak

  1. Debako Udalak VIII. Gortina Lehiaketa jarri du martxan ANIMADEBA 2017 animazio zinema jaialdirako.
  2. Nahi duenak parte har dezake lehiaketan, jaioterri eta bizilekuak direnak direla, eta nahi adina gortina aurkez daitezke.
  3. Edozein animazio teknika onartuko da. Lanak .mov, .mpeg, .avi edota .wmv formatuetan aurkeztuko dira. Artxiboak 30 segunduko iraupena izan beharko du. Egindako gortinaren irudi adierazgarri bat aurkeztu behar da .jpg artxiboan. (300ppp-ko erresoluzioan).
  4. Beharrezkoa izango da gortina guztiek ANIMADEBA 2017-ko logotipoa edukitzea. Logotipoa aldatu daiteke animazioaren estilora egokitzeko. Gaia librea izango da, baina betiere, jaialdiaren promozioari zuzendua. Teknika, originaltasuna eta gaia baloratuko dira.
  5. Bidaltzeko epea 2016ko abenduaren 9an amaituko da (14:00etan).
  6. ANIMADEBA 2016an proiektatzeko, gortina batzuk aukeratuko dira eta egunean bertan emango da jakitera ANIMADEBA 2017ko Gortina irabazlea zein den.
  7. Saria 700 euro eta oroigarria izango da.
  8. Saria eman gabe gelditzea gerta liteke, epaimahikideen iritziz aurkeztutako lanek behar adinako mailarik ez badute.
  9. Parte hartzeak esan nahi du egileak aitortzen duela lizentzia, copyright, irudi-eskubide, soinu, tipografia, software eta erabilitako edozein tresnaren jabea dela.
  10. Lan guztiekin batera parte-hartze eranskina gehitu beharko da eta helbide honetara bidali: ANIMADEBA Debako Kultura Saila, Portu kalea 1, 20820 Deba (Gipuzkoa); edota Wetransfer bidez animadeba@gmail.com helbidera bidali daiteke.
  11. Epaimahaia animaziozko zinean eta arte grafikoetan adituak diren pertsonek osatuko dute. Lan onenak aukeratuko dituzte kalitateari eta originaltasunari begira, eta lan saritua erabakiko dute.
  12. Epaimahaiaren erabakiak behin betikoak eta aldaezinak izango dira.
  13. Gortina guztiak ikusgai izango dira ANIMADEBAren Youtubeko kanalean.
  14. Lehiaketan parte hartzeak esan nahi du egileak oinarriak onartzen dituela.