Zuhaitzak ezagutzeko tailerra egin dute Luzaroko ikasleek

2021/05/28
Asteazken eta ostegunean Luzaro ikastetxeko ikasleak herriko berdeguneetan ikusi ahal izan ditugu. Taldeka aritu dira lanean hainbat zuhaitzei begira: enborraren azala, altuera, forma eta hostoak aztertzen, alegia. Udalak antolatutako Zuhaitzak ezagutzeko tailerrean parte hartu dute 5. mailako 3 geletako ikasleek.

Erorkor eta iraunkor motatako zuhaitzak aztertu dituzte: haritza, hagina, artea, lizarra eta platanondoa, besteak beste. Gonzalo Torre izan da gidaria, eta zuhaitzek gure bizitzan eta hainbat hegazti zein animalientzat zer nolako garrantzia duten azaldu dien. 

Zoritxarrez, gaur egun, aipatutako zuhaitz batzuk herriko lorategietan gure mendietan baino errazago topa ditzakegu. Goazen beraz hauek ezagutzera, ezagutzen ez dena ezin baita zaindu.

 Argazki galeria