Denis Itxaso Gipuzkoako Foru Aldundiko Turismo eta Kultura diputatuaren eskutik jaso zuten errekonozimendua Itxaspe Kanpineko arduradunek.
Debako Udalak omenaldia antolatu du Polentzi Markiegiren, bertako alkate izandakoaren, oroimenez. Urriaren 4an, arratsaldeko 7etan, Udalbatzak alkate ohiaren fusilamenduaren 80.urteurrenari buruzko adierazpen instituzionala onartuko du eta hilaren 15ean ekitaldi instituzionala izango da.
Udalak gure herriaren memoria historikoa ikertzeko eta berreskuratzeko proiektua jarri du abian. Urriaren 16tik aurrera eta azaroaren 3a arte, astelehen eta asteazkenero oroimenaren bulegoa zabalik izango dugu. Azterlan honek 42.350 euroko kostua izango du eta aho batez onartu zuen ohiko udal batzarrak.
Udal jardueraren berri eman nahian Debako Udalak kaleratu berri du Debaberri udal aldizkaria. Besteak beste, Hilerri berria Artzabalen, Itziarko entitate txikia, Zabor-bilketa sistema, Deba ibaiaren Paisaia Plana, Herriaren memoria historikoa...
Debegesa Garapen Agentziaren ekimenez, Debabarreneko ordezkaritza bat Dordoinan izan da aste honetan, historiaurreko ondarea eta, oro har, kultur ondarea balioan jartzeko estrategiak ezagutu eta elkar trukatzeko.
Ostiralean, hilaren 3an, 9:00etan, ‘Debabarrena Berritzen’ egitasmoari amaiera emateko jardunaldia egingo da Debegesan. DEBEGESAren eta Elhuyar Aholkularitzaren ekimenez, eta Gipuzkoako Foru Aldundiaren laguntzarekin, ‘Debabarrena Berritzen’ egitasmoak eskualdeko berrikuntza sozialean eragin nahi du.
2017ko Beldur Barik lehiaketa bikoitza martxan da dagoeneko. Emakumeek jasaten duten bereizkeria-egoerari aurre egiten dioten arte-adierazpen mota oro onartu, baloratu eta bultzatzea du helburu. 12-26 urte bitarteko parte-hartzaileek azaroaren 13a baino lehen bete eta bidali beharko dute formularioa.
Bisitariari ematen zaion zerbitzua eta arreta hobetzeko helburua du programak eta azaroaren 14an eta 15ean eskainiko da Debegesan. Izena emateko epea zabalik da azaroaren 8ra bitarte.
Debabarreneko Klub Gastronomikoko kide diren 7 establezimenduk menu landuak eskainiko dituzte prezio berezian.
Gaur hasi dira Agirre jauregiko inperio estiloko bi altzari zaharberritzeko lanak. Herriaren ondare izanik, prozesua bertatik bertara ezagutzeko ate irekiak antolatu dira azaroaren 17an eta 24an.
Eskualdeko erakarpen turistiko nagusiak azaldu ez ezik, Tripontziak ekimen gastronomikoa ere eman zen ezagutzera pasa den azaroaren 8an egindako aurkezpenean.
Abian da aurtengo Animadeba Gortina lehiaketa. Debako Udalak antolatzen duen IX. edizioa da hau eta lan saritua 2018ko Animadeba animazio jaialdia iragartzeko erabiliko da. Parte-hartzaileek nahi adina gortina aurkez ditzakete, abenduaren 15a baino lehen.
Debako Udaleko berdintasun sailak “Emakumeenganako indarkeriaren aurkako nazioarteko egunaren” baitan askotariko ekitaldiak antolatu ditu aurten. Ekintza hauen helburu nagusia herritarrak gai honen inguruan sentsibilizatzea da.
Jardunaldien baitan bost hitzaldi, profesionalen arteko bi lan-mahai eta Euskal Kostaldeko Geoparkeko interesgune nagusien kudeaketa ezagutzeko irteera egingo dira.
Gipuzkoako Foru Aldundiaren eskutik, argindar kontsumoa murrizteko tailerrak egingo dira Deban. Hauen helburu nagusia Gipuzkoarako eredu energetikoaren aldaketan aurrera egitea da. Lehendabiziko saioa abenduaren 11n izango da eta bertaratu ahal izateko aurrez izena eman beharko da.
Partaidetza prozesu baten bidez landu da eta helburua da Deba ibaiaren eta ibaiertzaren paisaia berreskuratzea eta balioan jartzea bere zatirik interesgarrienean, bai paisaiaren aldetik, baita bertan dagoen ondare kultural eta natural aberatsagatik ere.
BETEAN enpresa arduratu da Debako Udalaren 2016 ekitaldiko ondare eta aurrekontuei buruzko auditoria txostena idazteaz. Lanaren emaitza aldekoa izan da salbuespenekin.
Abenduaren 3an ospatuko da Euskararen Eguna, eta Debako Udalak herriko hainbat elkarte eta eragilerekin elkarlanean askotariko ekintzak antolatu ditu.
Itziarko plazatik abiatu, Arbileko balkoitik igaro eta Lasturren amaituko da. Ondoren, bertako tabernan mokadutxo bat egingo da. Ibilaldi gidatua euskaraz eta doan izango da. Izen-ematea: 943 192 452 – turismo@geoparkea.com.
Abenduaren 26tik 29ra X. Animadeba Animazio Zinemaldia ospatuko da Deban. Aurtengo ekitaldien artean, gortina tailerra eta hamargarren urteurrena ospatzeko festa dira nabarmentzekoak.
