San Roke Jaiak
Debako festa nagusiak SAN ROKE JAIAK dira eta abuztuaren 14tik 19ra ospatzen dira. Egun garrantzitsuena abuztuaren 16a dugu, San Roke eguna ospatzen baita. Festa hasiera, danborrada, entzierro eta zezenketak, San Roke eta Jorrai dantzak, berbenak eta jai giro zalapartatsua festa hauetan gozatzeko berme dira. Bisitariak ere, herrikoekin batera, osoki bizi ahal ditu, bertan murgiltzea festa ulertzeko erarik onena baita.
2020ko San Rokeak ez dira ospatuko
San Roke 2019
Kartelak eta egitarauak
Zezen kronikak
Entzierroetarako arauak
Desenkajonamendua
EZETZ da EZETZ
Entzierroetarako arauak
- Entzierroak arrisku handiak ditu korrikalarientzat.
- Segurtasun neurriak zorrotz bete behar dira eta zorrotz betearaziko dira.
- Behar ez bezala korritzeak arriskuan jartzen du zure segurtasuna eta gainontzekoena.
- Beste batzuren artean, erabat galarazita dago:
- Mozkortuta edo drogen eraginpean saltaka egitea.
- Saltaka egiteko arropa eta oinetako desegokiak edukitzea eta traba egin dezaketen bizkar zorro edo bestelakoak eramatea.
- Abelburuei deitzea, errekorteak egitea edo haien arreta erakartzea.
- Ez bota ezer abelburuen bidera.
- Jausten bazara, ez zaitez jaiki buru guztiak pasa arte.
Desenkajonamendua
1948. urtetik San Roke jaietako zezenen desenkajonamendua Osioko ikuiluetan egin izan da, urte hartan hasi baitziren Nafarroatik zezenak kamioietan ekartzen. Osioko ikuiluetan ikusleentzako tokia mugatua denez, eta gero eta jende gehiagok ikusi nahi duen ekimena izanik, festa batzordeak zezenen desenkajonamendua zezen plazan egitea erabaki zuen 2017an.
Ekimena behar bezala gauzatzeko arau batzuk bete beharko ditugu, besteak beste, zezenei ez zaie inon eta inolaz, ez plazan, ez ibilibidean deitu behar. Ikusleok gainera, plazako megafoniatik ematen diren jarraibide guztiak bete beharko ditugu. Plazatik Osiora egingo den entzierriloa, noski, korrikalaririk gabe egingo da. Jendea hesien atzean jarri ahal izango da eta ezer gerta ez dadin isiltasun osoa gorde beharko da.
Desenkajonamendua eguerdiko 12:30ean egingo da, Lersundi kaleko entzierroko atean zezenen kamioia jarri eta gero. Lehenik, lau mantso aterako dira plazara, tokia ezagutu ondoren kamioko kaxen ateak zabalduko dira eta zortzi zezenak banan-banan irtengo dira kamioitik plazara.
Desenkajonamendua bukatu bezain azkar, kamioia kaletik kendu eta entzierroko ibilbidea itxiko da. Ondoren, udaltzainek eta laguntzaileek ibilbide osoa hustuko dute.
Zezenak eta lau mantso plazatik aterako direla iragarzeko txaplero bat botako da. Badaezpada, hauen atzetik beste bi mantso aterako dira plazatik Osiora. Zezenak Osioko ikuiluan behar bezala kokatu ondoren, bi txaplero botako dira ekitaldia bukatu dela adierazteko. Ordura arte ezingo da entziorroko ibilidera sartu.
Ekimen hau zuzen eta ondo ateratzeko guztion jarrera arduratsua ezinbestekoa izango da.