1969ko ekainaren 8an bi gaztek aurkitu zuten Ekain haitzuloa, labar-margo ikusgarriz beteta. Maiatza eta ekaina bitartean askotariko ekitaldiak egingo dira haitzuloaren aurkikuntzaren 50.urteurrena ospatzeko.
Datorren ostegunean, hilak 16, Debako literatur lehiaketaren sari banaketa egingo da Agirre jauregiko ispiluen gelan.
Kalean da Debarren Eguneko egitaraua. Maiatzeko hirugarren igandean ospatu ohi dugu debarrok geure eguna, eta oraingoan ere, hiru eguneko egitarau zabala prestatu du Udalak egun horren baitan.
Pasa den ostegunean egin zen "Deba 100 hitzetan" V. literatur lehiaketako sari banaketa Agirre jauregiko ispiluen gelan. Koro Coca eta Jorge Sainz izan dira aurtengo sariketako irabazleak.
Maiatzaren 25era bitartean, Geoparkeak ekimen ugari antolatu ditu Deban, Mutrikun eta Zumaian, zientzia, kultura eta natura ondarea ardatz hartuta.
Debako hiri-lurzoruan dauden etxebizitza guztiek parte hartu ahal izango dute lehiaketan. Horretarako, aurrez izena eman beharko da, maiatzaren 20tik ekainaren 14ra bitarte, Turismo Bulegoan. Ekimenean parte hartzeko nahitaezkoa izango da izen ematea eta turismo bulegoan jaso behar den bereizgarria balkoi edo leihoan leku ikusgarrian eskegitzea.
Badator Animadeba jaialdiaren 11. edizioa. Izaera berritua eta inoizko proiekzio handienarekin, uda garaian ospatuko da aurten estreinakoz, ekainaren 19tik 23ra.
Antzerki Astearen XXXIII. edizioa Debara iritsiko da, maiatzaren 24tik ekainaren 2ra. Mota eta adin guztietarako antzezlanak izango ditugu herrian, euskaraz eta talde profesional zein amateurren eskutik.
Zabalik da 2019-2020 ikasturterako udal musika eta dantza eskolan matrikulak egiteko epea. Interesatuek ekainaren 14a baino lehen aurkeztu beharko dute matrikula orria Deba Musikaleko idazkaritzan.
Atzo, maiatzak 26, Europako Parlamenturako hauteskundeak, Gipuzkoako Batzar Nagusietarako hauteskundeak eta toki-hauteskundeak ospatu ziren.
Gaur arratsaldean izango da saioa, Debako Kultur Elkartean. Sarrera irekia da aretoa bete arte.
Surf, body board, arraun surf, skate, piraguismoa eta xake ikastaroen eskaintza zabala prestatu du udal kirol zerbitzuak aurtengo udarako. Horietaz gain, kiroldegiko eskaintza, Nordic Walking ikastaroak, Amaikak Baten futbol udalekuak eta Debasketek antolatutako saskibaloi kanpusa ere izango ditugu aukeran.
Debako Udalak Lanbide-Euskal Enplegu Zerbitzuaren laguntzarekin itsasadarrean eta hondartzaren inguruetako aisialdirako guneetan birsorkuntza lanak egiteko enplegu plana martxan jarri berri du. Bi peoi kontratatuko dira datozen lau hilabetetarako. Lan eskaintza hau gizarteratzeko edota lan munduan sartzeko zailtasunak dituzten pertsonak babestera zuzenduta dago.
Debako zezen suharren ganaduzaleen artean ezagunena izan da Artetxe familia.
Gaur osatu dira udal gobernuak eta Deban EH Bilduko Gilen Garciak eskuratu du alkatetza.
Pasa den ostiralean aurkeztu zuten, Donostian, uztailean kostako zenbait herritan ospatuko den Nazioarteko IV. Flysch Organo Zikloa. Gipuzkoako Foru Aldundiak sustatuta, Deba, Mutriku, Getaria eta Zumaiako udalek laugarrenez parte hartuko dute.
Debabarreneko eskualdean pertsona edo entitate batek bere ibilbidean zehar sustatu dituen giza balioei aitortza egitea du xede. Hautagaiak aurkezteko epea uztailaren 14an amaituko da.
Partehartzaileek uztailaren 16tik 21era bitartean aurkeztu beharko dituzte euren lanak udaletxeko kultura sailean edo turismo bulegoan. Kartel irabazlea aurtengo jaiak iragartzeko erabiliko da, eta 500 euroko saria lortuko du.
"Magalean" izenburupean, Iratxe Hdez. Simalen lanak izango ditugu ikusgai uztailean eta abuztuan zehar. Debako erakusketa artistikoaren XV. edizioaren inaugurazio ekitaldia larunbatean izango da, 12:30ean, Santa Maria elizako klaustroan.
Debako Udalak, Gipuzkoako Foru Aldundiaren babesarekin, hogeita hamaseigarrenez antolatu du Udako Musikaldia. Abuztuaren 1ean emango diogu hasiera zikloari Duo Sarasateren emanaldiarekin. Kontzertuak ostegunetan izango dira, arratsaldeko 8etan, Santa Maria elizan.
