Asteklima

2023ko irailaren 22tik urriaren 1era bitartean, Euskadik ASTEKLIMAren laugarren edizioa biziko du, Klimaren eta Energiaren Astea, Eusko Jaurlaritzako Ekonomiaren Garapen, Iraunkortasun eta Ingurumen Sailak, EEE eta Ihobe erakunde publikoen bitartez, bultzatutako ekimena. Ekimen honek, herritarrak beharrezko trantsizio energetikoaren eta klimatikoaren aurrean kontzientziatzea eta mobilizatzea du helburu.

Solasaldia. TA ARGIYA IÑ ZAN

Ta argiya iñ zan ikus-entzunezko instalakuntza proposamena da, argiaren, argindarraren eta energia hidraulikoaren hausnarketan kokatzen dena. Gure bailarak energia sortzaile gisa izandako historiaren inguruan gogoetatu nahi dugu, horrek eragindako esperientzietatik abiatuta. Batetik, argindarraren sartzeak bailaran ekarritako aldaketetan; bestetik, errekaren ustiapenak bertakoengan izandako eraginetan. Egungo energia-kontsumoa pentsatzeko gako izan daiteke iragana.