Agirretxeko aparkaleku eta berdeguneetako proiektuaren aurkezpena

Debako udalak, 2013. urtean ekin zion aparkalekuetarako proiektu berri bat lantzeari, herrian dagoen behar bati erantzuteko asmoz.

2014. urtean proiektua garatu, eta ostiralean, urtarrilak 16, herritarrei aurkeztuko zaie, Udaletxeko pleno aretoan arratsaldeko 19.00etan.

Ostiraleko azalpenaren ondoren, urtarrilaren 16tik 24ra ikusgai egongo da proiektua herritarren ekarpenak jaso ahal izateko.

 Proiektua, herri gunean, frontoi eta kiroldegi arteko eremuan kokatzen da, eta erabilpen gabeko lur zoru bati balio erantsia eman nahi zaio, beteko dituen hurrengo hiru helburu nagusi hauekin:

1. Aparkaleku berriak herritarrei eskaintzea.

2. Kiroldegiaren erabilpena bultzatzea

3. Agirretxen aisialdi gune bat eraikitzea.

Aparkalekuari dagokionez, lau solairutan banatuta, 146 garaje aurreikusten dira, non 88 irekiak eta 58 itxiak izango diren. Irekietatik 22 gutxienez errotaziozkoak izatea aurreikusten da

Eraikinak igogailu publikoa izango du eta gaur egungo frontoiko igogailuarekin batera, herriko plazatik kiroldegirako lotura zuzena bermatuko da. Bestalde, errotaziozko aparkalekuak kiroldegi parean egoteak, erabilera sustatuko du.

Eraikinaren gainean 2.000 metro karratu inguruko gunea sortuko da, eta udalak bi proposamen ditu eremu horretarako. Ostiraleko bileran luzatuko ditu bi proposamen horiek, baina herritarrek egoki iritzitako besteren bat proposatzeko aukera izango dute. Gero, herritarren iritziaren arabera erabakiko da lur eremu horren erabilera.

IKUSI APARKALEKU/GARAJE ETA BERDEGUNERAKO PROIEKTUA AGIRRETXEN