Artzabalgo paduretan ur-benarrizaren eraztunketa saio irekiak abuztuaren 28an eta 30ean

2019/08/27
Udala behaketa lanak egiten ari da, ur-benarrizak bere migrazioan atseden hartzeko Debako itsasadarra erabiltzen ote duen baieztatzeko helburuarekin. Pako Zufiaur ortinologoaren eskutik, eraztunketa zientifikoari buruzko jardunaldiak izango ditugu abuztuaren 28an eta 30ean (elebitan).

Udala Debako itsasadarreko hegaztien zentso lanak egiten ari da Gipuzkoako Foru Aldundiko eta Eusko Jaurlaritzako Ingurumen Sailen laguntzarekin.

Behaketa 2018ko neguan hasi zen Pako Zufiaur ornitologoaren eskutik, eta horien emaitzak ikusirik ur-benarrizak (Acrocephalus paludicola), Europa mailan urriena eta mehatxatuena den paseriformeak, bere migrazioan atseden hartzeko Debako itsasdarra erabiltzen ote duen baieztatu nahi da.

Horretarako, abuztuan hainbat eraztunketa egingo dira, eta herritarrek zein bisitariek bertara hurbildu eta horietako batzuk ikusteko aukera izango dute.

Pasa den asteburuan gerturatutako jende kopurua ikusita, beste bi saio antolatu dira. Interesatuta zaudetenok abuztuaren 28an edota abuztuaren 30ean, 09:30ean, Artzabalgo paduretan zehaztutako puntura hurbil zaitezkete, eta han aipatutako ornitologoak eta bere lankideak eraztunketa zientifikoari buruz dena azalduko dizuete.