Datorren larunbatean, azaroak 29, Itsas Hondakinen Makrobilketa Gipuzkoako kostaldean

2025ko azaroaren 25aDatorren larunbatean, azaroak 29, Itsas Hondakinen Makrobilketa Gipuzkoako kostaldean

MATER Ontzi Museo Ekoaktiboak antolatuta eta Itsas Zaintza Sarea proiektuaren baitan, itsas hondakinak biltzeko 9 ekintza bateratu egingo dira Gipuzkoako 6 herritan, horien artean Deban. Bilketan parte hartu nahi duten debarrek aurrez izena eman beharko dute 619 814 225 telefonora deituz edo idatziz, edo itsaszaintzasarea@mater.eus helbidera idatziz.

MATER Ontzi Museo Ekoaktiboak antolatuta eta Itsas Zaintza Sarea proiektuaren baitan, larunbat honetan, azaroak 29, egingo da Itsas Hondakin Makrobilketa, 9 ekintza bateratuk osatutako jardunaldia, horien artean Debako hondartzan. Ekintzak 11:00etatik 13:00etara egingo dira Gipuzkoako kostaldeko hainbat tokitan. Ekimen honen bidez, itsasoa eta hondartzak plastiko eta bestelako hondakinez garbitu nahi dira, hondakin metaketa handiena duten puntu estrategikoetan esku hartuz.

Gipuzkoako kostaldeko bilketa guneak

9 ekintza bateratuak honako leku hauetan egingo dira:

  • Debako hondartza

  • Itzurun hondartza (Zumaia)

  • Zarauzko hondartza

  • Urumea ibaia (Donostia)

  • Pasaia: Alabortza senadia, Senokozuloan hondoen garbiketa eta badian hondakin flotagarrien bilketa

  • Hondarribia: hondartzan eta Bidasoa ibaian flotagarrien bilketa

Parte hartzaileei beharrezko material guztia emango zaie, bai hondakinak jasotzeko, bai ondorengo sailkapena egiteko.

Debako hondartza garbitzeko deialdia

Itsas Hondakin Makrobilketa honetan parte hartu nahi duten debarrek Debako hondartzan izango dute aukera. Horretarako, aurrez izena eman behar da itsaszaintzasarea@mater.eus helbidera idatziz edo 619 814 225 telefono zenbakira deituz.

Itsas Hondakin Makrobilketa ingurumenaren zaintza indartu eta kostaldean pilatzen diren hondakinak murrizteko ekimena da, herritarrei ingurune naturalen babes aktiboan parte hartzeko aukera eskainiz. Jardunaldi honetan parte hartzeak itsasoa eta hondartzak egoera hobean mantentzen laguntzen du, eta, aldi berean, jasangarritasunarekiko sentsibilizazio eta konpromiso handiago baterantz aurrera egiteko aukera ematen du.