Deba 100 hitzetan "literatur lehiaketaren sari banaketa apirilaren 29an

2025ko apirilaren 25a

Lehenik eta behin, 11:30ean, herriko ikastetxeekin lankidetzan egiten den ipuin eta ilustrazio lehiaketaren sariak banatuko dira, eta arratsaldean, 19:00etan, "Deba 100 hitzetan" lehiaketaren ekitaldi ofiziala egingo da. 2024ko "Hitzen Bilduma" ere aurkeztuko da, iazko lehiaketan saritutako lanak jasotzen dituen liburuxka.

Datorren asteartean, apirilak 29, "Deba 100 hitzetan" literatur lehiaketaren sari banaketa egingo da, baita herriko ikastetxeekin elkarlanean egiten den ipuin eta ilustrazio lehiaketaren sari banaketa ere.

Hain zuzen bi ekitaldi egingo dira: goizean, txikienek egindako lanak sarituko dira (ipuinak eta ilustrazioak), 11:30ean Udaletxeko Osoko Bilkuren Aretoan, eta arratsaldean, "Deba 100 hitzetan" lehiaketaren ekitaldi ofiziala egingo da, 19:00etan, Agirre jauregiko Ispiluen Gelan. Sarrera doan izango da bertaratu nahi duten guztientzat eta bi kasuetan, saridunek beraien idatzia irakurriko dute, musikaz girotuta. Era berean, epaimahaikideek era hitz batzuk eskainiko dituzte. 

Deba hizpide duen literatura lehiaketa

"Deba 100 hitzetan" Debako Udalak eta Cardenas Fundazioak bultzatutako literatur lehiaketa da, eta kontakizun laburrak — gehienez 100 hitzekoak — eta betiere Debarekin zer ikusia duten gaiekin loturikoak idaztera gonbidatzen ditu parte-hartzaileak, euskaraz edo gaztelaniaz. Lehiaketa honek sormena eta udalerriarekiko lotura emozionala sustatzen ditu, eta 300 euroko sariak ditu lehen posturako, 200 eurokoak bigarrenerako eta 150 euro saritu gabeko tokiko lan onenerako.

Hitzen Bilduma 2024

Gainera, jardunaldian zehar "Hitzen bilduma" liburua aurkeztuko da, 2024ko lehiaketan saritutako kontakizun, ipuin eta ilustrazioen bilduma, tokiko talentu sortzailea ikusarazteko eta balioan jartzeko helburuarekin.

Ikus hemen 2024ko Hitzen bilduma