Deba kulturaz jantziko da uda honetan, musika, bisita gidatuak, antzerkia eta ekitaldi bereziak jasotzen dituen kultur egitarau anitz zein zabalarekin

2025ko uztailaren 3a

Antolatutako ekitaldien artean nabarmentzekoak dira musika kontzertuak, Debako txoko esanguratsuenetara egingo diren bisita gidatuak edota 'Dadoa L Alatz Antzerkia' antzezlana, beste hainbat ekintzen artean.

Debako Udalak udako kultur agenda aurkeztu du, anitza eta ekitaldi ugariz osatua, udan ere, Debak kulturalki herri bizia izaten jarrai dezan. Kultur gidak 30 jarduera baino gehiago jasotzen ditu, adin guztietarako herritarrei zuzenduak: erakusketak, musika, bisita gidatuak, antzerkia eta beste hainbat aukera. Gainera, San Roke jaiak abuztuaren 14tik 18ra izango dira eta Euskal Jaiak irailaren 27an.

Arte eszenikoak eta musika ekitaldiak

Aurtengo agendak antzerki- eta musika-ikuskizun ugari batzen ditu. Nabarmentzekoak dira "Nazioarteko Flysch Organo Jaialdia", uztailaren 5ean egingo dena Debako Santa Maria elizan, eta zuzeneko musika emanaldiak, hala nola Musika Bandarena eta Xiberoots taldearena; azken hau Iturriondoan ekimenaren baitan egingo da. Ekimen honek musikaz betetzen du uztaileko ostiraletan herriko Plaza Zaharra. Antzerki emanaldiak ere izango dira, besteak beste, Les Bobè Bobè Antzerki Taldearen “Dada ü Lala” obra eta Onintza Enbeita eta Sustrai Colina bertsolarien Bertso Saio Espekulatiboa.

Familia-jarduerak eta bisita gidatuak

Uda honetan, familiek aire zabaleko hainbat jardueraz gozatu ahal izango dute, hala nola Geoparkera egingo diren bisita gidatuez eta Debatik Zumaiara itsasontziz egingo diren txangoez. Lasturreko historia eta txokoak hobeto ezagutzeko bisita gidatuak ere antolatuko dira.

Jaiak eta ekitaldi bereziak

Urtero bezala, Debak bere ohiko jaiak ospatuko ditu, San Roke Jaiak, abuztuaren 14tik 18ra. Horrez gain, irailean, Animadebaren 18. edizioa ospatuko da eta 27an, Euskal Jaia eguna. Gainera, Xake Festa herrikoia eta Kaleko Pinturaren 56. lehiaketa egingo dira, herriko kaleak artez eta sormenez beteko dituztenak.

Beste ekimen nabarmen batzuk

Jarduera berezienen artean Marea Gora hitzaldiak, kultura eta ingurumen gaiei buruzkoa, eta azoka solidarioa aurkitzen dira. Era berean, zinema saioak ere egingo dira kioskoan bi ostiral gauetan.

Debako kultura agenda honekin, eskaintza zabala izanik, herritarrak eta bisitariak kultura, bizikidetza eta udalerriko natura- eta arte-ondareaz gozatzera gonbidatu nahi da, adin guztietarako jarduera ugariren bitartez.