Debako Udalak Emakumeen Nazioarteko Egunaren baitan antolatu diren ekintzen egitaraua kaleratu du

2017ko martxoaren 8a

Kalean da “Emakumeen Nazioarteko Egunaren” baitan Deban antolatuko diren ekintzen egitaraua. Martxoaren 3an hasi eta hilaren 24ra arte, hainbat ekintza izango ditugu herrian.

Martxoaren 8an Emakumeen Nazioarteko Eguna ospatzen da eta egun honen harira ume, gazte zein helduei zuzenduriko hainbat ekintza antolatu dira Deban: ipuin kontaketak, kontzentrazioa eta dantza mugimendu terapia, besteak beste.

Martxoaren 3an, helduentzako ipuin kontaketek emango diete hasiera Emakumeen Nazioarteko Egunaren ospakizunei eta gazteentzako ipuin kontaketekin bukatuko dira hilaren 24an. Tartean hitzaldiak, dantza tailerrak eta kontzentrazioa izango dira.

Udalak, herriko eragile eta talde ezberdinekin batera, egun honen baitan programatu diren jardueretan parte hartzeko deia luzatzen die herritar guztiei.

Egitaraua 2017

Martxoak 3, ostirala: Sexijentziak askatuz, helduentzako ipuin-kontaketa. 22:30ean, Maxi tabernan.

Ipuin kontalaria: Itziar Saenz de Ojer

Hizkuntza: euskara

Martxoak 8, asteazkena: kontzentrazioa Begirada anitzetik berdintasunerantz lelopean. 19:00etan Foruen plazan.
- Luzaro ikastetxean landuko dituzten gaiak:
  - Betaurreko moreak: historiako eta gaur egungo emakume esanguratsuen argazkiak itsatsita
  - Etxeko emakumeen biografiak
Martxoak 9, osteguna: Deskubritu zure gaitasun ekintzaileak emakume ekintzaileen inguruko hitzaldia. 18:00etan Agirre jauregiko Ispiluen gelan. Ondoren luncha.