Debako Udalak Kiroldegiko zerbitzuak indartuko ditu Vending Makinak instalatuz

2026ko otsailaren 10a

Otsailaren 16tik aurrera, kiroldegiko harreran edari eta “snack” desberdinak eskura izango dituzte erabiltzaileek, atseden hartzeko eta erosotasunez baliatzeko aukera emanez.

Debako Kiroldegiak instalazioen hobekuntzan lanean jarraitzen du, zerbitzuen kalitatea hobetzeko eta erabiltzaileen beharrei erantzuteko helburuarekin, soluzio berriak ezarriz erabiltzaileen esperientzia errazteko.

Datorren otsailaren 16an, astelehena, Debako Kiroldegiak aurrerapauso bat emango du bere instalazioen hobekuntzan, bi makina berri jarriz kiroldegiko harreran, beheko solairuan. Ekimen honen helburua da erabiltzaileei aukera azkar, erraz eta anitzak eskaintzea.

Alde batetik,  kafea eta edari beroak eskainiko dituen makina bat egongo da, kirola egin ondoren atseden hartu nahi dutenentzat. Bestetik, edari hotzak eta snack-ak eskaintzen dituen makina ere izango da, erabiltzaileei freskagarriak eta arinak eskaintzeko.

Hobekuntza honekin, Debako Kiroldegiak bere zerbitzuen kalitatea eta eskuragarritasuna hobetzen jarraitzen du, erabiltzaileen esperientzia atseginagoa eta erosoagoa bihurtuz.