Deban ere langabetuen kopurua beherantz

2018/10/15
Enpleguaren egoera hobera egin du eta Debako langabetuen kopurura %28 gutxitu da azken urtean. Debegesak egindako Debabarreneko enpleguaren egoera txostenaren arabera 169 debar langabetu zeuden erregitratuta Lanbiden 2018ko abuztuan, 103 emakumezkoak eta 66 gizonezkoak, 2017an baino 67 langabetu gutxiago alegia.

Enpleguaren egoerari buruzko datuak Debabarrena eskualdean ere hobera egin dute azken urtean. Langabetuen kopurua %12,5 jaitsi da,  izan ere, 2017an 4.286 langabetu zeuden erregistratuta Lanbiden eta 2018ko abuztuan 3.747. 

Debabarreneko enpleguaren egoerari buruzko txosten osoa ikusteko klikatu hemen.

Honen arira, Debako Udala, Lanbide eta Sarturen elkarlanari esker, Lanbide enplegu zentroak bere zerbitzuak Eguneko Zentroan eskaintzen ari dela gogora ekarri nahi dugu; eta horrela jarraituko du 2019ko martxora arte. Zerbitzua astearte eta ostegunetan, 8:00etatik 15:00etara egoten da zabalik eta honako zerbitzuak eskaintzen ditu:

  • Lana bilatzeko baliabideei buruzko autokontsulta-tresnak.

  • Lan-merkatuaren informazioa bilatzeko baliabideak.

  • Bibliografia, argitalpenak, liburuak, eguneko prentsa, aldizkari ofizialak, prestakuntzan eta enpleguan espezializaturiko aldizkariak.

  • Enpleguari eta prestakuntzari buruzko informazio guztia eskuratzeko ekipamendu teknologikoa. Internetera konektaturiko ordenagailuak.

  • Eta lan-munduratzeko ibilbidean lagun izango duzun orientatzaile baten laguntza izango duzu.

Bestalde, DEBEGESAk berak ere, eskualdeko enpresekiko gertutasunagatik, Debabarrenean enpleguaren bilaketa errazteko duen enplegu atarian, lan eskantzei buruzko informazio gehiago duzu.