Edukiontzi marroiaren erabilera desegokia

2019/12/09
Azken hilabeteotan organikoa ez den hondakin kopuru handia (ezegokiak deiturikoak) agertzen ari da edukiontzi marroietan. Honek, gainontzeko bizilagunek egindako ahalegina zapuztu egiten du, izan ere, herriko edukiontzi marroietan dauden hondakin guztiak kamioi berean husten dira.

Edukiontzien goiko aldean puntu hori batekin markatuta dauden marroiak dira gehienetan ezegokiak biltzen dituzten edukiontziak. Eta Deba herriguneko bilketa-gune guztietako edukiontzi marroiek puntu horia dute. 

Badira hiru urte gaur egungo sistema ezarri zela eta hobetu da birziklatze maila, baina oraindik ere gauzak hobetzeko daude, bai ostalaritza eta merkataritza sektorean, baita etxean ere. 

Momentu honetan mankomunitateko langile bat ari da organikoak biltzen dituen edukiontzietatik ezegokiak ateratzen eta errefusara botatzen. Etxeko eta merkataritzako hondakinen bilketa arautzen duen ordenantzak (2018an onartutakoa) argi dio hondakinak behar den bezala sailkatzea herritarren ardura dela. Beraz, gaizki egiten duenak, lege-hauste bat egiteaz gain, besteek egindako sailkapena alferrik galtzea eragiten du eta garestitu egiten du zerbitzua. 

Beraz, hasieratik dagokion hondakinen sailkapena egitea eskatzen dizue Debako Udalak etxekoei, merkatari eta ostalariei.

Edozein zalantza argitzeko, ordenantza irakurri edota Udaleko ingurumen sailera jo dezakezue.