Egungo egoerari moldatutako Gabonak

2020/12/11

Debako udalak eta herriko eragileek aurten ere Gabonetarako egitaraua prestatu dute, baina egungo osasun egoerara moldatuta. Oraingo honetan, maskara, distantzia soziala eta eskuak garbitzeko gela txertatuko zaizkigu ospakizunetan. Urtea gogorra izaten ari da, eta Debako udalak apustua egin du ahal den neurrian, eta beharrezko neurriak hartuta, kultura ekintzak eskaintzeko. Elkar zaintzeko eta zentzuz aritzeko eskatu nahi dizue Udalak, izan ere, COVID-19a gure artean dago, oporraldi sasoia izanda ere.

Hau da datozen egunotarako antolatutako egitaraua:

Abenduaren 19an, larunbata, goizeko 9:30tatik 13:30tara, Simon Berasaluze plazan, AZOKA herriko ekoizle eta artisauekin.
Abenduaren 24an, Olentzeroren eta Mari Domingiren kalejirarik ez da egongo, baina sare sozialetatik helduko zaie mezua etxeko txikiei. Zuhatza euskara elkarteak, Goaz antzerki taldeak eta Guraso elkarteek antolatutako ekimena da.

Abenduaren 26an, Labur-birako emanaldia Kultur Elkartean. Zuhatzak antolatuta.

Abenduaren 27an, Debako Musika Bandak kontzertua eskainiko du Elizako klaustroan eguerdiko 13:00etan.

Abenduaren 29 eta 30ean, Haur parkea Aldats pilotalekuan eta Luzaro eskolako patioan. Goizean 11:30tatik 13:30tara / Arratsaldez 16:00tatik 18:00tara.

Urtarrilaren 5ean, Errege kabalgatarik ez da egingo baina sare sozialetatik mezua hedatuko dute. Herritar talde batek antolatzen du.

OHARRA: Aurten ez da Urte berriko azoka antolatuko (urtarrilaren 2an izango litzateke).