Ekintzailetza tailerra Deban, Udalaren eta Debegesaren eskutik

2016ko otsailaren 18aEkintzailetza tailerra Deban, Udalaren eta Debegesaren eskutik

Herriko ekintzaileei zuzenduta, ‘Deba Ekinean’ ekimenak ekintzailetza eta enpresa berrien sorrera sustatzea du helburu. Tailerra doakoa da eta aurrez izena eman behar da ekintzaile@debegesa.eus helbidera idazita edo 943 82 01 10 telefonora deituta.

Debako Udalak eta Debegesa garapen agentziak herriko ekintzaileei zuzendutako doako tailerra antolatu dute ‘Deba Ekinean’ izenburupean. Parte hartzeko baldintza bakarra da ekiteko gogoa izatea eta ideia, proiektu edo negozio bat abian jartzeko prest egotea.

Parte hartzeko interesa duten herritarrek izena eman behar dute aurrez ekintzaile@debegesa.eus helbidera idatzita edo Debegesako telefonora deituta: 943 82 01 10. Tailerrak 24 orduko iraupena izango du, 6 egunetan banatuta. Taldea osatzen denean erabakiko da egutegia eta ordutegia.

Deba Ekinean’ ekimenak enpresa berrien sorrera sustatu nahi du herrian eta Debabarreneko eskualdean. Ekimena jarrera edota gaitasun ekintzaile nabarmena duen orori dago zuzenduta eta ez da beharrezkoa aurrez negozio ideia bat definituta izatea.

Tailer honen bitartez, erreminta eta baliabideak eskainiko zaizkie ikasleei euren enpresa proiektua garatu ahal izateko. Motibazioa eta sormena landuko dute negozio ideia berriak sortu eta identifikatu ahal izateko eta enpresa bat sortzerakoan egon litezkeen zailtasunak gainditzen erakutsiko zaie.