Gazte boluntarioek osatutako taldeak gidatuko ditu Dagigun tailerrak asteburuan

2021/11/24
Dagigun partaidetza gunearen barruko tailerrak egingo dira asteburuan. Testuinguru horretan, Udaleko parte-hartze batzordearen babesean, horietan parte hartzera gonbidatzeko agerraldia egin dute dinamizatzaileek. Izan ere, partaidetza prozesu honetan jarduteko moduari esker, balio handiko protagonista taldea sortu da: dinamizatzaile gazteen taldea.

Gilen Garcia alkateak azaldu duenez Dagigun partaidetza gunea apustu eta erronka handia da, “parte-hartzearen kultura gure herrian sustatzeko urrats garrantzitsua ematen ari gara lan egiteko modu honekin”. Bere esanetan, partaidetza gunearen sorrera eta lehen prozesuaren emaitza garrantzitsuak izango dira Debarako, baina, prozesua bera ere izango da, eta izaten ari da interesgarria. Partaidetza-prozesuen adibide askotan, zerbitzu teknikoek parte hartu dute, baina Deban garatzen ari den prozesua guztiz berritzailea da; izan ere, komunitatea eraikitzeko prozesua bera eta kalitate demokratikoarena erdigunean kokatzen ditu.

Bereziki nabarmendu nahi izan du aipatutako gazteen lana: Amaia Arozena, Ane Arrizabalaga, Andoni Garrido, Iñaki Sagarna, Lander Aranberri, Maren Lobete , Mercè Miró, Miren Etxeberria eta Uxue Sancho. 

9 hilabetez formazioa jaso dute eta beraiek diseinatutako eta dinamizatuko duten tailerrak egingo dira asteburuan. “Harrobia sortu da aurrera begira ere jarrai dezagun bide honetan lanean modu autonomoan, herritik, herriarentzat.”

Itziar Gonzalez arkitekto kataluniarra ari da prozesua gidatzen, eta bera izan da gazte taldea formatu duena. “Prozesu hori beste prozesu parte-hartzaile batzuetatik bereizten duena da ez dela kanpoko enpresa bat kontratatzen dinamiza dezan, baizik eta pertsonak kapitalizatu eta prestatu nahi direla, etorkizunean modu autonomoan jarrai dezaten”.

Pertsona horiek partaidetza-batzordearen mende daude. 9 gazte dira, berezko profil eta kezkak dituztenak, baina baita komunak ere, eta 9 hilabetez prestatu dira. Udalak ekainean egindako deialdi bati erantzun zioten.

Konpromisoa hartu dute proiektuarekin, eta astero bildu ditugu hilabete hauetan.
Gazteen eta udal-langileen arteko koprodukzioa da oinarria hemen. “Profil oso desberdineko gazteak dira: adin desberdinak dituzte, baina denak gazteak dira. Batzuk beren etorkizuna bideratzen ari dira, beste batzuk oraindik aurreko fasean daude. Ezagutza desberdinak dituzte: artea, historia, informatika, arkitektura... eta horrek aberastasuna ematen digu”, Gonzalezen hitzetan.

Bi leku esanguratsu hautatu dira tailerretarako: plaza, batetik. Herriko elkargunea da, Udalaren eta herriaren arteko lotura irudikatzen du. Eta nola ez, Zumardia. Gune estrategikoa gure herrian, adin desberdinetako herritarren elkargunea. Prozesu honen abiapuntua izan den lekua. 

Esan bezala herriko dinamizatzaile gazteek gidatuko dituzte tailerra. Herritar bakoitzari behar dituen azalpenak emanez, behar duen laguntza eskainiz (panel informatiboak interpretatu, planoetan ekarpenak jaso, proposamenak bildu...).

Ariketa erabat praktikoa izango da, herritar bakoitzak eskaini nahi dion denboran egin ahal izango dena. Hauek diratailerrak:

  • Azaroak 27, larunbata, Udaletxeko arkupetan
    10: 00-13: 30: Zumardiari buruzko diagnosi tailerra 
    16: 30-19: 00: Zumardiko jarduerak eta helburuak zehazteko tailerra.

  • Azaroak 28, igandea, Zumardiko kioskoan

  • 11:00-13:00

    • Haurrentzako tailerra: diagnosia eta proposamenak 

    • Helduentzako tailerra: proposamenak