Hondartzako biodibertsitatea ezagutzeko bisita gidatuak uztailean eta abuztuan

2022ko ekainaren 29aHondartzako biodibertsitatea ezagutzeko bisita gidatuak uztailean eta abuztuan

Ur (h)ondoa garden kanpainaren bitartez herriko ur-eremu desberdinak zaborrez eta bereziki plastikoz, garbituko dira. Aldi berean, hondartzan bertan dugun biodibertsitatea ezagutzera eman nahi dugu, ezagutzen dena zaintzen baita. Beraz, hori da Debako Udalaren asmoa.

Badira aste batzuk kanpaina abiatu zela, eta datorren egun eta asteetan beste hainbat ekimen egingo dira. Uztailaren 1ean, gaia modu ludikoan lantzeko ikuskizuna eskainiko da Cardenas pasealekuan, Ondargain parean, 19:00etan. Euria badago bertan behera utziko da. Eta hondartzako biodibertsitatea ezagutzeko bisita gidatuak egingo dira uztailean eta abuztuan, uztailaren 2tik aurrera. Debanatura elkarteko Diego Mendoza biologoa izango da gidaria, inguru horretan eskarmentu handia duena.

Uztailean larunbatetan egingo dira bisita gidatuak, eta abuztuan, berriz, igandetan. Ordu eta erdiko iraupena izango dute, eta bi egingo dira jarraian, lehenik euskaraz eta gero gaztelaniaz. Ordutegiak itsasaldiaren arabera aldatzen direnez, bisita bakoitzeko ordutegia kontsultatzea komenigarria da. 

Bisitak doan izango dira, baina aldez aurretik izena ematea beharrezkoa izango da (egunean bertan nahikoa izango da) turismo bulegoan. Telefonoz edo emailez: 943192452 edo turismoa@deba.eus.

Irteera Cardenas pasealekuan kokatutako baletik egingo da. Irteerak ez du zailtasunik, eta ume zein helduentzako aproposa da. Zapata erosoak eramatea da baldintza bakarra.

Bertakoek zein kanpokoek Debako Santiago hondartzako dunak eta Lapariko marearteko zabalguneko habitatak eta bertako landaredia zein izaki bizidunak ezagutzeko aukera izango dute bisiten bitartez. Besteak beste, 2013an zergatik sortu zen duna, Lapariko harkaitzen artean dagoen bizitza, eta gune hauek gaur egun dituzten mehatxuak azalduko dira.

 

BISITEN EGUTEGIA