IKASTAROA – EMAKUMEZKOEN DEFENTSARAKO ARTE MARTZIALA - EDAM

2015ko ekainaren 30aIKASTAROA – EMAKUMEZKOEN DEFENTSARAKO ARTE MARTZIALA - EDAM

Debako Udaleko Berdintasun Sailak, Kirola eta Gazteria Sailaren kolaborazioarekin batera, Emakumezkoen Defentsarako Arte Martzial (EDAM) ikastaroa antolatu du Debako udalerriko eta Debabarrena eskualdeko emakumezkoentzat. Ikastaro hori Garikoitz Sillero TEKNAHIren kirol-arloko irakasle eta arduradunak emango du.

Ikastaroa urrian hasiko da eta Kirola eta Gazteria Sailak utzitako udalerriko instalazioetan egingo da.

Aurretiko izen-ematea ekainaren 8tik irailaren 7ra egin daiteke Debako Udaleko web orrian edota bere bulegoetan. Izen-emate irekitzearekin batera, datu zehatzagoak emango dira, besteak beste, prezioen informazioa, klaseen iraupena eta maiztasuna.
Berdintasun Saileko ekimen hori Debako Udalaren berdintasun lehenengo planean hitzartutako lan-lerroak betetzeari begira aurreikusi da. Egitasmo horretan honako helburu orokorra jasotzen da: “Etxeko indarkeriaren eta sexu erasoen prebentzioa eta laguntza hobetzea”.

Honen harira, 2015eko martxoaren 10ean ERAKUNDEEN ARTEKO KOORDINAZIORAKO PROTOKOLOA sinatu zuten Debako Udalak, Mendaroko ospitaleak, Deba eta Itziarko osasun-zentroek (Osakidetza) eta Eibarko Ertzaintzako polizia-etxeak (Ertzaintza), eta bertan aipaturiko lan-lerroan sakontzen da, baita konpromiso argiak eta sendoak ezarri ere; adibidez:
“Genero indarkeriaren prebentzioa lantzeko aurrekontua bideratu jarraian aipatzen ditugun ekintzak antolatzeko; autodefentsa feminista, hezkuntza zentroetan sentsibilizazio proiektuak…”

Berdintasun Sailetik uste dugu denboran jarraitutasuna duen TEKNAHIren Emakumezkoen Defentsarako Arte Martzial (EDAM) ikastaroa urrats bat gehiago dela konpromiso horiek gauzatzeko.
Horrexegatik, ahalduntzeko eta bere buruan segurtasuna irabazteko tresna den kirol orekatu hori praktikatzera animatzen ditugu Debako eta eskualdeko emakumezkoak.

IZEN EMATEKO INPRIMAKIA