IX. Animadeba Gortina Lehiaketa

2018ko azaroaren 5aIX. Animadeba Gortina Lehiaketa

Animadeba Gortina Lehiaketako oinarriak argitaratu dira. IX. edizio honetako lan saritua 2019ko Animadeba animazio jaialdia iragartzeko erabiliko da. Partaideak unibertsitatean edo animazio eskolaren batean matrikulatuta egon beharko dira, eta lanak 2018ko abenduaren 17a baino lehen entregatu beharko dira.

Debako Udalak IX. Gortina Lehiaketa jarri du martxan, ANIMADEBA 2019 nazioarteko animazio zinema jaialdirako. Aurtengo edizio hau animazio ikasleei zuzenduta dago. Izan ere, parte-hartzaileak unibertsitatean edota animazio eskolaren batean matrikulatuta egon beharko dira. 

Edozein animazio teknika onartuko da, betiere, lana .mov, .mpeg, .avi edota .wmv formatuetan aurkezten bada. Artxiboa 30 segundukoa izango da, eta lanarekin batera, egindako gortinaren irudi adierazgarri bat ere aurkeztuko da, .jpg artxiboan.

Gaia librea izango da, jaialdiaren promozioari zuzendua; baina gortina guztiek eraman beharko dute derrigor Animadeba 2019 logotipoa.

Lana(k), izen-emate orriarekin batera, 2018ko abenduaren 17a baino lehen bidali beharko d(ir)a Wetransfer bidez (www.wetransfer.com) animadeba@gmail.com helbide elektronikora edo postaz honako helbide honetara:

DEBAKO UDALA - Kultura Saila

Portu kalea 1

20820 Deba (Gipuzkoa)

Animaziozko zineko eta arte grafikoetako adituek osatutako epaimahaiak lanik onenak aukeratuko ditu teknika, kalitatea eta originaltasuna kontuan hartuta. Erabaki horiek behin betikoak eta aldaezinak izango dira.

Gortina batzuk aukeratuko dira 2018ko Animadeba animazio zinema jaialdian proiektatzeko, eta egun horretan bertan jakinaraziko da Animadeba 2019ko Gortina Lehiaketako irabazlea zein den. Honek 500 euroko saria eta oroigarria jasoko ditu. Gainera, datorren urteko Animadeba animazio zinema jaialdia iragartzeko erabiliko da bere lana.

Hala ere, gerta daiteke saria eman gabe geratzea, epaimahaikideen iritziz aurkeztutako lanek behar adinako mailarik ez badute. Gortina guztiak ikusgai egongo dira Animadebaren Youtube-ko kanalean.

Gortina lehiaketan parte hartzeak esan nahi du egileak oinarriak onartzen dituela.