Jende pilaketak ekidin ditzaten eskatu nahi die Debako udalak debarrei

2020/07/30
Asteburuaren atarian, Debako udalak gogorarazi nahi du bizitzen ari garen osasun egoera zaila dela eta, COVID-19a hedatu ez dadin, beharrezkoa dela guztiok neurriak hartzea. Jakin badakigu konfinamenduan eman ditugun hilabeteak luzeak eta gogorrak izan direla, baina egindako ahalegin horrek balioa izan dezan, beharrezkoa da egoerak eskatzen duen eta osasun agintariek etengabe gogorarazten dizkiguten gomendioei jarraitzea.

Debako udalak, hortaz, herritarrei eskatu nahi die jende pilaketak ekiditeko, ez daitezen kalean jende multzo handiak bildu eta gaitza hedatzeko arriskua handitu. Une hau ez da ez kalean bolitzarra egiteko unea, ezta taberna kanpoan osasunerako segurtasun distantziak hartu gabe egoteko unea, ezta lokaletan lagunekin egotekoa ere. Elkar zaintzeko unea da, ohi bezala, datorren udan elkarrekin egoteko izan dezagun. 

Gogorarazi nahi du, halaber, debekatuta dagoela gazteen lokaletan egotea, kalean edaten egotea eta tabernek goizeko 1:30ean itxi egin behar dutela. Halaber, gogorarazi nahi du derrigorrezkoa dela maskara erabiltzea, pertsonen arteko segurtasun tartea errespetatzearekin batera.