KIMUAK 2015

2015ko ekainaren 11aKIMUAK 2015

Kimuak Euskal Autonomia Erkidegoan zuzendu edo ekoiztutako film laburren sustapena eta banaketa du helburu eta zazpi izango dira Kimuak zigilupean aurten banatuko diren film laburrak.

Zazpi dira Kimuak zigilupean aurten banatuko diren film laburrak, aurkeztutako 54 proposamenen artean, ekainaren 8an egindako aukeraketaren arabera: David Gonzálezen 5 SEGUNDOS, Lander Camareroren A REVENGE STORY, Tucker Dávila Wooden DUELLUM, Mikel Gurrearen FOXES, Aitor Oñederraren I SAID I WOULD NEVER TALK ABOUT POLITICS, George Todriaren LOST VILLAGE eta Iñigo Salaberriaren LUZ A LA DERIVA. Aukeraketak genero nagusiak jasotzen ditu, ikuspegi berrien bidez landuak. Hizkuntzei dagokienez, lauk ez daukate dialogorik, bi ingelesez eginak daude eta beste bat gaztelaniaz..

Aitor Oñederra debarraren I Said I Would Never Talk About Politics katalogoko animazio bakarra da. Egungo klase politikoari eginiko kritika garratza da, “Don Mariano” protagonista duena. Debako errealizadorea herri honetako Animadeba animazio jaialdiko zuzendaria da, eta ilustratzaile eta sortzaile lanetan ere badihardu.