Kultura izan dute aztergai Dagigun partaidetza gunearen lehen mahai-inguruan

2021ko azaroaren 5aKultura izan dute aztergai Dagigun partaidetza gunearen lehen mahai-inguruan

Kulturaz hitz egiten abiatu ditugu Dagigun partaidetza gunearen barruan egingo ditugun mahai-inguruak. Azpeitiko Kulturaz Kultur kooperatibako Aitor Bengoetxeak haien esperientziaren berri eman du, eta erakutsi proiektuak gauzatzea posible dela. Kultur Elkarteko Lourdes Gonzalezek eta Alex Turrilasek atzera begiratu eta aurrera egiteko erronkaz aritu dira.

Ikusi mahai-inguruaren laburpen bideoa. Datozen egunetan egongo da sarean saio osoaren bideoa ikusgai. 

Hurrengo hitzordua bihar bertan da, Euskal Kostaldeko Geoparkeak antolatu duen 'Karts jaialdia: harria eta herria' ekimenaren barruan egingo diren hitzaldiekin. Askotariko gaiak jorratuko dira harriari eta herriari lotuta. Esaterako, ura, klima, gizakia eta harriari lotutakoak. Egun osorako egitaraua prestatu dute. 

Azaroaren 11n berriz, 'Zaintzaren hirigintza, hirigintzaren erronkak' lelopean mahaiaren bueltan arituko dira Debako arkitekto aholkulari Saioa Zuazubiskar, Debegesako Hirigintza eta Birgaitze arloaren arduradun Esther Zarrabeitia eta Donostiako Arkitektura Eskolako irakasle Ula Iruretagoiena. Kultur Elkartean izango da, 18:00etan. 

Mahai-inguruen zikloa azaroaren 18an amaituko da, Itziarko Burugorrin landa ekonomiaz egingo den saioarekin.