Parte-hartze eta maila artistiko handia Debako Aire Zabaleko Pintura Lehiaketaren 56. Edizioan

2025ko irailaren 15a

Guztira 28 obra aurkeztu ziren eta sormen artistikoa eta giro ona nagusi izan ziren. Lanak Agirre Jauregian egongo dira ikusgai irailaren 21era arte.

Joan den larunbatean, irailak 13, Deba aire zabaleko mihise bihurtu zen berriro, Debako Udalak, Cardenas Fundazioaren eta Haitz Haundi Elkartearen laguntzarekin, antolatutako Aire Zabaleko Pintura Lehiaketaren 56. edizioarekin. Guztira 29 lagunek eman zuten izena lehiaketan, eta horietatik 28k beren lanak aurkeztu zituzten, tokiko kultur egutegiko klasiko honek pizten duen interesa berretsiz.

Sari banaketa

Lehen saria Benigno Rodriguezentzat izan zen, "Maxpe" lanarengatik. Bigarren saria Fernando de Vicentek jaso zuen "Txalupak" lanarekin, eta hirugarren saria Iker Mugarrak jaso zuen "Ostolaza kalea" lanagatik. Laugarren saria, Cardenas Fundazioak eskainitakoa, Julio Gómezek jaso zuen, "Plaza" lanagatik.

Sari bereziak honakoak izan ziren: 

• Carlos Espigak María Esperanza Chavarri saria eskuratu zuen "Paseo público" lanarekin.

• Irati Uzkudunek Marques de Prado Ameno saria jaso zuen artista gazte gisa "Casa campo" lanarekin.

• Marta Bravok Blanca Vilallonga saria jaso zuen, hau ere "Casa campo" izenekoa.

Lanen erakusketa irekia

Lehiaketan aurkeztutako lan guztiak Agirre Jauregiko erakusketa aretoan daude ikusgai irailaren 21a bitarte. Ordutegia ondorengoa da: 

• Astelehenetik larunbatera: 18:30 – 20:30

• Igandeetan: 12:00 – 14:00

Debako Udalak herriko kaleak eta paisaiak kolorez eta sormenez bete dituen lanak ezagutzera gonbidatzen ditu herritarrak.