Porrotx, Marimotots, Pupu eta Lore pailazoen ikuskizuna eta kosmetika naturalaren ikastaroa, otsailean Itziarren

2025ko otsailaren 5a

Pailazoen emanaldia hilaren 15ean izango da, arratsaldeko 17:00etan, Zabalsoro frontoian eta sarrerak dagoeneko eskuragarri daude Itziarko harrera bulegoan. Bestalde, kosmetika naturalaren inguruko ikastaroa otsailaren 15etik ekainaren 14ra bitartean egingo da, hilean behin, larunbatetan eta izena emateko apuntatu@itziar.eus helbidera idatzi behar da.

Itziarko Auzo Udalak bi ekintza berezi antolatu ditu otsailean, herritarren aisialdia eta ikaskuntza sustatzeko, haur eta familientzako pailazoen ikuskizun dibertigarria batetik eta kosmetika naturalaren inguruko ikastaro praktikoa, bestetik.

Porrotx, Marimotots, Pupu eta Lore pailazoen ikuskizuna

Otsailaren 15ean, arratsaldeko 17:00etan, Itziarko Zabalsoro frontoian, umorez eta magiaz beteriko ikuskizuna eskainiko dute Porrotx, Marimotots, Pupu eta Lore pailazo ezagunek, bereziki etxeko txikienen gozamenerako. 

Sarrerak Itziarko harrera bulegoan daude salgai, 8 euroko prezioan. Erosketa ordutegia 09:00etatik 15:00etara izango da. 

Kosmetika naturalaren ikastaroa: osasuna eta jasangarritasuna eskutik

Horrez gain, kosmetika eta higiene pertsonalerako produktu naturalak egiten ikasteko ikastara ere antolatu da, otsailaren 15etik ekainaren 14ra bitartean. Ikastaroa hilean behin eskainiko da, larunbatetan, 11:00etatik 12:30etara, Itziar Etxeberriaren (@Biotxik) eskutik.

Parte-hartzaileek kosmetika naturala egiteko teknikak ikasiko dituzte, osagai osasungarriak eta jasangarriak erabiliz. Prezioa 30 eurokoa da saio bakoitzeko, material guztiak barne.

Izena emateko, interesdunek apuntatu@itziar.eus helbidera idatzi dezakete edo informazio gehiagoragorako 943 199 255 zenbakira deitu.