Uda garairako arlo desberdinetako eskaintza prest du Udalak

2021/06/11
Dagoeneko uda hastear da eta udaleko alor guztiak martxan eta lanean dira udari begira. Gilen Garcia Boyra alkateak eta Nerea Arrizabalaga Badiola eta Antxoka Elorza Altuna zinegotziek eman dute guztiaren berri bideo bidez.

Dagoeneko uda hastear da eta udaleko alor guztiak martxan eta lanean dira udari begira. Gilen Garcia Boyra alkateak eta Nerea Arrizabalaga Badiola eta Antxoka Elorza Altuna zinegotziek eman dute guztiaren berri bideo bidez.  

Kultura eragileekin elkarlanean, adibidez, egitarau txukun bat egin du osatu da. Aurrerago aurkeztuko dena. 

Aurten ere, ezin izango dira San Rokeak ohi bezala ospatu, baina egongo da zer egina Deban. Izan ere, ohikoez gain, partaidetza prozesu bat abiatuko da Calbeton Zumardiari eta espazio horri lotutako interbentzio eta erabaki desberdinak hartzeko.

Bestetik, merkataritza sustatzeko beste bonu kanpaina bat abiatuko da. Uda Kirola eta udalekuak ere egingo dira. 

Hondartzari dagokionez, denboraldia ekainaren 15etik irailaren 15era arte izango da. Sorosle zerbitzua bi hondartzen egongo da, aurreko urteetan bezala. Honekin batera, lagundutako bainua hartzeko aukera ere egongo da.

Hondartzako edukiera ahalik eta gehien aprobetxatzeko pasarelak eta dutxak aurten ere hondartzako pasealekuaren ondoan ipini dira. Eta uneoro egongo da neurtuta okupazioa 'Nik hondartzak' aplikazioaren bitartez eta banderak egongo dira sorosleen dorrean. 

Toldorik ere ez da egongo aurten, baina eguzkitakoak erabiltzeko aukera egongo da.