UDAL KIROLDEGIAK ARETO BIZIKLETA BIRTUALAREN ZERBITZU BERRIA AURKEZTUKO DU

2016ko apirilaren 6aUDAL KIROLDEGIAK ARETO BIZIKLETA BIRTUALAREN ZERBITZU BERRIA AURKEZTUKO DU

Udal Kiroldegiak Areto Bizikleta Birtualaren zerbitzua jarriko du martxan. Aurkezpena ostiral honetan, apirilaren 8an, izango da arratsaldeko 18:30ean. Plazak mugatuak dira eta asistentzia baieztatzea beharrezkoa izango da.

Areto Bizikleta Birtualaren zerbitzu berriari ekingo dio Debako Udal Kiroldegiak.  Honi esker, bideo baten bitartez Spinning saio birtualez gozatzeko aukera izango dute zerbitzu honen erabiltzaileek eta Spinning aretoa saio presentzialetako orduz kanpo ere erabili ahal izango da. 

Areto Bizikleta Birtualeko saio batek “ibilbide” anitzak egiteko erronkan jartzen zaitu musikaren laguntzarekin eta erritmo aldaketak eginez. Zerbitzu hau saio hauetan adituak diren instruktoreen entrenamendu metodologian oinarritzen da. Hortaz, astelehen eta asteazkenetan (saio presentzialak eskaintzen diren egunetan) ez ezik, asteko gainontzeko egunetan ere Spinning saioak eskainiko ditu Kiroldegiak; kasu honetan, bideo-saio birtualen bitartez. Ordutegia hemen kontsultatu dezakezu, nahiz eta malgua eta egokitua izan daitekeen eskaeren arabera.

Aurrez aurreko Spinning saioetako erabiltzaileek eta gutxienez bi ekintza zuzenduetako erabiltzaileek doan izango dituzte klase hauek. Honetaz gain, Kiroldegiak gogorarazi nahi du Spinning areto ondoan dauden takilen erabilpen pertsonal eta esklusiboa egiteko aukera dagoela, harreran takilaren zenbakia emanez.

Areto Bizikleta Birtualaren aurkezpena

Areto Bizikleta Birtuala ezagutzera emateko apirilaren 8an, ostiral honetan, aurkezpen saioa eskainiko du Kiroldegiak arratsaldeko 18:30ean. 30 plaza ditu aretoak eta aurkezpenerako asistentzia baieztatzea beharrezkoa izango da. Horretarako, 943 19 22 62 telefonora deitu dezakezu harremanetarako ordutegi honetan: 9:00-12:30 eta 15:00-21:30 bitartean.