Iturri ondoan: Jokin Lasa

Iragan mendeko azken laurdenean loratu zen euskal kantagintza berriaren oihartzunak dakarzkigu Zortziko Txiki Bat egitasmoak, bere oinarriak ahantzi ez dituen kantari baten lana baita, baina egungo folk-pop musikaren doinu eta airez jantzia.

Zortzi kanta, non ohiko bertsogintzaren molde zaharrak erritmo berriekin uztartzen diren. Zortzi istorio, non hitz gutxitan mundu oso bat azaltzeko ahalegina egiten den. Mundu txiki bat zortzi abestitan laburbildua. Horra.