Uztailaren 4an 16:30ean iritsiko da Juanita Larando ontzia DebaraElkanoren lehen mundu biraren 500. urtemugaren efemeridea izango da aurten eta hau ospatzeko, Pasaiako Itsas Festibalean hasi (maiatzaren 26tik 29ra) eta Getarian egingo den Elkanoren lehorreratzearen bitartean (irailaren 6a) patatxa bat portuz portu ibiliko da. Euskal itsas ondarearen kultur enbaxada izango dena. Maiatzetik irailera, ontziak Euskal Herriko kostaldeko hainbat herri bisitatuko ditu, horien artean Deba eta Itziar. Uztailaren 4an 16:30ean iritsiko da Debako portura, bertan harrera ekitaldia egingo da, eta uztailaren 8an 09:00etan irtengo da Zumaiara. https://www.deba.eus/api/eu/aktualitatea/albisteak/uztailaren-4an-16-30ean-iritsiko-da-juanita-larando-ontzia-debarahttps://www.deba.eus/api/eu/aktualitatea/albisteak/uztailaren-4an-16-30ean-iritsiko-da-juanita-larando-ontzia-debara/@@download/image/Elkano itsas herria .jpg
Uztailaren 4an 16:30ean iritsiko da Juanita Larando ontzia Debara
Elkanoren lehen mundu biraren 500. urtemugaren efemeridea izango da aurten eta hau ospatzeko, Pasaiako Itsas Festibalean hasi (maiatzaren 26tik 29ra) eta Getarian egingo den Elkanoren lehorreratzearen bitartean (irailaren 6a) patatxa bat portuz portu ibiliko da. Euskal itsas ondarearen kultur enbaxada izango dena. Maiatzetik irailera, ontziak Euskal Herriko kostaldeko hainbat herri bisitatuko ditu, horien artean Deba eta Itziar. Uztailaren 4an 16:30ean iritsiko da Debako portura, bertan harrera ekitaldia egingo da, eta uztailaren 8an 09:00etan irtengo da Zumaiara.
Egun horietan zehar hainbat kultur eta kirol ekimen egingo dira. Programa haur, gazte eta helduei zuzendua da: erakusketak, hitzaldiak, arraunketa irteerak… biltzen ditu. Itsasoari loturiko herri hauen historia dela eta, ontziaren etorrerara eta antolatuko diren ekimen ezberdinetan parte hartzera gonbidatzen dira herritarrak.
Ontziari Juanita Larando izena jarri zaio XVII. mendeko emakume kortsario donostiarraren omenez eta Albaola Itsas Kultur Faktoriako ikasleek eraiki dute Orioko Mutiozabal ontziolan aurkitutako planoen arabera. Patatxa belarekin eta arraunean mugitu daiteke eta 18 lagunez osaturiko eskifaia du.
Historiak kontatzen duenez, duela 500 urte, Juan Sebastian Elkano buru zuen Victoria itsasontzian, 18 itsas-gizon iritsi ziren Sevillara, Magallanesen espedizioan itsasoratu eta hiru urtera. 1519an abiatu zenean, helburua Mendebaldetik Ekialdeko Indietarako ibilbide bat aurkitzea zen , 5 ontzi eta 239 espedizio-kiderekin. Victoria itsasontzikoek 1522an lortu zuten planetako lehen mundu bira osatzea eta mugarri bezala hartzen da: gertaera horrek historia markatu zuen, eta 500 urte geroago oso presenta dago. Hori horrela, proiektuaren koordinatzaileak adierazten duenez, “V. mendeurrenaren efemeridea aukera paregabea da munduko nabigazioaren historian euskal ekarpenak aztertzeko eta ezagutza horretan sakontzeko. Izan ere, mundu mailako gertakari horren dimentsio epikoak agerian uzten ditu ontzigintzaren ezagutza eta teknologia, itsasoko lanbideak, bizimoduak eta, azken batean, itsasoari lotutako herri baten kultura.” Iraganera begiratu arren etorkizunarekin lotura duten galdera berriak proposatuko dituztela ere azpimarratu da.
