Albisteak

RSS icon
51. Kaleko Margo Sariketa egingo da larunbatean

51. Kaleko Margo Sariketa egingo da larunbatean

2020/09/08

Hilaren 12an egingo da aurten Kaleko Margo Sariketa. Bertan parte hartzeko oinarriak argitaratu ditu Debako udalak. Aurtengoa 51. edizioa izango da. Debako udalak antolatu du, Cardenas fundazioak eta Haitz Haundi elkarteak lagunduta. 16 urtetik gorako margolariei zuzenduta dago. Goizeko 8:00etan hasita, bi orduz Agirre Jauregiko erakusketa gelan jarriko zaie zigilua margo oihalei. Lanak 13:30 baino lehen entregatu beharko dira udaletxeko osoko bilkuren aretoan.

Gehiago irakurri

Profesionalen pare dantza egiteko aukera izango dute dantzariek Agirre jauregiko dantza gelako lur berriarekin

Profesionalen pare dantza egiteko aukera izango dute dantzariek Agirre jauregiko dantza gelako lur berriarekin

2020/09/04

Musika eskolako dantza gelako lurra egokitu da. Aurretik zegoen lurra ez zen dantzarako egokiena, gogorra baitzen. Uda honetan dantza gelako lurra, hortaz, tapiz batekin estali da, gela entseguetarako erabiltzen duten dantzarien lesioak saihesteko helburuz. Honela, entseguen kalitatea, eta erabiltzaileen segurtasuna eta esperientzia hobetu egingo dira. Aipatu tapiza berezia da, dantzarako eszenatoki eta areto profesionaletan erabiltzen denaren berdina, horrela, Debako dantza eskolako erabiltzaileek profesionalen pare dantza egiteko aukera izango dute aurrerantzean. 13.142 euroko inbertsioa egin da.

Gehiago irakurri

Montserrat Torrent i Serraren organoa kontzertua V. "Flysch" Organo Jaialdia zikloaren baitan

Montserrat Torrent i Serraren organoa kontzertua V. "Flysch" Organo Jaialdia zikloaren baitan

2020/09/04

Gipuzkoako Foru Aldundiak sustatuta, aurten ere Flysch Organo Zikloa antolatu da. "Flysch" Organo Jaialdia zikloaren barruan Montserrat Torrent i Serraren (organoa) kontzertua izango dugu Debako Santa Maria Elizan irailaren 13an arratsaldeko 19:00etan.

Gehiago irakurri

Errotazar futbol zelaiko hesia berritu da

Errotazar futbol zelaiko hesia berritu da

2020/09/02

Errotazarreko hesia prest dago futbol denboraldi berriari ekiteko. Aparkalekuaren ondoko hesiaren zati bat aldatu egin berri da. Atearen atzealdean kokatuta dagoen eremuan baloiaren kolpeak beste inon baino ugariagoak izan ohi direnez, egitura errazago kaltetzen baita.

Gehiago irakurri

Aste honetan berrekingo zaio udal buletinaren bidalketari

Aste honetan berrekingo zaio udal buletinaren bidalketari

2020/09/01

Abuztuko etenaldiaren ondoren, irailaren 4an jasoko dute berriz ere udal buletina harpidedunek. Apirila hasieran sortu zuen udalak herritarrekiko komunikazio tresna hau. Buletinaren sorreran esan bezala, Debako udal gobernuaren jardunaren oinarri garrantzitsuak dira herritarrekiko komunikazioa eta gardentasuna. Horregatik nahi dugu herritarrekiko informazio jarioa handitu eta eraginkortu. Ildo horretan ere Debaberri udal aldizkariaren maiztasuna handitu eta egonkortu egin da. Eta aurrera begira ere udalaren webgunea berritzeko asmoa dugu, intuitiboagoa, erabilgarriagoa eta erakargarriagoa eginez.

Gehiago irakurri

Artisau azoka egingo da larunbatean

Artisau azoka egingo da larunbatean

2020/08/27

Hainbat artisauk euren lanak erakusteko aukera izango dute hilaren 29an Zumardiko kioskoan. 11:00etatik 15:00etara eta 17:00etatik 20:30era egongo dira postuak zabalik. Euria izanez gero, Estalitako pasealekuan eta Portu kalean egingo da azoka.

Gehiago irakurri

Inguruko animaliak ezagutzeko oinatzen tailerra antolatu du Euskal Kostaldeko Geoparkeak datorren larunbatean Deban

Inguruko animaliak ezagutzeko oinatzen tailerra antolatu du Euskal Kostaldeko Geoparkeak datorren larunbatean Deban

2020/08/24

Euskal Kostaldeko Geoparkeak haurrei zuzendutako inguruko animaliak ezagutzeko oinatzen tailerra antolatu du Deban. Nork utzi du oinatz hori? izenburua duen tailerrak, Debako Kultur Elkarteko eraikinaren plazatxoan egingo da, larunbatean, abuztuaren 29an, goizeko 11:00etan. Jarduera euskaraz egingo da eta ordu eta erdiko iraupena izango du.

Gehiago irakurri

Debako hondartzetako kutsaduraren inguruko argipena eskatuko dio Udalak Eusko Jaurlaritzako Osasun Sailari

Debako hondartzetako kutsaduraren inguruko argipena eskatuko dio Udalak Eusko Jaurlaritzako Osasun Sailari

2020/08/21

Aste honetan Debako Santiago eta Lapari hondartzak itxi behar izan ditu Udalak bi egunez, Osasun Publikoaren bulegoak jakinarazitako enterokokoen kopuru altuagatik. Asteazkenean hartutako ur-laginaren emaitzak ondo eman ondoren, uraren kalifikazioa ona zela baieztatu zen, nahiz eta oraindik enterokokoen presentzia txikia egon.

Gehiago irakurri

Enplegua eta tokiko garapena sustatzeko proiektuak, Lanbide-Euskal Enplegu Zerbitzuak diruz laguntzen dituenak

Enplegua eta tokiko garapena sustatzeko proiektuak, Lanbide-Euskal Enplegu Zerbitzuak diruz laguntzen dituenak

2020/08/21

PROIEKTUA: Bide publikoak, ibilbide balizatuak eta hiri-altzariak mantentzeko lana

Gehiago irakurri

Gaurtik aurrera bainua baimenduta izango da Santiago eta Lapari hondartzetan

Gaurtik aurrera bainua baimenduta izango da Santiago eta Lapari hondartzetan

2020/08/20

Eusko Jaurlaritzako Osasun Sailak jakinarazi berri duenez, atzo hartutako ur-laginaren emaitza ONA da. Beraz, beharrezko prozedura jarraituta, berehala irekiko dira Santiago eta Lapari hondartzak, eta bainua baimenduta egongo da.

Gehiago irakurri

Debako Santiago eta Lapari hondartzetan bainua debekatuta dago, araudian ezarritako kalitate-irizpide mikrobiologikoak puntualki ez betetzeagatik

Debako Santiago eta Lapari hondartzetan bainua debekatuta dago, araudian ezarritako kalitate-irizpide mikrobiologikoak puntualki ez betetzeagatik

2020/08/19

Osasun Sailak atzo (abuztuak 18) egindako ur-analisiaren emaitzen arabera, Santiago eta Lapariko hondartzetako uretan enterococcus bakteriaren muga-kopurua gainditu egin da. Beraz, Osasun Sailak emandako jarraibideen arabera, bainua zein beste edonolako uretako kirol debekatuta egongo dira uraren kalitatea hobetzen den bitartean, bai hondartzetan eta baita itsasadarrean ere. Bihar beste lagin bat aztertuko du Osasun Sailak, eta emaitzen zain egon beharko da uraren kalitatea bainatzeko modukoa den ala ez jakin bitartean. Bitarte honetan kutsadura horren jatorria ere aztertzen ari da Osasun Saila

Gehiago irakurri

Aurten San Rokerik ez

2020/08/12

Osasun egoera dela eta, aurten ez da San Roke festarik ospatuko. Udaleko ordezkariek eta herriko eragileen ordezkariek bideo honetan azaldu dute.

Gehiago irakurri

Debako udala eraso sexistarik gabeko uda baten alde

Debako udala eraso sexistarik gabeko uda baten alde

2020/07/30

Uda ezohiko honetan ere errespetuan, berdintasunean eta autonomian oinarritutako jarrerak sustatzeko helburuarekin, Debako udala “Beldur Barik Uda 2020: Eraso sexistarik gabeko uda baten alde” sentsibilizazio-kanpaina sustatzen ari da. Kanpainaren kartelak banatu ditu udalerriko tabernetan.

Gehiago irakurri

Jende pilaketak ekidin ditzaten eskatu nahi die Debako udalak debarrei

Jende pilaketak ekidin ditzaten eskatu nahi die Debako udalak debarrei

2020/07/30

Asteburuaren atarian, Debako udalak gogorarazi nahi du bizitzen ari garen osasun egoera zaila dela eta, COVID-19a hedatu ez dadin, beharrezkoa dela guztiok neurriak hartzea. Jakin badakigu konfinamenduan eman ditugun hilabeteak luzeak eta gogorrak izan direla, baina egindako ahalegin horrek balioa izan dezan, beharrezkoa da egoerak eskatzen duen eta osasun agintariek etengabe gogorarazten dizkiguten gomendioei jarraitzea.

Gehiago irakurri

Luzaro eskolako jangelako akustika arazoak konpontzeko obra amaitu berri da

Luzaro eskolako jangelako akustika arazoak konpontzeko obra amaitu berri da

2020/07/29

Aspalditik zetorren akustika arazoari konponbidea jarri zaio bukatu berri den Luzaro eskolako jangelako obrarekin. Ikerketa akustikoa egin zen orain dela urte batzuk, eta emaitzen arabera, ikasle bazkaltiar eta jangelako langileek jasaten zuten zarata osasunerako kaltegarria zen. Honela, erabiltzaileen osasuna zainduko da.

Gehiago irakurri

Debako udalbatzak ez-ohiko osoko bilkurako gai guztiak aho batez onartu ditu

Debako udalbatzak ez-ohiko osoko bilkurako gai guztiak aho batez onartu ditu

2020/07/24

Uztailaren 23an egin du Debako udalbatzak oporraldiaren aurreko azken osoko bilkura. Bertan landutako gai guztiak aho batez onartu dira.

Gehiago irakurri

Baserritarren produktuen salmentari ikusgarritasuna emateko proposamena lantzeko bilera egin dute Udalak eta baserritarrek

Baserritarren produktuen salmentari ikusgarritasuna emateko proposamena lantzeko bilera egin dute Udalak eta baserritarrek

2020/07/24

Debako udal gobernuak baserriko produktuen salmentari merezi duen ikusgarritasuna eta balioa eman nahi dizkio. Merkatu duin baten alde eginez, indarrak batzeko eta orain baino modu duinagoan bistatzeko. Proposamen hori aurkezteko, salmenta zuzenean aritzen diren ekoizleekin bilera egin du uztailaren 23an.

Gehiago irakurri

Hiru kontzertu eskainiko dira Debako 37. Udako Musikaldiaren baitan

Hiru kontzertu eskainiko dira Debako 37. Udako Musikaldiaren baitan

2020/07/23

Abuztuaren 6an, 20an eta 27an, musika kontzertu bana eskainiko da Santa Maria elizan, 20:30ean. 37. Udako Musikaldia antolatu du Debako udalak Gipuzkoako Foru Aldundiaren laguntzarekin. Loreto Aramendi (organoa), Pablo Mezzelani (kantua, musika tresna etnikoak) eta Pedro Miguel Aginaga (biolina) musikariek eskainiko dute lehen kontzertua. Abuztuaren 20an txistu eta piano kontzertua eskainiko dute Garikoitz Mendizabalek (txistua) eta German Ormazabalek (pianoa). Aurtengo azken kontzertua, berriz, Paula Iragorrik (Mezzosopranoa), Elena Sanchok (Sopranoa) eta German Ormazabalek (pianoa) eskainiko dute. Edukiera mugatua egongo da, eta, kontzertuetara sartzeko gonbidapena beharko da. Uztailaren 27tik aurrera jaso ahal izango dira hauek turismo bulegoan. Izen-abizenak eta telefono zenbaki bat eskatuko dira gonbidapenak banatzerakoan.

Gehiago irakurri

Garapenaren aldeko diru-laguntzak eskatzeko epea zabaldu da

Garapenaren aldeko diru-laguntzak eskatzeko epea zabaldu da

2020/07/22

Garapenaren aldeko lankidetzarako diru-laguntzak norgehiagoka prozedura bidez esleitzeko 2020ko deialdia egin du Debako udalak. Eskaerak aurkezteko epea zabalik dago aurreikusten diren diru-laguntza lerro ezberdinetarako.

Gehiago irakurri

Eguneko zentroa itxi da eta bertan behera utzi dira haurrei zuzendutako aisialdi ekimenak

Eguneko zentroa itxi da eta bertan behera utzi dira haurrei zuzendutako aisialdi ekimenak

2020/07/21

Azken egunotan COVID-19ak eragindako egoerak okerrera egin duenez, hainbat neurri hartu dituzte administrazioek. Debako udalak eguneko zentroa itxi du eta hezkuntza zaintza sarea bertan behera utzi du aurreikusi baino astebete lehenago. Itziarko Auzo Udalak ere, bertan behera utzi ditu Uda Aisia udalekuak.

Gehiago irakurri

Neurri berriak COVID-19aren hedapena gelditzeko: gazte lokalak itxita

Neurri berriak COVID-19aren hedapena gelditzeko: gazte lokalak itxita

2020/07/17

Atzotik aurrera (uztailak 16) Araban, Bizkaian eta Gipuzkoan derrigorrezkoa da maskara erabiltzea. Horrekin batera Eusko Jaurlaritzak jakinarazi duenez, debekatuta dago gazteen lonjetan egotea. Horregatik, udalak hauek ixteko agindua eman du. Eta tabernetan gehienez ere 10 pertsonako taldeak batu daitezke.

Gehiago irakurri

Eusko Legebiltzarrerako hauteskundeen emaitzak Deban

Eusko Legebiltzarrerako hauteskundeen emaitzak Deban

2020/07/13

Uztailaren 12an egin diren Eusko Legebiltzarrerako hauteskundeetan Deban bozkatzeko eskubidea duten 4.287 lagunetik 2.722k eman dute botoa. 36,51ko abstentzioa egon da, hortaz. Hurrengo taulan jaso dira mahaiez mahai bildutako emaitzak.

Gehiago irakurri

Hasi da haurren Uda Aisia Itziarren

Hasi da haurren Uda Aisia Itziarren

2020/07/10

Astelehen honetan hasi da haurren Uda Aisiaren lehen txanda Itziarren. Herriko eta inguruko 4 urtetik 12ra bitarteko umeen udako aisialdi eskaintza da honakoa. Uztailaren 16an hartuko dio erreleboa bigarren txandak eta uztailaren 30 arte edukiko dute goizetako entretenimendua gaztetxoek.

Gehiago irakurri

"Erne jarraitu behar dugu, une batean dena alda baitaiteke, eta bakoitzak bere aletxoa jarri behar du"

"Erne jarraitu behar dugu, une batean dena alda baitaiteke, eta bakoitzak bere aletxoa jarri behar du"

2020/07/10

Arantza Aranburu Lasa (Zarautz,1966) Deba eta Mutrikuko osasun zentroko arduraduna da, lehen arreta unitateko arduraduna, hain zuzen. Covid-19ak eragindako osasun alarma egoera bitartean bere lana egiten aritu da Debako osasun zentroan. Deban pandemiak eragin handirik izan ez badu ere, kezkaz bizi izan du eta bizi du honek eragindako egoerak, mediku bezala, baina baita maila pertsonalean ere, Debaberri udal aldizkarian egindako elkarrizketan aitortu duen moduan. Egoera ezezagunari erantzuteko osasun zentroan egin behar izan dituzten moldaketak azaldu dizkigu eta oraindik ere arretaz aritzeko gomendioa egin digu herritarroi.

Gehiago irakurri

Pandemia aurreko ordutegi eta zerbitzuak berreskuratuko ditu Debako eguneko zentroak

Pandemia aurreko ordutegi eta zerbitzuak berreskuratuko ditu Debako eguneko zentroak

2020/07/08

Uztailaren 9tik aurrera, pandemia egoeraren aurreko ordutegira bueltatuko da eguneko zentroa eta ohiko zerbitzuak berreskuratuko ditu.

Gehiago irakurri

Itziarko sarrerako obra-lanak uztailaren 13an hasiko dira

Itziarko sarrerako obra-lanak uztailaren 13an hasiko dira

2020/07/03

Itziarra doan GI-3210 eta Itsaspera doan GI-3291 errepideen eta N-634 errepidearen arteko Itziarko gaineko bidegurutzean zuzeneko bide adarra duen biribilgunea egiteko obra-lanak uztailaren 13an hasiko dira. Lau hilabetez luzatuko dira lanak.

Gehiago irakurri

Bi hondartzain egongo dira aurten Debako Santiago hondartzan

Bi hondartzain egongo dira aurten Debako Santiago hondartzan

2020/07/02

Uztailaren 1ean hasi da hondartza denboraldi ofiziala Deban, Gipuzkoako gainontzeko hondartzetan bezala. Aurtengo egoera berezia dela eta, COVID-19ak eraginda, neurri bereziak hartu dira. Hondartzan lan berriak egin beharra ere eragin du honek: hondartzainen figura sortzea, kasu.

Gehiago irakurri

Martxan da jada behar handiena duten haur eta gazteei laguntzeko udako hezkuntza-zaintza sarea

Martxan da jada behar handiena duten haur eta gazteei laguntzeko udako hezkuntza-zaintza sarea

2020/06/29

Aurtengo udaran urteroko udalekuak antolatzeko aukerarik izan ez bada ere, behar handiena duten haur eta gazteei laguntzeko udako zaintza sarea antolatu du Debako Udalak. Hezkuntza eta gazteriako eragileekin elkarlanean hasi da ekimena ekainaren 22an eta uztailaren 24an amaituko da.

Gehiago irakurri

“LGTBI kolektibo eta pertsona ugariren borroka luze eta ordainezina” aitortu dute adierazpen baten bitartez Debako udalak, Itziarko Auzo Udalak eta hainbat elkartek

“LGTBI kolektibo eta pertsona ugariren borroka luze eta ordainezina” aitortu dute adierazpen baten bitartez Debako udalak, Itziarko Auzo Udalak eta hainbat elkartek

2020/06/26

Debako udalbatzako alderdiek; EH Bilduk, Debarren Ahotsak eta EAJ-PNVk; Itziarko Auzo Udalak eta Burugorri Martxan Auzo Elkartea, Lizarbe Guraso Elkartea, Andutz Biltokia, Debako Talde Feminista eta Egiten udalerriko taldeek adierazpena izenpetu dute ekainaren 28aren testuinguruan. LGTB Harrotasunaren Nazioarteko Eguna ospatuko da igandean, hilaren 28an. Udaletxeko balkoian ikurra jarriko da ostiral arratsaldean eta Mugimendu feministak antolatuta elkarretaratzea egingo da igande eguerdian.

Gehiago irakurri

Eskerrik asko boluntario guztiei

Eskerrik asko boluntario guztiei

2020/06/26

Osasun alarma egoerari amaiera eman zitzaion ekainaren 19an Araban, Bizkaian eta Gipuzkoan. Ordutik aurrera, Debako udalak eten egin ditu, momentuz (ez genuke nahi, baina egoerak okerrera egingo balu, berriz jarriko litzateke martxan) alarma egoerak iraun bitartean indarrean egon diren hainbat zerbitzu eta ekimen. Horietako bat beharra zuten herritarrei laguntza emateko helburuarekin sortu zen zaintza sare solidarioa da. Debako udalak eta Itziarko Auzo Udalak, eskerrak eman nahi dizkiete lan boluntarioa egin duten pertsona guztiei eta txalotu nahi dute elkar zaintzarako herritarrek izan duten prestutasuna.

Gehiago irakurri

« » 1 ... 3 4 5 [6] 7 8 9 ... 27