Albisteak
Irailaren 17an amaituko da Gozatuz aisialdirako programan izena emateko epea
Helduei eta gazteei zuzendutako aisialdirako eskaintza zabala osatu dute herriko hainbat eragilek, ikastetxeek eta Udalak elkarlanean. Aisialdi gozagarri bat; euskara oinarri hartuta, emaitzari baino, prozesuan sortuko diren emozioei eta bizipenei begiratuko diena.
Debako Udalak hainbat ekimen egingo ditu Tene Mujika eta bere lana ezagutzera emateko
Abenduaren 9ra arteko epea dago aurtengo Tene Mujika Bekaren deialdian parte hartzeko.
Gasteizko Eduardo Alsasuak irabazi du aurtengo Kaleko Margo lehiaketa
Gaur, irailak 11, egin da Debako 52. Kaleko Margo lehiaketa. Debako Udalak Cardenas Fundazioaren eta Haitz Haundi Elkarte Artistikoaren laguntzarekin antolatzen duen sariketa da, 16 urtetik gorako margolariek parte hartu dute. Saritu gabeko herriko lehen sailkatua Nora Movellan izan da. Udaletxeko osoko bilkuren aretoan egongo dira lanak ikusgai, bihartik hilaren 19ra bitartean. Igandetan 12:00etatik 14:00etara; astelehenetik larunbatera 18:30etik 20:30era.
FederArte Surfing Kultura egingo da bihar, irailak4, Deban
Herrian ekimen ugari izango dira FederArte Surfing Kulturaren baitan, haurrentzako ekintzak eta kontzertuak barne.
Irailaren 11n egingo da aurtengo Kaleko margo sariketa
Debako Udalak Cardenas Fundazioaren eta Haitz Haundi Elkarte Artistikoaren laguntzarekin antolatzen duen sariketaren 52. edizioa izango da aurtengoa. 16 urtetik gorako margolariek parte har dezakete lehiaketan.
San Roke jairik ez da egingo aurten
Uda hasieran Udalak jakinarazi zuen moduan, gogorarazi nahi du aurten ez dela San Roke jairik egingo Deban.
Elizburuko etxebizitza tasatuen proiektua martxan jartzeko hitzarmena berretsi du udalbatzak
Udako oporren aurreko azken ohiko osoko bilkura egin du Debako udalbatzak uztailaren 29an. Landutako gai guztiak aho batez onartu dira.
Lau kontzertu egongo dira Debako Udako Musikaldiaren 38. edizioan
Debako Udalak Gipuzkoako Foru Aldundiaren laguntzarekin Udako Musikaldiaren XXXVIII. edizioa antolatu du. Aurten formatu txikiko kontzertuak antolatu dira, une honetan dauden prebentzio neurriak beteta, eta aurreikusita dauden bi eszenatokietara egokituta (Eliza edo Klaustroa). Kontzertuetara joateko gonbidapena hartu beharko da turismo bulegoan.
Kultura demokratiko parte-hartzailea sortzeko gune izango da Dagigun
Behar zehatz batetik abiatuta (Zumardiko pasealekuari buruzko herritarren eztabaida irekitzea), Debako Udalak, bere partaidetza-batzordetik, udalerriko gizarte- eta administrazio-eragileen kultura parte-hartzailea eta demokratikoa aktibatzeko prozesu sakon eta trinkoa jarri du abian. Uztailaren 15ean aurkeztu da jendaurrean Zumardian bertan dagoen karpan egindako ekitaldian.
Gizarte zerbitzuen arloko elkarteei diru-laguntzak emateko oinarrien Ordenantzari ekarpenak egiteko aukera zabalduko da
Debako udalbatzak 2021eko ekainaren 24an egindako bileran, Gizarte zerbitzuen arloko elkarteei diru-laguntzak emateko oinarriak arautzen duen ordenantzari hasierako onespena ematea erabaki zuen.
Uztailaren 15ean egingo dugu Kalbeton Zumardiko partaidetza prozesuaren aurkezpena
Behar zehatz batetik abiatuta (Zumardiko pasealekuari buruzko herritarren eztabaida irekitzea), Debako Udalak, bere parte-hartze batzordetik, udalerriko eragile sozial eta administratibo guztien kultura parte-hartzailea eta demokratikoa aktibatzeko prozesu sakon eta trinkoa jarri du abian. Prozesuaren aurkezpen irekia egingo da uztailaren 15ean.
Zabaldu da Debako zubiaren berreraikitze lanen inguruko erakusketa
2018ko uztailaren 4tik 5era, goizaldean, Debako harrizko zubiaren erdiko zutarria bat-batean erdi hondoratu zen, eta larrialdiko eta diagnosiko fasea abiarazi zen, zubiaren kontserbazioa, egonkortasuna eta segurtasuna bermatzeko. Berreraikitze lanak hasi dira, eta hauen jarraipena egiteko aukera emango duen erakusketa egongo da ikusgai Anes Arrinda pasealekuan, zubiaren ondoan.
Uztailaren 1etik abuztuaren 10a bitarteko epean ordaindu behar da zabor-bilketaren zerga
Uztailaren 1etik abuztuaren 10 arteko epealdian, biak barne, 2021eko 2. hiruhilabetekoari dagokion zabor-bilketari buruzko zergaren borondatezko ordainaldia izango dela jakinarazten da.
Artzabalgo hilerri berria antzeman diren okerrak zuzentzen direnean zabalduko da
Debako hilerri berria zabaltzeko egiten ari diren lanetan hainbat hutsune eta arazo antzeman dituzte teknikariek. Debako Udalak segurtasun berme guztiekin zabaldu nahi du Artzabaleko hilerria.
LGTBI Harrotasunaren Nazioarteko Eguneko adierazpen instituzionala
Adierazpen instituzionala onartu dute Debako Udalak eta Itziarko Auzo Udalak gaur, ekainak 28, ospatzen den LGTBI Harrotasunaren Nazioarteko Egunari begira. LGTBI kolektibo eta pertsona ugariren borroka luzea aitortzearekin batera, konpromiso hauek hartu dituzte:
Aho batez onartu ditu udalbatzak ekaineko ohiko osoko bilkuran landutako gaiak
Ekainaren 24an egin du Debako udalbatzak ohiko osoko bilkura. Bertan landu eta bozkatu diren gaiak aho batez onartu dira. Hala, 'Gaztematika' Gipuzkoako haur, nerabe eta gazteen sustapenerako sareari atxiki zaio Debako Udala. Bestetik, astelehenean, hilaren 28an egingo den LGTBI Harrotasunaren Nazioarteko Egunaren harira adierazpen instituzionala onartu du.
Uztailaren 2tik 30era egingo da aurten Iturri ondoan
Debako Udalaren nahia da azken urteotan abiatutako euskal kulturaren transmisioaren lanarekin jarraitzea. Horregatik, aurten, zortzigarren aldiz Iturri ondoan ekimena antolatu du, hainbat eragile eta herritarren parte hartzearekin. Uztailaren 2tik 30era egingo dira ekimenak, ostiraletan, Udalak Zumardian jarri duen karpan. Musika, antzerkia, dantza... eskainiko dira aurten.
Legealdiaren lehen bi urteen balorazio positiboa egin du Udal Gobernuak
Gilen Garcia alkateak, eta Itziar Irizar eta Aritz Larrañaga alkate ordeek, bideo baten bitartez eman dute Debako Udal Gobernuak egiten duen lehen bi urtetako jardunaren balorazioaren berri.
Igeriketa hastapen ikastaroa 9 urtetik 16 urte bitarteko haur eta nerabeentzat
Debako Udalak, nerabezaroan sartuta dauden edo sartzera doazen eta igeriketan ez dakiten haur-nerabeen kopuru esanguratsu bat zegoela antzemanda zuen. Herriak dituen ezaugarriengatik, haur-gazte hauek mugatuta daude hainbat ekimen egiteko edota harremanetarako.
Uztailean ere hainbat ekintza eskainiko ditu Debako Udal Kiroldegiak
Uda garaian sartu garen honetan, Debako Kiroldegiak, bere urte osoko dinamikari jarraipena emanez, uztailean ere ekintza ezberdin eta anitzak eskainiko ditu hilabete osoan zehar (kiroldegia egunero zabalik mantentzeaz gain). Horrela, erabiltzaileek aukera izango dute spinning, pilates, multifitness zein krossfit bezalako saio gidatuetan parte hartu eta jarduera fisikoa eginez gozatzeko. Hala ere, uda garaia izanik, uztaileko ekintzen ordutegiak desberdintasun batzuk izango ditu urte osoko ordutegiarekin alderatuz. Beraz, inork saioen eta ordutegien inguruko informazioa eskatu edo edozein zalantza argitu nahi izango balu, kiroldegira deitu dezake, edo bertara joan.
Gaztelekua prest dago udari heltzeko
Ikasturte berezia izan da aurtengoa eta “zenbait momentutan zaila eta luzea ere bai” bertako arduradunentzat. Baina ikasturtea amaitzear dagoela-eta, positibo daude. Gaztelekuan, aurreikuspenak gaindituta, 10.000 erabilerara iritsi dira eta “pozik gaude”.
Elektrizitatearen faktura berriari buruzko on-line saioa ekainaren 23an
Gipuzkoako Foru Aldundiko Ingurumen eta Obra Hidraulikoetako Departamentuak, Debako Udalarekin elkarlanean, Energia Argitu programaren baitan, elektrizitatearen faktura berriaren inguruan informatzeko ON-LINE tailerra antolatu du ekainaren 23an, asteazkena, 18:00etan.
Kultur jarduerak antolatzeko diru-laguntzak eskatzeko epea zabalik dago ekainaren 25era arte
Debako udalerrian, baina Itziarko Tokiko Entitate Txikiaren lur eremutik kanpo, eragina izango duten kultur programak edo jarduerak antolatzen dituzten irabazi asmorik gabeko herriko elkarteei eta pertsona fisikoei diru-laguntzak esleitzeko oinarriak argitaratu dira.
Debako baserritarren azokaz egindako prozesuaren berri emango da bilera irekian
Aurtengo lehen seihilekoan Debako baserritarren azoka balioan jarri eta indartzeko prozesu bat izan dugu martxan. Ekainaren 17an, 18:30ean aurkezpen-bilera egingo da udalbatza-aretoan prozesuak utzitako emaitzen berri emateko.
Uda garairako arlo desberdinetako eskaintza prest du Udalak
Dagoeneko uda hastear da eta udaleko alor guztiak martxan eta lanean dira udari begira. Gilen Garcia Boyra alkateak eta Nerea Arrizabalaga Badiola eta Antxoka Elorza Altuna zinegotziek eman dute guztiaren berri bideo bidez.
Datorren astelehenean, hilaren 14an, zabalduko da Uda Kirola 2021 programarako izen-ematea Deban erroldatutako haur eta gazteentzat
Surf, body board, arraun surf eta surf skate eskaintza zabala prestatu du udal kirol zerbitzuak aurtengo udarako.
'Lehen aukera herria' bonuen programa abiatuko dute Debako Udalak eta Debalaik elkarlanean
'Lehen aukera herria' bonu-programa COVID-19ak eragindako egoerak herriko merkataritzan eta ostalaritzan sortu duen krisiari aurre egiten laguntzeko xedea du. Ekainaren 14tik uztailaren 11ra bitartean gauzatuko da programa, eta bezeroek epe horretan kontsumitu beharko dituzte bonuak. Bonuen erdia Debalaikoek kalean ipiniko duten mahai batean salduko dira, eta gainontzekoak turismo bulegoan.
Eskolako Agenda 30eko udalbatzarra bideo bidez egin da aurten
Aurtengo ikasturtean “Ekoizpen eta kontsumo arduratsua” landu dute Debako ikasleek, Eskolako Agenda 30 programaren baitan. Bizi dugun egungo egoera dela eta, urtero egiten den Eskola Agenda 30eko udalbatzarra egin beharrean, aurten ikasleek haien proposamenak bideo bidez bidali dizkiote udalari; udalak ere bideo baten bitartez erantzun ditu ikasleek egindako eskaera eta proposamenak.
Eskaintza ezagutzera emateko bi bideo grabatu ditu Debako Udal Musika eta Dantza Eskolak
Debako Udal Musika eta Dantza Eskolak bi bideo ekoitzi ditu azken asteotan. Batak, ikasleek zein tresna jo hautatzen laguntzea du helburua. Besteak, berriz, gurasoei erakutsi nahi die 4 eta 6 urte bitarteko haurrek Musika eta Mugimendua ikasgaia nola lantzen duten.
Hondartza kalean jarritako semaforoa laster egongo da martxan
Bizilagunek egindako eskaerari erantzunez, Hondartza kalean, Miramar ondoan, semaforoa jarri da.