Albisteak

RSS icon
Iturri ondoan ekimena egingo da, baina izena ematen dion kokalekua aldatuta

Iturri ondoan ekimena egingo da, baina izena ematen dion kokalekua aldatuta

2020/06/24

Bizitzen ari garen egoera dela eta, hainbat festa eta ekimen ezingo dira ospatu aurten, baina Debako udalaren nahia da azken urteotan abiatutako euskal kulturaren transmisioaren lanarekin jarraitzea. Horregatik, baldintza bereziak hartuta bada ere, Iturri Ondoan ekimena egingo da, uztailaren 3tik abuztuaren 7ra, Euskal Jolas frontoian. Ostiraletan, 22:00etan, ikuskizun bana egongo da.

Gehiago irakurri

Dinamikoa izango da Debako Santiago hondartza

Dinamikoa izango da Debako Santiago hondartza

2020/06/19

Uztailaren 1ean hasiko da Deban hondartza denboraldia, Gipuzkoako gainontzeko hondartzetan bezala. Zaintza-ordutegia 11etatik 19etara izango da. Hori prestatzen aritu da Debako udala, Gipuzkoako Foru Aldundiaren hondartzen mahaian eta baita Deban bertan eragileekin osatutako mahaian ere. “Hondartza dinamikoaren kontzeptua lantzen aritu gara eta Debako Santiago hondartza horrelakoa izatea nahi dugu”, Antxoka Elorza ingurumen zinegotziaren arabera.

Gehiago irakurri

Deba-Itziar Biziberritzeko Planaren finantzazio atalari buruzko argipena

Deba-Itziar Biziberritzeko Planaren finantzazio atalari buruzko argipena

2020/06/18

Deba-Itziar Biziberritzeko Planaren aurkezpena egin zenean, finantzazioa aipatzerakoan, milioi bat baino gehiagoko inbertsioa egin zela esaten zen. Aitzitik ez da zuzena hori inbertsio gisa izendatzea. Kopuru hori, bertara bideratutako hiru diru-partiden baturak ematen du: aurrekontua doitzeko egindako murrizketak, COVID-19ak eragindako egoerari aurre egiteko gehitutako diru-partidak eta herritarrei salbuetsitako diru partidak.

Gehiago irakurri

Uda kirola ekimena COVID-19 protokoloetara egokituta egingo da aurten

Uda kirola ekimena COVID-19 protokoloetara egokituta egingo da aurten

2020/06/17

6tik 16 urte bitarteko gazteei zuzendutako eskaintza da. COVID-19aren eraginez 2020ko uda kiroleko eskaintza egokitu egin behar izan du Debako udalak eta aurten hiru kirol aukera eskainiko dira: surfa, body board eta arraun surfa.

Gehiago irakurri

Uztailaren 12ko hauteskundeetarako mahaikideen zozketa

2020/06/16

Eusko Legebiltzarreko hauteskundeetan mahaikideen zozketa egin da ekainaren 15ean.

Gehiago irakurri

Deba-Itziar Biziberritzeko Plan Integralak ziurtasuna eskainiko die herritarrei

Deba-Itziar Biziberritzeko Plan Integralak ziurtasuna eskainiko die herritarrei

2020/06/12

Gilen Garcia Debako alkatearekin batera agerraldia egin dute Arantza Egañak, Itziarko auzo alkateak, Itziar Irizarrek EH Bilduren izenean eta Pedro Bengoetxeak Debarren Ahotsaren izenean, Deba-Itziar Biziberritzeko Plan Integrala aurkezteko. Osasun krisi bezala hasi zena, krisialdi ekonomiko eta soziala ere bihurtu da, krisialdi orokorra. Horregatik, honek utziko dituen ondorio negatiboei aurre egiteko plana ere integrala izango da. Plana elkarlanean osatu du udal gobernuak, udalbatzako alderdiekin, Auzo Udalarekin eta herriko eragileekin.

Gehiago irakurri

Udako hezkuntza-zaintza sarea antolatzeko lehen bilera egin da

Udako hezkuntza-zaintza sarea antolatzeko lehen bilera egin da

2020/06/12

Bilera egin da aste honetan hezkuntza-zaintza sarea antolatzeko. Aurtengo udan urtero egin diren udalekuak antolatzeko aukerarik izan ez arren, behar handiena duten haur eta gazteei laguntzeko asmoz, Debako udala hezkuntza zaintza sarea antolatzen ari da.

Gehiago irakurri

Debako Udal Musika eta Dantza Eskolak zabaldu du 2020-2021 ikasturterako matrikulazio epea

Debako Udal Musika eta Dantza Eskolak zabaldu du 2020-2021 ikasturterako matrikulazio epea

2020/06/10

Debako Udal Musika eta Dantza Eskolako 2020-21 ikasturterako izen-emate epea ekainaren 19ra arte egongo da zabalik. Lehentasuna, online edo telefono bidezko matrikulazioari emango zaio. Bizi dugun egoera aintzat hartuta, Debako udalak erabaki du matrikuletan %50eko deskontua egitea.

Gehiago irakurri

San Rokeak bertan behera utzi behar izan ditu Udalak, baina hainbat ekimen kulturali eutsiko dio

San Rokeak bertan behera utzi behar izan ditu Udalak, baina hainbat ekimen kulturali eutsiko dio

2020/06/05

COVID-19ak eraginda bizi dugun egoeraren ondorioz, ezin izango dira udako hainbat festa egin, Deban bezala, beste hainbat herritan. Horregatik, San Rokeak bertan behera utzi behar izan dira, besteak beste. Hala ere, ahal den neurrian eutsi egingo dio Udalak kultura eskaintzari, eta horregatik, Tene Mujika bekaren deialdia egin da, Iturriondoan ospatuko da...

Gehiago irakurri

Eskolako Agenda 21 proiektuko proposamenak aurten bideoz erantzun ditu Debako udalak

Eskolako Agenda 21 proiektuko proposamenak aurten bideoz erantzun ditu Debako udalak

2020/06/05

Aurtengo ikasturtean ekoizpen eta kontsumo jasangarriaren gaia landu dute Debabarreneko ikasleek, tartean Luzaro eta Mendatako ikasleek, Eskolako Agenda 21 programaren baitan.

Gehiago irakurri

 Elorriaga eta Uzkangaberri zabalduko dira

Elorriaga eta Uzkangaberri zabalduko dira

2020/06/05

Astebururako zabalik egongo dira Elorriaga eta Uzkangaberri aisialdi-guneak. Bi kasuetan, baimendutako aparkalekuak zabalik egongo dira, aitzitik, hesiak jarriko dira, eta beraz, ezingo dira erabili bestela erabiltzen diren baimendu gabeko aparkatzeko lekuak. Komunak ere itxita egongo dira. Debako Udalak eta Itziarko Auzo Udalak herritarrei dei egiten diete ingurunea zain dezaten, guneak zainduz eta bertan zaborrak ez uzten.

Gehiago irakurri

Behar handiena duten haurrei laguntzeko sarea sortzeko deialdia egingo du udalak

Behar handiena duten haurrei laguntzeko sarea sortzeko deialdia egingo du udalak

2020/06/04

Bizitzen ari garen pandemia egoerak are ageriago utzi ditu jada egoera zaurgarrian bizi ziren herritarren gabezia eta beharrak. Hori aintzat hartuta, ekimen desberdinak bideratu dira hilabeteotan eta aurrera begira ere lanean ari da udala ildo horretan.

Gehiago irakurri

Kuttuna ekimenak balio izan du bertako negozioak zaintzeak edo bizirik mantentzeak duen garrantziaz jabetzeko

Kuttuna ekimenak balio izan du bertako negozioak zaintzeak edo bizirik mantentzeak duen garrantziaz jabetzeko

2020/06/04

Martxoaren erdialdean COVID-19ak eragindako osasun alarma indarrean jarri zen unean, merkataritza, ostalaritza eta negozio txikietan lanean ari zirenek (oinarrizko zerbitzu gisa izendatu zirenak salbu) bat batean euren jarduna eten behar izan zuten, halabeharrez. Denborak aurrera egin ahala, osasun krisia zena krisi sozial eta ekonomiko ere bihurtu zen.

Gehiago irakurri

Ekainaren 1etik irailaren 15era, Debako TAO sistema indarrean egongo da

Ekainaren 1etik irailaren 15era, Debako TAO sistema indarrean egongo da

2020/06/01

Udako sasoian Debako udalerrian ezarriko den TAO sistema indarrean egongo da ekainaren 1etik irailaren 15era, honako ezaugarriekin:

Gehiago irakurri

XV. Tene Mujika Beka martxan da

XV. Tene Mujika Beka martxan da

2020/05/29

Egoera berezi honetan, Debako udalak, egoera ekonomikoak ahalbidetzen dion neurrian, kultura sustatzeko eta ekimenak bultzatzeko apustuari eutsiko dio. Hau honela, atzoko udalbatzan gehiengo osoz onartu ziren XV. Tene Mujika bekarako oinarriak eta aurrekontua. Euskal Herriko historia hurbilaren ezagutza zabaltzeko eta gure literatura aberastea du helburu aipatu bekak, Debako udalak Elkar argitaletxearekin batera lantzen duena.

Gehiago irakurri

Ohiko osoko bilkura egin du Debako udalbatzak

Ohiko osoko bilkura egin du Debako udalbatzak

2020/05/29

Atzo (maiatzak 28) egin zuen Debako udaleko udalbatzak maiatzeko ohiko osoko bilkura. Gai ordenan jasotako gai guztiak gehiengo osoz onartu ziren. Aitzitik, azken orduan Gipuzkoako foru funtsa murriztu izana eta hau egiteko modua salatzeko aurkeztutako mozioak aldeko 10 bozka (EH Bildu eta Debarren Ahotsa) eta kontrako hiru (EAJ-PNV) jaso zituen. Osasun alarma hasi aurretik modu presentzialean egin zen lehen osoko bilkura izan da, nahiz eta ateak itxita, publikorik gabe egin.

Gehiago irakurri

Udalerriko frontoiak eta bolatokia zabaldu dira federatuentzat

Udalerriko frontoiak eta bolatokia zabaldu dira federatuentzat

2020/05/28

Maiatzaren 25etik aurrera, Debako udalak, Aldats frontoia, Itziarko Zabalsoro frontoia, Lasturko frontoia eta Lasturko bolatokia ireki ditu.

Gehiago irakurri

Zaborren gaineko zergaren ordainketa

Zaborren gaineko zergaren ordainketa

2020/05/27

Zaborren gaineko lehen hiruhileko zergaren ordainketa ekainera atzeratzea erabaki zuen Udalak, COVID19 birusak eragindako egoeragatik.

Gehiago irakurri

Hondartzen erabilera deseskaladaren bigarren fasean

Hondartzen erabilera deseskaladaren bigarren fasean

2020/05/26

Maiatzaren 25ean sartu da Hego Euskal Herria deseskaladaren bigarren fasean. Honek, besteak beste, espazio publikoen erabileran aldaketak ekarri ditu, hondartzena, kasu. Joan den astean esan bezala, atzo (maiatzak 25) batzartu zen Gipuzkoako Foru Aldundiaren hondartzen mahaia deritzona. Debako alkateak parte hartu du bertan Debaren ordezkari gisa. Bileran, deseskaladaren fase honetan hondartzen erabilera nolakoa izango den adostu zuten eta hondartzen udako garaia hasten denean nola bermatu segurtasuna aztertzen ari dira. Aholkularitza zerbitzua jarriko du Aldundiak herri bakoitzean aforoa… nola kudeatu aztertzeko.

Gehiago irakurri

Hondartzen erabilera nolakoa izango den aztertzen ari da udala herriko eragileekin

Hondartzen erabilera nolakoa izango den aztertzen ari da udala herriko eragileekin

2020/05/22

COVID-19ak eragindako alarma egoeraren deseskalada fase desberdinetan ematen ari da Hego Euskal Herrian. Eta fase bakoitzean, besteak beste, erabilera publikoko espazioen erabilera arautzen ari da. Uda atarian gaudela, hondartzan nola egon ahal izango garen jakitea bada debarron buruan dagoen gaietako bat. Gaur gaurkoz, eta besterik jakinarazi ezean, Debako udalerriko hondartzak zabalik daude kirola egiteko eta paseatzeko, ez, ordea, bertan etzanda egoteko.

Gehiago irakurri

Deba-Itzar Biziberritzeko Plan Integrala

Deba-Itzar Biziberritzeko Plan Integrala

2020/05/20

COVID-19 birusak eragindako osasun alarmaren ondorena kudeatzeko, Deba Biziberritzeko Plan Integrala egingo du Debako udalak. Gilen Garcia Boyra alkateak eta Itziar Irizar Beristain alkate ordeak eman dute asmoaren berri.

Gehiago irakurri

Ostalarien kezkak eta beharrak entzuteko bilera egin du Debako udalak

Ostalarien kezkak eta beharrak entzuteko bilera egin du Debako udalak

2020/05/19

Debako udal gobernu taldeko ordezkariak, Gilen Garcia alkatea buru, udalerriko ostalarien ordezkaritza batekin batzartu dira. Jakina da pandemia egoera honen ondorioz, euren jardunean ondorioak izan dituztela eta Hego Euskal Herrian fase berria indarrean sartzearekin batera, terrazak zabaltzeko baimena ematen duena, zalantzak sortu direla ostalarien artean. Hori horrela, haien kezkak, galderak eta iradokizunak jasotzeko helburuarekin egin da lehen bilera hau.

Gehiago irakurri

Debako Udalak eta Itziarko Auzo Udalak LGTBI+ kolektiboarekiko diskriminaziorik ez dutela onartzen aldarrikatu dute

Debako Udalak eta Itziarko Auzo Udalak LGTBI+ kolektiboarekiko diskriminaziorik ez dutela onartzen aldarrikatu dute

2020/05/16

Maiatzaren 17an Homofobia, Lesbofobia, Transfobia eta Bifobiaren kontrako eguna aldarrikatzen da. Aurten, COVID-19aren ondorioz etxean erdi konfinaturik geratu behar garenez, ezingo da kalera irten manifestatzera, baina berdin jarraituko dugu sexu eta genero aniztasunarekiko gorrotoak sortarazten dituen erasoak salatzen.

Gehiago irakurri

Bideen ordenantzaren hasierako onarpena egin da

Bideen ordenantzaren hasierako onarpena egin da

2020/05/15

Apirilaren 30ean egindako osoko bilkuran udalerriko bideen ordenantzaren hasierako onarpena egin zen, gehiengo osoz. Udal titulartasuneko bideen erabilera partekatua, berezia eta ohikoa arautzen ditu aipatu ordenantzak, narriatu ez daitezkeen ibilgailu astunak bertatik igarotzearen eta, bereziki, basogintzako ustiapenak direla eta egurra eta peiak garraiatzetik eratorritako aprobetxamenduaren ondorioz.

Gehiago irakurri

Debarren Eguna ospatuko dugu igandean

Debarren Eguna ospatuko dugu igandean

2020/05/14

Une honek eskatzen dituen moldaketak eginda, baina ospatu egingo da Debarren Eguna. Aritz Larrañaga Alkateorde eta Kultura zinegotziaren esanetan, “Egun berezia da debarrontzat egun hori. Garai zailak izaten ari dira guztiontzat eta pentsatu dugu berez berezia den egun hau are bereziago bihurtzen dela alarma eta pandemia egoeran. Fisikoki ez bada ere, bat egiteko eguna izatea nahi dugu, elkarrekin ospatuko duguna, elkarlanean”.

Gehiago irakurri

Ekainean abiatuko da TAO sistema Nafarroa plazan

Ekainean abiatuko da TAO sistema Nafarroa plazan

2020/05/07

Nafarroa plazako TAO sistema ekainaren 1etik irailaren 15era arte egongo da indarrean, egunero. Aurreko urteetan, maiatzeko asteburuetan hasi izan bada ere, egungo egoera berezia aintzat hartuta, maiatzean ez da, eremu horretan, ibilgailuak aparkatzeagatik TAOa kobratuko. Berritasun bat ere egongo da aurten, izan ere, kreditu txartel bidez ordaintzeko aukera egongo da.

Gehiago irakurri

Egungo egoerari erantzuteko aurrekontuak onartu ditu Debako udalbatzak

Egungo egoerari erantzuteko aurrekontuak onartu ditu Debako udalbatzak

2020/05/04

Apirilaren 30ean, telematikoki egindako osoko bilkuran onartu ditu 2020rako aurrekontuak Debako udalak. COVID-19ak eragindako egoerara moldatutako aurrekontuak dira; pandemiak egoera zaurgarrian eta laguntza beharrean utziko dituen herritarren zama arintzeko bideratuko dira indarrak. EH Bildu eta EAJ-PNVren aldeko botoekin eta Debarren Ahotsaren abstentzioarekin onartu dira. Modu telematikoan egindako osoko bilkuran landutako gainontzeko gai guztiak gehiengo osoz onartu dira.

Gehiago irakurri

Herriko komertzio txikiak laguntzera 20.000 euro bideratuko ditu Debako udalak

Herriko komertzio txikiak laguntzera 20.000 euro bideratuko ditu Debako udalak

2020/04/30

Debako udalak erosketa bonuen bitartez herriko merkataritza, ostalaritza edo zerbitzu sektoreko establezimenduak lagunduko ditu, Magnet Kooperatibak bultzaturiko www.kuttuna.org webguneak martxan jarritako irabazi asmorik gabeko egitasmoaren bitartez. Udalak 20.000 euroko hasierako diru poltsa jarriko du eta horri esker, gutxienez, 100.000 euro iritsiko dira aipatutako negozioetara.

Gehiago irakurri

Egungo egoerara moldatutako aurrekontu proposamena landuko da ohiko osoko bilkuran

Egungo egoerara moldatutako aurrekontu proposamena landuko da ohiko osoko bilkuran

2020/04/30

COVID19 birusak eragindako osasun alarma egoeragatik Debako udalak ezin izan zituen 2020rako aurrekontuak aurreikusitako epean onartu. Gaur, apirilaren 30ean, modu telematikoan egingo den ohiko osoko bilkuran landuko den gaietako bat izango da aurrekontuena. Eta, aurreikusita zegoen bezala onartu beharrean, egoera berri eta berezi honetara egokitzea, doitzea erabaki da.

Gehiago irakurri

« » 1 ... 4 5 6 [7] 8 9 10 ... 27