Albisteak
Ohiko osoko bilkura egin du Debako udalbatzak
2020/05/29
Atzo (maiatzak 28) egin zuen Debako udaleko udalbatzak maiatzeko ohiko osoko bilkura. Gai ordenan jasotako gai guztiak gehiengo osoz onartu ziren. Aitzitik, azken orduan Gipuzkoako foru funtsa murriztu izana eta hau egiteko modua salatzeko aurkeztutako mozioak aldeko 10 bozka (EH Bildu eta Debarren Ahotsa) eta kontrako hiru (EAJ-PNV) jaso zituen. Osasun alarma hasi aurretik modu presentzialean egin zen lehen osoko bilkura izan da, nahiz eta ateak itxita, publikorik gabe egin.
Ohiko osoko bilkura egin du Debako udalbatzak - Gehiago irakurri
XV. Tene Mujika Beka martxan da
2020/05/29
Egoera berezi honetan, Debako udalak, egoera ekonomikoak ahalbidetzen dion neurrian, kultura sustatzeko eta ekimenak bultzatzeko apustuari eutsiko dio. Hau honela, atzoko udalbatzan gehiengo osoz onartu ziren XV. Tene Mujika bekarako oinarriak eta aurrekontua. Euskal Herriko historia hurbilaren ezagutza zabaltzeko eta gure literatura aberastea du helburu aipatu bekak, Debako udalak Elkar argitaletxearekin batera lantzen duena.
Ekainaren 1etik irailaren 15era, Debako TAO sistema indarrean egongo da
2020/06/01
Udako sasoian Debako udalerrian ezarriko den TAO sistema indarrean egongo da ekainaren 1etik irailaren 15era, honako ezaugarriekin:
Ekainaren 1etik irailaren 15era, Debako TAO sistema indarrean egongo da - Gehiago irakurri
Egunean bertan jasoko dira eskaerak udal liburutegian
2020/06/01
Egunean bertan jasoko dira eskaerak udal liburutegian - Gehiago irakurri
Kuttuna ekimenak balio izan du bertako negozioak zaintzeak edo bizirik mantentzeak duen garrantziaz jabetzeko
2020/06/04
Martxoaren erdialdean COVID-19ak eragindako osasun alarma indarrean jarri zen unean, merkataritza, ostalaritza eta negozio txikietan lanean ari zirenek (oinarrizko zerbitzu gisa izendatu zirenak salbu) bat batean euren jarduna eten behar izan zuten, halabeharrez. Denborak aurrera egin ahala, osasun krisia zena krisi sozial eta ekonomiko ere bihurtu zen.
Behar handiena duten haurrei laguntzeko sarea sortzeko deialdia egingo du udalak
2020/06/04
Bizitzen ari garen pandemia egoerak are ageriago utzi ditu jada egoera zaurgarrian bizi ziren herritarren gabezia eta beharrak. Hori aintzat hartuta, ekimen desberdinak bideratu dira hilabeteotan eta aurrera begira ere lanean ari da udala ildo horretan.
Behar handiena duten haurrei laguntzeko sarea sortzeko deialdia egingo du udalak - Gehiago irakurri
Elorriaga eta Uzkangaberri zabalduko dira
2020/06/05
Astebururako zabalik egongo dira Elorriaga eta Uzkangaberri aisialdi-guneak. Bi kasuetan, baimendutako aparkalekuak zabalik egongo dira, aitzitik, hesiak jarriko dira, eta beraz, ezingo dira erabili bestela erabiltzen diren baimendu gabeko aparkatzeko lekuak. Komunak ere itxita egongo dira. Debako Udalak eta Itziarko Auzo Udalak herritarrei dei egiten diete ingurunea zain dezaten, guneak zainduz eta bertan zaborrak ez uzten.
Elorriaga eta Uzkangaberri zabalduko dira - Gehiago irakurri
Eskolako Agenda 21 proiektuko proposamenak aurten bideoz erantzun ditu Debako udalak
2020/06/05
Aurtengo ikasturtean ekoizpen eta kontsumo jasangarriaren gaia landu dute Debabarreneko ikasleek, tartean Luzaro eta Mendatako ikasleek, Eskolako Agenda 21 programaren baitan.
San Rokeak bertan behera utzi behar izan ditu Udalak, baina hainbat ekimen kulturali eutsiko dio
2020/06/05
COVID-19ak eraginda bizi dugun egoeraren ondorioz, ezin izango dira udako hainbat festa egin, Deban bezala, beste hainbat herritan. Horregatik, San Rokeak bertan behera utzi behar izan dira, besteak beste. Hala ere, ahal den neurrian eutsi egingo dio Udalak kultura eskaintzari, eta horregatik, Tene Mujika bekaren deialdia egin da, Iturriondoan ospatuko da...
Debako Udal Musika eta Dantza Eskolak zabaldu du 2020-2021 ikasturterako matrikulazio epea
2020/06/10
Debako Udal Musika eta Dantza Eskolako 2020-21 ikasturterako izen-emate epea ekainaren 19ra arte egongo da zabalik. Lehentasuna, online edo telefono bidezko matrikulazioari emango zaio. Bizi dugun egoera aintzat hartuta, Debako udalak erabaki du matrikuletan %50eko deskontua egitea.
Udako hezkuntza-zaintza sarea antolatzeko lehen bilera egin da
2020/06/12
Bilera egin da aste honetan hezkuntza-zaintza sarea antolatzeko. Aurtengo udan urtero egin diren udalekuak antolatzeko aukerarik izan ez arren, behar handiena duten haur eta gazteei laguntzeko asmoz, Debako udala hezkuntza zaintza sarea antolatzen ari da.
Udako hezkuntza-zaintza sarea antolatzeko lehen bilera egin da - Gehiago irakurri
Deba-Itziar Biziberritzeko Plan Integralak ziurtasuna eskainiko die herritarrei
2020/06/12
Gilen Garcia Debako alkatearekin batera agerraldia egin dute Arantza Egañak, Itziarko auzo alkateak, Itziar Irizarrek EH Bilduren izenean eta Pedro Bengoetxeak Debarren Ahotsaren izenean, Deba-Itziar Biziberritzeko Plan Integrala aurkezteko. Osasun krisi bezala hasi zena, krisialdi ekonomiko eta soziala ere bihurtu da, krisialdi orokorra. Horregatik, honek utziko dituen ondorio negatiboei aurre egiteko plana ere integrala izango da. Plana elkarlanean osatu du udal gobernuak, udalbatzako alderdiekin, Auzo Udalarekin eta herriko eragileekin.
Deba-Itziar Biziberritzeko Plan Integralak ziurtasuna eskainiko die herritarrei - Gehiago irakurri
Uztailaren 12ko hauteskundeetarako mahaikideen zozketa
2020/06/16
Eusko Legebiltzarreko hauteskundeetan mahaikideen zozketa egin da ekainaren 15ean.
Uztailaren 12ko hauteskundeetarako mahaikideen zozketa - Gehiago irakurri
Uda kirola ekimena COVID-19 protokoloetara egokituta egingo da aurten
2020/06/17
6tik 16 urte bitarteko gazteei zuzendutako eskaintza da. COVID-19aren eraginez 2020ko uda kiroleko eskaintza egokitu egin behar izan du Debako udalak eta aurten hiru kirol aukera eskainiko dira: surfa, body board eta arraun surfa.
Uda kirola ekimena COVID-19 protokoloetara egokituta egingo da aurten - Gehiago irakurri
Deba-Itziar Biziberritzeko Planaren finantzazio atalari buruzko argipena
2020/06/18
Deba-Itziar Biziberritzeko Planaren aurkezpena egin zenean, finantzazioa aipatzerakoan, milioi bat baino gehiagoko inbertsioa egin zela esaten zen. Aitzitik ez da zuzena hori inbertsio gisa izendatzea. Kopuru hori, bertara bideratutako hiru diru-partiden baturak ematen du: aurrekontua doitzeko egindako murrizketak, COVID-19ak eragindako egoerari aurre egiteko gehitutako diru-partidak eta herritarrei salbuetsitako diru partidak.
Deba-Itziar Biziberritzeko Planaren finantzazio atalari buruzko argipena - Gehiago irakurri
Dinamikoa izango da Debako Santiago hondartza
2020/06/19
Uztailaren 1ean hasiko da Deban hondartza denboraldia, Gipuzkoako gainontzeko hondartzetan bezala. Zaintza-ordutegia 11etatik 19etara izango da. Hori prestatzen aritu da Debako udala, Gipuzkoako Foru Aldundiaren hondartzen mahaian eta baita Deban bertan eragileekin osatutako mahaian ere. “Hondartza dinamikoaren kontzeptua lantzen aritu gara eta Debako Santiago hondartza horrelakoa izatea nahi dugu”, Antxoka Elorza ingurumen zinegotziaren arabera.
Dinamikoa izango da Debako Santiago hondartza - Gehiago irakurri
Iturri ondoan ekimena egingo da, baina izena ematen dion kokalekua aldatuta
2020/06/24
Bizitzen ari garen egoera dela eta, hainbat festa eta ekimen ezingo dira ospatu aurten, baina Debako udalaren nahia da azken urteotan abiatutako euskal kulturaren transmisioaren lanarekin jarraitzea. Horregatik, baldintza bereziak hartuta bada ere, Iturri Ondoan ekimena egingo da, uztailaren 3tik abuztuaren 7ra, Euskal Jolas frontoian. Ostiraletan, 22:00etan, ikuskizun bana egongo da.
Iturri ondoan ekimena egingo da, baina izena ematen dion kokalekua aldatuta - Gehiago irakurri
Eskerrik asko boluntario guztiei
2020/06/26
Osasun alarma egoerari amaiera eman zitzaion ekainaren 19an Araban, Bizkaian eta Gipuzkoan. Ordutik aurrera, Debako udalak eten egin ditu, momentuz (ez genuke nahi, baina egoerak okerrera egingo balu, berriz jarriko litzateke martxan) alarma egoerak iraun bitartean indarrean egon diren hainbat zerbitzu eta ekimen. Horietako bat beharra zuten herritarrei laguntza emateko helburuarekin sortu zen zaintza sare solidarioa da. Debako udalak eta Itziarko Auzo Udalak, eskerrak eman nahi dizkiete lan boluntarioa egin duten pertsona guztiei eta txalotu nahi dute elkar zaintzarako herritarrek izan duten prestutasuna.
“LGTBI kolektibo eta pertsona ugariren borroka luze eta ordainezina” aitortu dute adierazpen baten bitartez Debako udalak, Itziarko Auzo Udalak eta hainbat elkartek
2020/06/26
Debako udalbatzako alderdiek; EH Bilduk, Debarren Ahotsak eta EAJ-PNVk; Itziarko Auzo Udalak eta Burugorri Martxan Auzo Elkartea, Lizarbe Guraso Elkartea, Andutz Biltokia, Debako Talde Feminista eta Egiten udalerriko taldeek adierazpena izenpetu dute ekainaren 28aren testuinguruan. LGTB Harrotasunaren Nazioarteko Eguna ospatuko da igandean, hilaren 28an. Udaletxeko balkoian ikurra jarriko da ostiral arratsaldean eta Mugimendu feministak antolatuta elkarretaratzea egingo da igande eguerdian.
Martxan da jada behar handiena duten haur eta gazteei laguntzeko udako hezkuntza-zaintza sarea
2020/06/29
Aurtengo udaran urteroko udalekuak antolatzeko aukerarik izan ez bada ere, behar handiena duten haur eta gazteei laguntzeko udako zaintza sarea antolatu du Debako Udalak. Hezkuntza eta gazteriako eragileekin elkarlanean hasi da ekimena ekainaren 22an eta uztailaren 24an amaituko da.
Bi hondartzain egongo dira aurten Debako Santiago hondartzan
2020/07/02
Uztailaren 1ean hasi da hondartza denboraldi ofiziala Deban, Gipuzkoako gainontzeko hondartzetan bezala. Aurtengo egoera berezia dela eta, COVID-19ak eraginda, neurri bereziak hartu dira. Hondartzan lan berriak egin beharra ere eragin du honek: hondartzainen figura sortzea, kasu.
Bi hondartzain egongo dira aurten Debako Santiago hondartzan - Gehiago irakurri
Itziarko sarrerako obra-lanak uztailaren 13an hasiko dira
2020/07/03
Itziarra doan GI-3210 eta Itsaspera doan GI-3291 errepideen eta N-634 errepidearen arteko Itziarko gaineko bidegurutzean zuzeneko bide adarra duen biribilgunea egiteko obra-lanak uztailaren 13an hasiko dira. Lau hilabetez luzatuko dira lanak.
Itziarko sarrerako obra-lanak uztailaren 13an hasiko dira - Gehiago irakurri
Pandemia aurreko ordutegi eta zerbitzuak berreskuratuko ditu Debako eguneko zentroak
2020/07/08
Uztailaren 9tik aurrera, pandemia egoeraren aurreko ordutegira bueltatuko da eguneko zentroa eta ohiko zerbitzuak berreskuratuko ditu.
"Erne jarraitu behar dugu, une batean dena alda baitaiteke, eta bakoitzak bere aletxoa jarri behar du"
2020/07/10
Arantza Aranburu Lasa (Zarautz,1966) Deba eta Mutrikuko osasun zentroko arduraduna da, lehen arreta unitateko arduraduna, hain zuzen. Covid-19ak eragindako osasun alarma egoera bitartean bere lana egiten aritu da Debako osasun zentroan. Deban pandemiak eragin handirik izan ez badu ere, kezkaz bizi izan du eta bizi du honek eragindako egoerak, mediku bezala, baina baita maila pertsonalean ere, Debaberri udal aldizkarian egindako elkarrizketan aitortu duen moduan. Egoera ezezagunari erantzuteko osasun zentroan egin behar izan dituzten moldaketak azaldu dizkigu eta oraindik ere arretaz aritzeko gomendioa egin digu herritarroi.
Hasi da haurren Uda Aisia Itziarren
2020/07/10
Astelehen honetan hasi da haurren Uda Aisiaren lehen txanda Itziarren. Herriko eta inguruko 4 urtetik 12ra bitarteko umeen udako aisialdi eskaintza da honakoa. Uztailaren 16an hartuko dio erreleboa bigarren txandak eta uztailaren 30 arte edukiko dute goizetako entretenimendua gaztetxoek.
Eusko Legebiltzarrerako hauteskundeen emaitzak Deban
2020/07/13
Uztailaren 12an egin diren Eusko Legebiltzarrerako hauteskundeetan Deban bozkatzeko eskubidea duten 4.287 lagunetik 2.722k eman dute botoa. 36,51ko abstentzioa egon da, hortaz. Hurrengo taulan jaso dira mahaiez mahai bildutako emaitzak.
Eusko Legebiltzarrerako hauteskundeen emaitzak Deban - Gehiago irakurri
Neurri berriak COVID-19aren hedapena gelditzeko: gazte lokalak itxita
2020/07/17
Atzotik aurrera (uztailak 16) Araban, Bizkaian eta Gipuzkoan derrigorrezkoa da maskara erabiltzea. Horrekin batera Eusko Jaurlaritzak jakinarazi duenez, debekatuta dago gazteen lonjetan egotea. Horregatik, udalak hauek ixteko agindua eman du. Eta tabernetan gehienez ere 10 pertsonako taldeak batu daitezke.
Neurri berriak COVID-19aren hedapena gelditzeko: gazte lokalak itxita - Gehiago irakurri
Eguneko zentroa itxi da eta bertan behera utzi dira haurrei zuzendutako aisialdi ekimenak
2020/07/21
Azken egunotan COVID-19ak eragindako egoerak okerrera egin duenez, hainbat neurri hartu dituzte administrazioek. Debako udalak eguneko zentroa itxi du eta hezkuntza zaintza sarea bertan behera utzi du aurreikusi baino astebete lehenago. Itziarko Auzo Udalak ere, bertan behera utzi ditu Uda Aisia udalekuak.
Garapenaren aldeko diru-laguntzak eskatzeko epea zabaldu da
2020/07/22
Garapenaren aldeko lankidetzarako diru-laguntzak norgehiagoka prozedura bidez esleitzeko 2020ko deialdia egin du Debako udalak. Eskaerak aurkezteko epea zabalik dago aurreikusten diren diru-laguntza lerro ezberdinetarako.
Garapenaren aldeko diru-laguntzak eskatzeko epea zabaldu da - Gehiago irakurri
Hiru kontzertu eskainiko dira Debako 37. Udako Musikaldiaren baitan
2020/07/23
Abuztuaren 6an, 20an eta 27an, musika kontzertu bana eskainiko da Santa Maria elizan, 20:30ean. 37. Udako Musikaldia antolatu du Debako udalak Gipuzkoako Foru Aldundiaren laguntzarekin. Loreto Aramendi (organoa), Pablo Mezzelani (kantua, musika tresna etnikoak) eta Pedro Miguel Aginaga (biolina) musikariek eskainiko dute lehen kontzertua. Abuztuaren 20an txistu eta piano kontzertua eskainiko dute Garikoitz Mendizabalek (txistua) eta German Ormazabalek (pianoa). Aurtengo azken kontzertua, berriz, Paula Iragorrik (Mezzosopranoa), Elena Sanchok (Sopranoa) eta German Ormazabalek (pianoa) eskainiko dute. Edukiera mugatua egongo da, eta, kontzertuetara sartzeko gonbidapena beharko da. Uztailaren 27tik aurrera jaso ahal izango dira hauek turismo bulegoan. Izen-abizenak eta telefono zenbaki bat eskatuko dira gonbidapenak banatzerakoan.
Hiru kontzertu eskainiko dira Debako 37. Udako Musikaldiaren baitan - Gehiago irakurri
Baserritarren produktuen salmentari ikusgarritasuna emateko proposamena lantzeko bilera egin dute Udalak eta baserritarrek
2020/07/24
Debako udal gobernuak baserriko produktuen salmentari merezi duen ikusgarritasuna eta balioa eman nahi dizkio. Merkatu duin baten alde eginez, indarrak batzeko eta orain baino modu duinagoan bistatzeko. Proposamen hori aurkezteko, salmenta zuzenean aritzen diren ekoizleekin bilera egin du uztailaren 23an.
Debako udalbatzak ez-ohiko osoko bilkurako gai guztiak aho batez onartu ditu
2020/07/24
Uztailaren 23an egin du Debako udalbatzak oporraldiaren aurreko azken osoko bilkura. Bertan landutako gai guztiak aho batez onartu dira.
Debako udalbatzak ez-ohiko osoko bilkurako gai guztiak aho batez onartu ditu - Gehiago irakurri
Luzaro eskolako jangelako akustika arazoak konpontzeko obra amaitu berri da
2020/07/29
Aspalditik zetorren akustika arazoari konponbidea jarri zaio bukatu berri den Luzaro eskolako jangelako obrarekin. Ikerketa akustikoa egin zen orain dela urte batzuk, eta emaitzen arabera, ikasle bazkaltiar eta jangelako langileek jasaten zuten zarata osasunerako kaltegarria zen. Honela, erabiltzaileen osasuna zainduko da.
Luzaro eskolako jangelako akustika arazoak konpontzeko obra amaitu berri da - Gehiago irakurri
Jende pilaketak ekidin ditzaten eskatu nahi die Debako udalak debarrei
2020/07/30
Asteburuaren atarian, Debako udalak gogorarazi nahi du bizitzen ari garen osasun egoera zaila dela eta, COVID-19a hedatu ez dadin, beharrezkoa dela guztiok neurriak hartzea. Jakin badakigu konfinamenduan eman ditugun hilabeteak luzeak eta gogorrak izan direla, baina egindako ahalegin horrek balioa izan dezan, beharrezkoa da egoerak eskatzen duen eta osasun agintariek etengabe gogorarazten dizkiguten gomendioei jarraitzea.
Jende pilaketak ekidin ditzaten eskatu nahi die Debako udalak debarrei - Gehiago irakurri
Debako udala eraso sexistarik gabeko uda baten alde
2020/07/30
Uda ezohiko honetan ere errespetuan, berdintasunean eta autonomian oinarritutako jarrerak sustatzeko helburuarekin, Debako udala “Beldur Barik Uda 2020: Eraso sexistarik gabeko uda baten alde” sentsibilizazio-kanpaina sustatzen ari da. Kanpainaren kartelak banatu ditu udalerriko tabernetan.
Debako udala eraso sexistarik gabeko uda baten alde - Gehiago irakurri
Aurten San Rokerik ez
2020/08/12
Osasun egoera dela eta, aurten ez da San Roke festarik ospatuko. Udaleko ordezkariek eta herriko eragileen ordezkariek bideo honetan azaldu dute.
Debako Santiago eta Lapari hondartzetan bainua debekatuta dago, araudian ezarritako kalitate-irizpide mikrobiologikoak puntualki ez betetzeagatik
2020/08/19
Osasun Sailak atzo (abuztuak 18) egindako ur-analisiaren emaitzen arabera, Santiago eta Lapariko hondartzetako uretan enterococcus bakteriaren muga-kopurua gainditu egin da. Beraz, Osasun Sailak emandako jarraibideen arabera, bainua zein beste edonolako uretako kirol debekatuta egongo dira uraren kalitatea hobetzen den bitartean, bai hondartzetan eta baita itsasadarrean ere.
Bihar beste lagin bat aztertuko du Osasun Sailak, eta emaitzen zain egon beharko da uraren kalitatea bainatzeko modukoa den ala ez jakin bitartean. Bitarte honetan kutsadura horren jatorria ere aztertzen ari da Osasun Saila
Gaurtik aurrera bainua baimenduta izango da Santiago eta Lapari hondartzetan
2020/08/20
Eusko Jaurlaritzako Osasun Sailak jakinarazi berri duenez, atzo hartutako ur-laginaren emaitza ONA da. Beraz, beharrezko prozedura jarraituta, berehala irekiko dira Santiago eta Lapari hondartzak, eta bainua baimenduta egongo da.
Gaurtik aurrera bainua baimenduta izango da Santiago eta Lapari hondartzetan - Gehiago irakurri
Enplegua eta tokiko garapena sustatzeko proiektuak, Lanbide-Euskal Enplegu Zerbitzuak diruz laguntzen dituenak
2020/08/21
PROIEKTUA:
Bide publikoak, ibilbide balizatuak eta hiri-altzariak mantentzeko lana
Debako hondartzetako kutsaduraren inguruko argipena eskatuko dio Udalak Eusko Jaurlaritzako Osasun Sailari
2020/08/21
Aste honetan Debako Santiago eta Lapari hondartzak itxi behar izan ditu Udalak bi egunez, Osasun Publikoaren bulegoak jakinarazitako enterokokoen kopuru altuagatik. Asteazkenean hartutako ur-laginaren emaitzak ondo eman ondoren, uraren kalifikazioa ona zela baieztatu zen, nahiz eta oraindik enterokokoen presentzia txikia egon.
Inguruko animaliak ezagutzeko oinatzen tailerra antolatu du Euskal Kostaldeko Geoparkeak datorren larunbatean Deban
2020/08/24
Euskal Kostaldeko Geoparkeak haurrei zuzendutako inguruko animaliak ezagutzeko oinatzen tailerra antolatu du Deban. Nork utzi du oinatz hori? izenburua duen tailerrak, Debako Kultur Elkarteko eraikinaren plazatxoan egingo da, larunbatean, abuztuaren 29an, goizeko 11:00etan. Jarduera euskaraz egingo da eta ordu eta erdiko iraupena izango du.
Artisau azoka egingo da larunbatean
2020/08/27
Hainbat artisauk euren lanak erakusteko aukera izango dute hilaren 29an Zumardiko kioskoan. 11:00etatik 15:00etara eta 17:00etatik 20:30era egongo dira postuak zabalik. Euria izanez gero, Estalitako pasealekuan eta Portu kalean egingo da azoka.
Aste honetan berrekingo zaio udal buletinaren bidalketari
2020/09/01
Abuztuko etenaldiaren ondoren, irailaren 4an jasoko dute berriz ere udal buletina harpidedunek. Apirila hasieran sortu zuen udalak herritarrekiko komunikazio tresna hau. Buletinaren sorreran esan bezala, Debako udal gobernuaren jardunaren oinarri garrantzitsuak dira herritarrekiko komunikazioa eta gardentasuna. Horregatik nahi dugu herritarrekiko informazio jarioa handitu eta eraginkortu. Ildo horretan ere Debaberri udal aldizkariaren maiztasuna handitu eta egonkortu egin da. Eta aurrera begira ere udalaren webgunea berritzeko asmoa dugu, intuitiboagoa, erabilgarriagoa eta erakargarriagoa eginez.
Aste honetan berrekingo zaio udal buletinaren bidalketari - Gehiago irakurri
Errotazar futbol zelaiko hesia berritu da
2020/09/02
Errotazarreko hesia prest dago futbol denboraldi berriari ekiteko. Aparkalekuaren ondoko hesiaren zati bat aldatu egin berri da. Atearen atzealdean kokatuta dagoen eremuan baloiaren kolpeak beste inon baino ugariagoak izan ohi direnez, egitura errazago kaltetzen baita.
Errotazar futbol zelaiko hesia berritu da - Gehiago irakurri
Montserrat Torrent i Serraren organoa kontzertua V. "Flysch" Organo Jaialdia zikloaren baitan
2020/09/04
Gipuzkoako Foru Aldundiak sustatuta, aurten ere Flysch Organo Zikloa antolatu da. "Flysch" Organo Jaialdia zikloaren barruan Montserrat Torrent i Serraren (organoa) kontzertua izango dugu Debako Santa Maria Elizan irailaren 13an arratsaldeko 19:00etan.
Profesionalen pare dantza egiteko aukera izango dute dantzariek Agirre jauregiko dantza gelako lur berriarekin
2020/09/04
Musika eskolako dantza gelako lurra egokitu da. Aurretik zegoen lurra ez zen dantzarako egokiena, gogorra baitzen. Uda honetan dantza gelako lurra, hortaz, tapiz batekin estali da, gela entseguetarako erabiltzen duten dantzarien lesioak saihesteko helburuz. Honela, entseguen kalitatea, eta erabiltzaileen segurtasuna eta esperientzia hobetu egingo dira. Aipatu tapiza berezia da, dantzarako eszenatoki eta areto profesionaletan erabiltzen denaren berdina, horrela, Debako dantza eskolako erabiltzaileek profesionalen pare dantza egiteko aukera izango dute aurrerantzean. 13.142 euroko inbertsioa egin da.
51. Kaleko Margo Sariketa egingo da larunbatean
2020/09/08
Hilaren 12an egingo da aurten Kaleko Margo Sariketa. Bertan parte hartzeko oinarriak argitaratu ditu Debako udalak. Aurtengoa 51. edizioa izango da. Debako udalak antolatu du, Cardenas fundazioak eta Haitz Haundi elkarteak lagunduta. 16 urtetik gorako margolariei zuzenduta dago. Goizeko 8:00etan hasita, bi orduz Agirre Jauregiko erakusketa gelan jarriko zaie zigilua margo oihalei. Lanak 13:30 baino lehen entregatu beharko dira udaletxeko osoko bilkuren aretoan.
51. Kaleko Margo Sariketa egingo da larunbatean - Gehiago irakurri
Irailaren 15era arteko epea dago Ondasun Higiezinen Zerga ordaintzeko
2020/09/10
Ondasun Higiezinen Zerga ordaintzeko epea hilaren 15ean amaituko da. Ordainketa helbideratuta duten pertsonei hilaren 15ean kobratuko zaie. Helbideratuta ez dutenek, egun hori bera (irailaren 15a) izango dute ordainketa egiteko azken eguna.
Irailaren 15era arteko epea dago Ondasun Higiezinen Zerga ordaintzeko - Gehiago irakurri
Kultura sustatzearen aldeko apustua egin du Debako udalak
2020/09/11
Kultura eskaintza anitza izango da irailean Deban. Aitzitik, martxoaz geroztik bizitzen ari garen osasun larrialdi egoeraren ondorioz, aurtengoa ez da aurreko urteetakoak bezalakoa izango. Orain arteko udalerriko festa eta ospakizun nagusiekin gertatu den moduan, ez da hilabete amaieran egin ohi den Euskal jaia ospatuko. Hala ere, osasun egoerara eta dauden baliabideetara moldatutako formatuan hainbat kultura ekimen eskainiko dira datozen asteotan.
Kultura sustatzearen aldeko apustua egin du Debako udalak - Gehiago irakurri
Astebetez ikusgai egongo dira 51. Kaleko Margo Sariketan parte hartu duten lanak
2020/09/14
Larunbatean, hilaren 12an egin da 51. Kaleko Margo Sariketa. Carlos Espiga bilbotarrak “Estructura” lanarekin jaso du lehen saria. Bi debarrek sari bana jaso dute: Laura Aranegi izan da saritu gabeko herriko lehen sailkatua eta Leire Movellanek Cardenas fundazioak 21 urte baino gutxiago dituztenei ematen dien saria jaso du. Parte hartzea azken urteotako altuena izan da eta lanen maila kalitate handikoa izan da epaimahaikideen ustez. Udaletxeko osoko bilkuren aretoan ikusgai dauden lanak.
Astebetez ikusgai egongo dira 51. Kaleko Margo Sariketan parte hartu duten lanak - Gehiago irakurri
Eneko Aizpuruaren 'Bidasoan gora' liburua aurkeztu da
2020/09/15
Debako udalak ematen duen Tene Mujika bekaren 13. edizioa irabazi zuen Eneko Aizpuruak, 'Bidasoan gora' liburua aurkeztu du. Xabier Mendiguren Elkarreko editoreak eta Aritz Larrañaga Debako udaleko kultura eta euskara zinegotziak ere parte hartu dute agerraldian. Euskal Herriko historia hurbila berreskuratzeko helburua du aipatu bekak. Debako udalak historia berreskuratu eta idatz dadin lagundu nahi du modu honetan.
Eneko Aizpuruaren 'Bidasoan gora' liburua aurkeztu da - Gehiago irakurri
Debabarrenako Mankomunitateak beira gehiago birziklatzeko kanpaina jarriko du abian Deba, Mutriku eta Elgoibarko tabernetan
2020/09/18
Helburua da herri horietan beiraren gaikako bilketa handitzea.Tabernetara bisitak egingo dira eta baliabideak ipiniko zaizkie oraindik beira birziklatzen ez duten establezimenduei. Deba izan da eskualdeko herrien artean 2019an beira gehien bildu duena, biztanleko 50,75 kg.
Uda sasoiaren balorazio ona egin du Debako gobernu taldeak
2020/09/18
COVID-19ak eragindako egoerak uda sasoia ere ez-ohikoa izango zela aurreikus zitekeen. Egoera aldakorrak ahalbidetzen zuen neurrian egin zituen aurreikuspenak eta osatu zuen uda sasoirako plangintza Debako udalak. Uda sasoia ofizialki amaitu berri, egindako aurreikuspenak neurri handian bete dira, beraz, balorazioa positiboa da Gilen Garcia alkateak eta Antxoka Elorza zinegotziak egindako agerraldian azaldu dutenez.
Uda sasoiaren balorazio ona egin du Debako gobernu taldeak - Gehiago irakurri
Irakurketa tailerra kokalekua aldatuta abiatuko da
2020/09/18
Osasun egoerak eskatzen dituen baldintzak egoki betetzeko, Ostolaza Udal Liburutegiak antolatzen duen irakurketa tailerra kokalekua aldatuta abiatuko da berriz. Saioak Kultur Elkartean izango dira 19:00etatik 20:30ak bitartean eta bertan parte hartu ahal izateko, aldez aurretik izena eman beharko da liburutegian.
Irakurketa tailerra kokalekua aldatuta abiatuko da - Gehiago irakurri
2019-2020 ikasturtean euskara ikasi edo UEUko ikastaroetan parte hartu duten debarrentzat diru-laguntzak
2020/09/21
Debako Udalak dirulaguntzak banatuko dizkie euskara ikasi edo UEUko ikastaroetan parte hartu duten herritarrei. Dirulaguntzok, langabezian daudenei, jubilatuei, edota 18 eta 25 urte artean dituzten ikasleei banatuko zaizkie, betiere, DEBABE Udal Euskaltegien mankomunitatetik bekarik jaso ez badute.
Hegaztiei eraztuna jartzeko jardunaldia antolatu du Udalak herritarrentzat Artzabalen urriaren 3an
2020/09/25
Eraztunketa saioak egingo dira datorren astean Artzabalen. Oraingoan, COVID-19a dela eta, aurreko urteekiko aldaketa batzuk egin dira. Parte hartzeko aurretik izena eman beharko da Turismo bulegoan. Urriaren 3an, 10 laguneko (gehienez) hiru txanda antolatu dira: lehen taldea 9:00etan hasiko da, bigarrena 9: 45ean eta hirugarrena 10: 30ean.
Agroekologiaren aldeko hirien sarean sartzea eta Milango Itunari atxikitzea onartu du osoko bilkurak aho batez
2020/09/25
Atzo, irailak 24, ohiko osoko bilkura egin zuen Debako udalak. Hiriko elikadura politikari buruzko Milango ituna onartu eta Agroekologiaren aldeko hirien sarean sartzea erabaki zuen udalbatzak aho batez. Nerea Arrizabalaga Badiola Ekonomiaren Sustapena eta Landa Eremuaren Garapenerako zinegotziak egin zuen gaiaren inguruko azalpena: “Debak eta Itziarrek landa eremu handia dute baina gero eta utziagoak daude, itun honekin eta sarearen babesarekin baserri munduari bultzada bat emateko bidea hasi nahiko genuke”.
Debako udalak Moria pertsona errefuxiatuen eremutik alde egin behar izan duten pertsonekiko elkartasuna adierazi du
2020/09/29
Europako errefuxiatuen esparrurik handiena den Morian izandako suteen ondorioz milaka pertsona sakabanatuta daude. COVID-19ak are gehiago okertu ditu pertsona hauen bizi baldintzak. Irailaren 24an Debako udalbatzak egindako ohiko osoko bilkuran elkartasuna adierazteko adierazpen instituzionala onartu zen aho batez.
Gutizi Ekologikoen Ibilbidea egingo da Deban Debabarreneko IX. Aste Ekologikoaren baitan
2020/09/30
Aurten Debabarreneko aste ekologikoaren egitarauaren baitan, Deban ere ekintza ezberdinak egingo dira Urriaren 9an, ostiralean. Biolur Gipuzkoako Nekazaritza Ekologikoaren elkarteak, azoka ekologikoen kanpainaren baitan gure eskualdean Eibarren antolatzen du azoka ekologikoa eta ekintza ezberdinak egin izan dira urtero. Aurten Debemen eta Debako Udalaren laguntzarekin Deban egingo dira ekintza hauek. Ostalariekin elkarlanean Gutizi Ekologikoen Ibilbidea antolatu da.
Euskal Kostaldeko Geoparkeak, 10. urteurrena ospatzeko “Itsas ondarearen jaialdia” antolatu du Deba, Mutriku eta Zumaian
2020/10/02
Urriaren 17an egingo dira ekitaldiak Deban, Anes Arrinda Pasealekuan. Ontzi tradizionalen erakusketa, marinel-korapiloen tailerrak eta ontzi tradizionaletan nabigatzeko aukera egongo da. Santa Maria elizan bisita gidatuak ere egingo dira.
Abuztuan Debako hondartzetako uren kutsaduraren jatorriaz Osasun Sailaren erantzuna
2020/10/05
Abuztuaren 17an uraren kalitatea neurtzeko egindako ohiko azterketaren emaitzen ondorioz, bi egunez debekatu behar izan zen bainua Santiago eta Lapariko hondartzetan. Osasun Publikoaren bulegoak jakinarazi zion Udalari enterokokoen kopuru altua zegoela. Debako udalak kutsaduraren jatorriaren inguruko azterketa egitea eta horren berri ematea eskatu zuen.
Agroekologiaren Aldeko Hirien Sareko urteko batzarrean parte hartu du Debako udalak
2020/10/07
Irailaren 24ko ohiko osoko bilkuran aho batez onartu zuen Debako udalbatzak Agroekologiaren Aldeko Hirien Sarean sartzea. Nerea Arrizabalaga Badiola, Ekonomiaren Sustapena eta Landa Eremuaren Garapenerako zinegotziak urriaren 1ean eta 2an telematikoki egin den urteko batzarrean parte hartu du.
Plastikoaren erabilera murrizteko telazko poltsak banatuko ditu Debako udalak
2020/10/08
Debako udalak plastikoak murrizteko helburuarekin oihalezko 4.200 poltsa banatuko ditu herritarren artean urriaren 9an hasita. Elkarlanean gauzatuko da ekimena, izan ere, Luzaro eta Mendata ikastetxeetako ikasleek egin dituzte poltsetan agertzen diren marrazkia eta leloa, Debalaik banaketan parte hartuko du eta Gipuzkoako Foru Aldundiak diruz lagundu du Debako udalak bideratutako ekimena.
Plastikoaren erabilera murrizteko telazko poltsak banatuko ditu Debako udalak - Gehiago irakurri
Elkartasun azoka egingo da igandean
2020/10/13
Iaz abiatutako bideari jarraituz elkartasun azoka egingo da urriaren 18an. Ateri badago, Plaza Zaharrean jarriko dira mahaiak, 11:00etatik 15:00etara. Euria egiten badu, Aldats pilotalekuan egingo da.
Urriaren 17an pobrezia desagerrarazteko nazioarteko egunaren harira udalbatzaren mozioa
2020/10/15
Urriaren 17an, pobrezia desagerrarazteko nazioarteko eguna ospatzen da. Nazio Batuen 'Muturreko Pobreziari eta Giza Eskubideei buruzko Printzipio Gidarietan' jasotzen den moduan: "aurrekaririk gabeko garapen ekonomiko, bitarteko teknologiko eta finantza-baliabideen maila duen mundu honetan, eskandalu morala da milioika pertsona muturreko pobrezian bizitzea". Gure gizarteari ez zaio arrotza "eskandalu moral" hau. Irailaren 24ko ohiko osoko bilkuran, aho batez onartu zuen Debako udalbatzak pobrezia desagerraraztearen aldeko mozioa, honako aldarrikapen eta konpromisoak adieraziz:
Ordenantza Fiskalak eguneratzea onartu du udalbatzak ez-ohiko bilkuran
2020/10/16
2021eko Ordenantza Fiskalak eta COVID-19 tasen hobariak gaiak izan zituen aztergai urriaren 15ean Debako udalbatzak egindako ez-ohiko osoko bilkuran. Gehiengo osoz onartu zen Ordenantza Fiskalak eguneratzea, EH Bilduren eta Debarren Ahotsaren aldeko botoekin. EAJ-PNVk kontra bozkatu zuen. COVID-19 tasen hobarien ingurukoa aho batez onartu zen.
Ordenantza Fiskalak eguneratzea onartu du udalbatzak ez-ohiko bilkuran - Gehiago irakurri
Herritarrei elkar zaintzeko neurriak hartzeko deia egin die Debako udalak
2020/10/21
COVID-19aren intzidentziari lotutako Debako azken datuen aurrean, eta ikusirik Europa mailako joera zein den, alegia, datozen asteotan intzidentzia mailak gora egingo duela, Debako udalak gaitzaren hedapena murrizteko hartu beharreko neurriak gogorarazi nahi dizkie herritarrei. Higiene neurriak zaintzea eta bizitza soziala talde txikietara murrizteko ahalegina egitea eskatu nahi die udalak herritarrei, osasungintza arloko aditu eta agintariei gomendatzen duten moduan.
Herritarrei elkar zaintzeko neurriak hartzeko deia egin die Debako udalak - Gehiago irakurri
Debako 2020ko Beldur barik lehiaketan parte hartzeko epea zabaldu da
2020/10/23
Gazteei zuzendutako ikus-entzunezko Beldur Barik lehiaketa martxan da. Aurten ere herri mailako saria izango da Deban. Azaroaren 5ean amaituko da izena emateko epea. Lehiaketaren xedea da emakumeek jasaten duten bereizkeria-egoerei aurre egiten dioten neska-mutilen adierazpenak onartu, baloratu eta bultzatzea. Lehiaketara aurkezten dituzten ikus-entzunezko lanak errespetuan, berdintasunean, askatasunean, autonomian, erantzukizunean eta indarkeria sexistaren gaitzespen irmoan oinarritutako jokabide eta jarrerak izan behar dira.
Debako 2020ko Beldur barik lehiaketan parte hartzeko epea zabaldu da - Gehiago irakurri
Bertan behera utzi ditu udalak jendea biltzen dituzten ekimenak covid-19aren intzidentzia tasagatik
2020/10/23
Egoera epidemiologiko larria duten herrien artean kokatuta dago Debako udalerria azken egunotan. Hori aintzat hartuta eta Eusko Jaurlaritzak argitaratu dituen agindu eta gomendioei jarraituta, Debako udalak bertan behera utzi ditu datozen egunetarako aurreikusita zeuden eta jendea biltzen dituzten ekitaldi publikoak, egoera bere onera itzuli bitartean.
COVID-19: urriaren 26tik aurrera udal zerbitzuetan moldaketak
2020/10/25
Debako udalak eskaintzen dituen hainbat zerbitzuetan aldaketak egongo dira bihartik aurrera, COVID-19ak eragindako egoeragatik. Aldakorra da egoera eta udalaz gaindiko administrazioek datozen egunotan hartuko dituzten erabakiek aldaketak egin behar izatea eragingo du. Bitartean, bihartik aurrera, urriak 26, zerbitzuek horrela funtzionatuo dute:
COVID-19: urriaren 26tik aurrera udal zerbitzuetan moldaketak - Gehiago irakurri
Bi lanpostutarako deialdia egin du Debako udalak
2020/10/27
Peoi eta kamioi gidari bana kontratatzeko deialdia egin du Debako udalak. Lanbideren bitartez kudeatuko dira aipatutako lanpostuak betetzeko deialdiak.
Bi lanpostutarako deialdia egin du Debako udalak - Gehiago irakurri
Hilerrietan ere osasuna zaintzeko hainbat jarraibide zehaztu ditu Debako udalak
2020/10/27
Azaroaren 1ean eta honen aurreko egunetan jende emaria handitu ohi da hilerrietan. Aurten, osasun egoerak hala behartuta, gurtza zentroetan senitarteko eta lagunak bisitatzeko orduan hainbat neurri hartu beharko dira.
Hilerrietan ere osasuna zaintzeko hainbat jarraibide zehaztu ditu Debako udalak - Gehiago irakurri
Deba eta Mutriku lotzen dituen zubiaren obrak hasteko lehen urratsa eman da
2020/10/31
Debako eta Mutrikuko udalek eta Gipuzkoako Foru Aldundiak hitzarmena sinatuta, 2018an Deba eta Mutriku lotzen dituen zubian izandako kalteak konpontzeko hurrengo fasearekin hasteko oinarria jarri da.
Deba eta Mutriku lotzen dituen zubiaren obrak hasteko lehen urratsa eman da - Gehiago irakurri
uema.eus/kartelak: hizkuntza paisaia ere herriaren erakusleiho izan dadin
2020/11/03
Merkataritzan, ostalaritzan eta oro har zerbitzu sektorean euskara naturaltasunez erabiltzeko zerbitzu berria jarri du martxan UEMAk.
uema.eus/kartelak: hizkuntza paisaia ere herriaren erakusleiho izan dadin - Gehiago irakurri
Udalbatzak osoko bilkuran landutako gai guztiak onartu ditu
2020/11/06
Azaroaren 5ean egin du Debako udalbatzak ez-ohiko osoko bilkura. Aztertutako gai guztiak onartu dira. Tartean, Amillagako PERIaren aldaketaren hasierako onarpena, aho batez eta ondorioz, aurretik zegoen proposamenarekin baino eragina txikiagoa izango dute eraikuntzek. Azaroaren 25ari begira adierazpen instituzionala egin da. Eta Martin Villa pertsona “non grata” izendatu da.
Udalbatzak osoko bilkuran landutako gai guztiak onartu ditu - Gehiago irakurri
Larunbatean, azaroak 7, sartu dira indarrean COVID-19aren hedapena murrizteko Eusko Jaurlaritzak hartu dituen neurriak
2020/11/09
Neurri murriztaileagoak ezarriko dira larunbatetik aurrera (azaroak 7) Araban, Bizkaian eta Gipuzkoan. Azaroaren 5ean LABIk egindako bileran COVID-19aren hedapena murrizteko hartutako neurriak direla azaldu du Iñigo Urkullu EAEko Lehendakariak. Hemendik aurrera, beraz, erabaki da:
Eguneko zentroa itxita egongo da gutxienez azaroaren 17ra arte
2020/11/09
Debako Eguneko zentroko bi erabiltzailek COVID-19a antzemateko frogetan positibo eman dute. Beraz, gaurtik aurrera (azaroak 9), Gipuzkoako Foru Aldundiaren aginduei jarraituz, itxita egongo da.
Eguneko zentroa itxita egongo da gutxienez azaroaren 17ra arte - Gehiago irakurri
Haurrentzat zaintza zerbitzua eskainiko du Elvira Garrido fundazioak Debako udalarekin elkarlanean
2020/11/11
Baliabide ekonomikorik ez duten, sare sozialik edo familia-sarerik ez duten familiei, hauek lanean dauden bitartean edota beste premiazko egoeraren bat dutenean, haurren zaintzan laguntzea du helburu aste honetan martxan jarri den zerbitzuak. Elvira Garrido fundazioak eskaini eta Debako Gizarte Zerbitzuek bideratuko dute Deba eta Itziarko bi eta hamaika urte bitarteko haurrak dituzten, eta lehen aipatutako baldintzak betetzen dituzten familiei bideratutako laguntza hau.
Jon Alonsoren 'Naparra kasu irekia' liburua aurkeztu da
2020/11/13
Jon Alonso idazleak Tene Beka Mujikari esker idatzi duen liburuaren aurkezpena egin du, Elkar argitaletxeko Xabier Mendiguren eta Aritz Larrañaga Debako udaleko kultura eta euskara zinegotziak lagunduta.
Jon Alonsoren 'Naparra kasu irekia' liburua aurkeztu da - Gehiago irakurri
Azaroak 25: Emakumeenganako indarkeriaren aurkako egunar
2020/11/16
Azaroaren 25aren 'Emakumeenganako indarkeriaren aurkako nazioarteko egunaren' testuinguruan hainbat ekimen antolatu dira.
Azaroak 25: Emakumeenganako indarkeriaren aurkako egunar - Gehiago irakurri
Gaztelekua zabalik dago
2020/11/18
Egoerak eskatzen dituen egokitzapenak eginda, gazteei espazioa eskaintzearen aldeko apustua egin da Debako Gaztelekuan.
'Beldur barik 4' eta 'Emakumea naiz' lanak saritu dira Debako Beldur barik lehiaketan
2020/11/20
Emakumeenganako indarkeria matxistaren kontrako nazioarteko egunaren testuinguruan egiten ari diren ekimenen artean lehenengoa, azaroaren 13an Agirre jauregian egindako Beldur barik lehiaketaren sari banaketa izan da. Lehenengo kategorian (12-13 urte artekoak) Luka, Ekain, Josu, Denis, Xuban eta Rokeren 'Beldur barik 4' saritu da. Julene, June, Nahia, Miren, Marina, Gadea, Elene, Elene, Maren, Malen, Garazi, Ane, Maddi eta Enararen 'Emakumea naiz', berriz, saritu da bigarren kategorian (14-18 urte). Talde bakoitzak 100 euroko saria jaso du.
Guk ere gehiago, gehiagorekin, gehiagotan
2020/11/20
Azaroaren 20tik abenduaren 4ra egingo da Euskal Herrian Euskaraldia ariketa sozialaren bigarren edizioa. Aurtengoak, euskaraz gehiago, gehiagorekin eta gehiagotan egitea du helburu, leloak dioen moduan.
Guk ere gehiago, gehiagorekin, gehiagotan - Gehiago irakurri
Haur eskolan hesi berria jarri da
2020/11/20
Haur Eskolako hesi zaharra kendu zenetik, bertako kanpoaldea berriro hesitzeko konpromisoa hartu zuen Udalak. Lanak Aste Santuan egitea aurreikusita bazegoen ere, pandemiak eragindako egoerak lanen data atzeratzea eragin du.
Eguneko zentroa berriz zabaldu da gaur
2020/11/24
Gaur, azaroak 24, berriz zabaldu da Debako Eguneko Zentroa. Sei erabiltzaile bueltatu dira jada eta zazpigarrena, egindako frogan negatibo eman ondoren, medikuaren alta jasotzeko zain dago.
Osasun kognitiboa zaintzeko programa abiatu dute CITA-Alzheimer Fundazioak eta Debako udalak
2020/11/24
60 urtetik gorako 1.800 herritarri gutuna bidali zaio egunotan osasun kognitiboa lantzeko programaren berri eman eta abenduaren erdialdean abiatuko diren saioetan izena eman dezaten gonbidatuz. 'ExerCita' programaren helburu nagusia Debako herritarrei gaitasun kognitiboak sustatzen eta zaintzen laguntzea da, egunerokotasunean ohitura kognitibo onak hartzen laguntzeko. Abenduaren 1a arteko epea dago bertan izena emateko.
Emakumeen kontrako indarkeria ezabatzeko nazioarteko eguna
2020/11/24
Azaroaren 25ean ospatzen den 'Emakumeenganako indarkeriaren aurkako nazioarteko egunaren' harira udalbatzak onartutako adierazpen instituzionala.
Emakumeen kontrako indarkeria ezabatzeko nazioarteko eguna - Gehiago irakurri
Euskarazko Produktuen Katalogoaren edizio berria paperean eta interneten, haur eta gazteentzako milaka produkturekin
2020/11/26
Urteko garai honetan seme-alabei edo ingurukoei euskarazko liburuak, musika edota jostailu eta jokoak erosi eta oparitzeko aukera paregabea izaten dela kontuan hartuz, Euskarazko Produktuen Katalogoaren edizio berria osatu dute, beste urte batez, Euskal Herriko 105 bat udal eta mankomunitatetako Euskara Zerbitzuk. Aurtengoa 22. edizioa da.
Debako udalbatzak Saharako herriarekin elkartasuna adierazi du aho batez onartutako mozioarekin
2020/11/27
Azaroaren 26an egin du Debako udalbatzak ohiko osoko bilkura. Bertan landutako gaien artean, Saharako Errepublika Arabiar Demokratikoari elkartasuna adierazteko mozioa. Aho batez onartu zuten udalbatza osatzen duten hiru alderdiek testua. Euskararen Egunari lotutako adierazpen instituzionala ere aho batez onartu zen. Bestetik, Udal finantzaketarako foru funtsari eta zorpetzeari buruzko mozioa ere onartu zen, kasu honetan, EH Bilduren (6) eta Debarren Ahotsaren (4) aldeko botoekin. EAJ-PNk (3) kontra bozkatu zuen.
Azaroaren 30etik aurrera TAO tiketa derrigorrezkoa izango da Gudarien plazan
2020/11/30
Doakoa izango da, 30 minutuz, baina tiketa jarri behar da.
Azaroaren 30etik aurrera TAO tiketa derrigorrezkoa izango da Gudarien plazan - Gehiago irakurri
Euskararen Eguna: Adierazpen instituzionala
2020/12/03
Euskararen Nazioarteko Eguna da gaur, abenduaren 3a. Azaroaren 26an egindako osoko bilkuran adierazpen instituzionala adostu zuen, aho batez, udalbatzak.
Euskararen Eguna: Adierazpen instituzionala - Gehiago irakurri
N-634 errepidea moztuta egongo da abenduaren 5ean eta 12an gauez
2020/12/03
Deban N-634 errepidea zeharkatzen Hondartza kaleko trenbideko tunela konpontzeko lanak egiteko, errepidea itxi egingo da Itziarko biribilgunetik puntu horretara, abenduaren 5etik 6ra eta 12tik 13ra bitarteko gauetan, 23:00etatik 07:00etara. Zirkulazioa eteteko arrazoia, gaur egun hormigoi armatuzkoa den galtzada gaineko zubibidearen baoaren ordez, hormigoizko lauza duen altzairu herdoilgaitzezko beste bat jartzea da.
N-634 errepidea moztuta egongo da abenduaren 5ean eta 12an gauez - Gehiago irakurri
Erronka berriei erantzuteko aurrekontu proposamena lantzen ari da Debako udal gobernua
2020/12/04
2021eko aurrekontuak lantzen ari da Debako udal gobernua. Horretarako iaz landutako Gobernu Plana da oinarri, bertan zehaztutako 5 ardatzak (Udal Antolaketa, Gizarte Politikak, Tokiko Garapena, Kultura eta Herri Ondarea, eta Berdintasuna eta Parte-Hartzea), hain zuzen. Egoerak eskatzen dituen beharrei erantzuteko asmoz, dinamikoak izango dira aurrekontuak.
Merkataritza eta ostalaritzan COVID-19ari aurre egiteko hartutako neurriak diruz laguntzeko deialdia argitaratu da
2020/12/09
Abenduaren 23ra arte aurkez daitezke Debako merkataritza eta ostalaritza establezimenduetan COVID-19ak eragindako egoerara egokitzeko hartutako neurriengatik laguntzetarako eskaerak.
Debako bizikidetza batzordeak bere burua aurkeztu du Giza Eskubideen Egunean
2020/12/10
Abenduaren 10a, Giza Eskubideen Nazioarteko Eguna baliatu du Debako udalaren baitan biltzen den Bizikidetza Batzordeak bere burua aurkezteko. Udalbatza osatzen duten hiru alderdietako bina ordezkarik eta Alkateak adostu duten adierazpena irakurri dute Udaletxeko pleno aretoan.
Agerraldian egon dira: Gilen Garcia (alkatea) Aimar Lasa eta Aritz Larrañaga (EH Bildu), Pedro Bengoetxea eta Ane Egidazu (Debarren Ahotsa), Miren Esnal eta Unai Lekube, (EAJ-PNV).
Debako bizikidetza batzordeak bere burua aurkeztu du Giza Eskubideen Egunean - Gehiago irakurri
Egungo egoerari moldatutako Gabonak
2020/12/11
Debako udalak eta herriko eragileek aurten ere Gabonetarako egitaraua prestatu dute, baina egungo osasun egoerara moldatuta. Oraingo honetan, maskara, distantzia soziala eta eskuak garbitzeko gela txertatuko zaizkigu ospakizunetan. Urtea gogorra izaten ari da, eta Debako udalak apustua egin du ahal den neurrian, eta beharrezko neurriak hartuta, kultura ekintzak eskaintzeko. Elkar zaintzeko eta zentzuz aritzeko eskatu nahi dizue Udalak, izan ere, COVID-19a gure artean dago, oporraldi sasoia izanda ere.
Erosi Deban bonoak sortu ditu Udalak udalerriko merkataritza laguntzeko
2020/12/18
Aurretik egindako bonoen eskaintzarekin jarraituz, 12.000 euro bideratuko ditu Debako udalak udalerriko merkataritza laguntzera, bono sistemaren bitartez. Debako udalaren finantzaketarekin eta ikuskapenarekin, Debalaiekin batera egingo da kanpaina. Adin nagusikoak diren herritarrek erabili ahal izango dituzte, pertsona bakoitzak, gehienez ere lau bonoren onura izan dezake.
Erosi Deban bonoak sortu ditu Udalak udalerriko merkataritza laguntzeko - Gehiago irakurri
Aho batez onartu da Udalaren eta Itziarko auzo udalaren eskumen-araubidea arautzen duen hitzarmena
2020/12/18
Debako udalaren eta Itziarko auzo udalaren arteko eskumen-araubidea arautzen duen administrazio-hitzarmenari lehen onarpena eman dio Debako udalbatzak, aho batez, hilaren 17an egindako osoko bilkuran, joan den asteazkenean Itziarko Auzo Udalak egin zuen bezalaxe.
Aro berri bati hasiera eman diote Debako udalak eta Itziarko auzo udalak
2020/12/18
Itziarko Kontzeju Etxean sinatu duten hitzarmenarekin aurrera begira elkarlanean aritzeko oinarri sendoa jarri dute. Gilen Garcia Debako alkateak eta Arantza Egaña Itziarko auzo alkateak sinatu dute hitzarmena bi instituzioen izenean. Haiekin batera egon dira Debako udalbatzako EH Bilduko eta EAJ-PNVko ordezkariak eta Itziarko juntakideak. Eider Mendoza Gipuzkoako Gobernantza Diputatua eta Bozeramalea ere ekitaldian egon da.
Aro berri bati hasiera eman diote Debako udalak eta Itziarko auzo udalak - Gehiago irakurri
Neguko oporretarako egitarau oparoa prestatu du Debako Gaztelekuak
2020/12/21
2020a bukatzear dagoela eta urte "berezi" hau elkarrekin ukitu propio batekin amaitzeko helburuarekin prestatu dute neguko oporretarako egitaraua. Mugak-muga, datozen opor hauetan ezingo dira urtero lez egin ohi diren irteerak egin, baina ekintza berezia prestatu da 2005ekoekin elkarlanean: Gaztelekua lasergune bilakatuko dute.
Neguko oporretarako egitarau oparoa prestatu du Debako Gaztelekuak - Gehiago irakurri