Albisteak
Europar geoparkeen astea 2013
2013/05/20
Europar Geoparkeen Astearen III. edizioa abian da Euskal Kostaldeko Geoparkean
Euskal Kostaldeko Geoparkeak maiatzaren 18tik ekainaren 9ra bitartean ospatuko du Europar Geoparkeen Astea 2013. Helburua bertako ondare natural, geologiko eta kultural baliotsua herritarrei, eta bereziki Deba, Mutriku eta Zumaiako biztanleei, gerturatzea da. Hamaika jarduera antolatu dira hala nola, hitzaldiak, umeentzako tailerrak, doako bisita gidatuak eta bestelako ekitaldiak.
Geoparkearen Astea Europako Geoparke guztietan ospatzen da aldi berean.
2013ko udako kirol kanpaina
2013/06/03
Urtero bezala Debako Udaleko Kirol Sailak udako kirol kanpaina zabaldu berri du. Izenematea ekainaren 10etik aurrera egin ahal izango da Turismo Bulegoan.
Piraguismoa, surfa, body boarda, esku pilota, paleta eta xakeaz gain, aurten 2004-2005ean jaioak igeriketa ikastaroa egiteko aukera izango dute.
Deba 100 hitzetan
2013/08/05
Diego Sagredo Fundazioak eta Debako Udalak literatur lehiaketa antolatu dute. Debako udalerriarekin, bere historia, kultura, paisaia, jendea, ohitura, festak edo eta herriarekin zerikusia duten gaiak onartuko dira.
Edonork har dezake parte eta lanak euskaraz edo eta gazteleraz sailkatuko dira. Ez dute 100 hitz baino gehiago izango eta Turismo bulegoan aurkeztu beharko dira 2013ko irailaren 30a baino lehen.
San Roke Jaietako Kartel Lehiaketa
2013/06/14
Jai Batzordeak 2013ko San Roke Jaietako kartel lehiaketa antolatu du. Lanak udaletxeko kultura sailean aurketu behar dira, uztailaren 15etik 20ra bitartean. Saria 500€koa da.
Iritsi da auzo konposta Deba eta Itziarrera
2013/06/25
Auzo konpostaren proiektua aurrera eramateko lehenengo pausuak eman ditu dagoeneko udalak eta aztertzen ari da konpostagailuak non eta nola jarri. Herritarrei inkesta bat ere zabaldu zaie interesa ezagutzeko asmoz, eta maiatzaren 22an Itziarren eta 23an Deban informazio bilerak egin ziren. Auzo konpostean parte hartu nahi duenak udaletxean eman beharko du izena, telefono honetara deituz: 943 19 28 40 edo email honetara idatziz: konposta@deba.net
Iritsi da auzo konposta Deba eta Itziarrera - Gehiago irakurri
"Tradizio Bizia" Esperientzia turistikoen programa berria eskualdean
2013/07/22
Euskal Kultura eta tradizioak sustatzeko esperientzia turistiko berriak proposatzen ditu "Tradizio Bizia" programak. Bost aukera ezberdin daude, hiru euskal gastronomiarekin loturik eta beste biak gure kirolekin eta pilotarekin.
"Tradizio Bizia" Esperientzia turistikoen programa berria eskualdean - Gehiago irakurri
2012-2013 ikasturtean euskara ikasi edo UEUko ikastaroetan parte hartu duten debarrentzat dirulaguntzak. Bestalde, Udal euskaltegietako matrikulazio epea zabalik dago.
2013/09/12
Debako Udalak dirulaguntzak banatuko ditu herritarren artean euskara ikasteak edo UEUko ikastaroetan parte hartzeak suposatzen duen gastua neurri batean arintzeko. Dirulaguntzok, langabezian daudenei edota 18 eta 25 urte artean dituzten ikasleei banatuko zaizkie, betiere, egin dituzten ikasketa motak herriko Udal Euskaltegian egiterik izan ez badituzte (talderik ez, mailarik ez, eskola erritmo ezberdinak...).
Ibaialagun 2013
2013/09/30
Urriaren 5ean, Ibailagun 2013 ekitaldia izango dugu Deban. Deba ibaia garbitzeko III jardunaldia antolatuko dute Debegesak eta Udalak, oinez ala piraguan edo itsasontziz har dezakezu parte.Eman zure izena Urriaren 3a baino lehen debaibaia@debegesa.com edo
943 82 01 10 telefonoan
Ipuin kontaketak
2013/10/01
Egitasmo berri bat martxan. IPUIN KONTAKETAK. Herritarrak herriko neska-mutilei kontari. Entzuleek gozatzeko; kontalariek disfrutatzeko. Lehenengo saioa igande honetan, arratsaldeko 5etan eta 6etan, Agirre jauregian. Hilero-hilero, lehenengo igandean.
Ipuinen bat, istorioren bat, bizitzako pasadizoren bat kontatzera animatzen denari gustora egingo diogu tokia taldean.
Debako arte eskola eta Oteiza: Oteizaren Hazia
2013/10/03
Duela 44 urte, 1969an, Oteizak bere ametsa errealitate bihurtu eta Deban hezkuntza proiektu bat martxan jarri zuen. Lehen hazia izan zen hura, sustrai sendoak eman zituena eta egun ere bizirik dagoen proiektua dena. Urriak 4ean hasita urriak 24 arte egitarau zabala osatu da: erakusketak, hitzaldi eta mahai-inguruak, antzerkia, haurrentzako jardunaldiak..
Debako arte eskola eta Oteiza: Oteizaren Hazia - Gehiago irakurri
Itziarko Auzo Udala
2013/10/15
Hemen aurkituko duzu Itziarko Auzo Udalari buruzko informazioa. Itziarko Auzo Udala sortzeko prozesua hasteko arrazoaiak, herritarrei berri emateko eta beraien ekarpenak lortzeko bilerak, eman diren pausoak eta gelditzen direnak...
Autobus zerbitzua hobetzeko prozesua
2013/10/31
Gipuzkoako Foru Aldundiak herri arteko autobus zerbitzua hobetu nahi du, eta horretarako zure iritzia eta ekarpena jaso nahi ditu; zurekin batera hobetu nahi du zerbitzua.
Parte hartzeko bilera irekia antolatu dugu zure herrian, etorri eta parte hartu!
Aurtengo Gure Balioak Saria urriaren 23an emango da ezagutzera Deban
2013/10/14
Gure Balioak Saria gure eskualdean gizarte balioen arloan nabarmendu den pertsona edo entitatea aitortzea eta saritzea du helburu. Sariak IV. edizioa beteko du aurten. Debegesa, eskualdeko Garapen Agentzia da Sari honen sustatzaile eta kudeatzaile nagusia; Debako Udala eta DanobatGroup taldea dira aurtengo laguntzaileak. Saria banatzeko ekitaldia urriaren 23an egingo da, Debako Agirre Jauregiko Ispiluen Gelan, 18:30etik aurrera.
Aurtengo Gure Balioak Saria urriaren 23an emango da ezagutzera Deban - Gehiago irakurri
Auzokonpostajea egiteko ikastaroak egingo dira urriaren 19 eta 22an
2013/10/14
Auzokonpostajea egiteko izen eman duten Deba eta Itziarko 74 familiei ikastaroak eskainiko zaizkie, bertan jaso ditzaten argibideak, konposta egiteko eskuorri bat, ontzia eta giltza. Ikastaroak urriaren 19an goizez, eta 22an arratsaldez izango dira, Mogel kaleko konpost-gunean.
Auzokonpostajea egiteko ikastaroak egingo dira urriaren 19 eta 22an - Gehiago irakurri
Geoparkea Kordobako Geoturismoari buruzko nazioarteko kongresuan
2013/10/31
Euskal Kostaldeko Geoparkea Geoturismoari buruzko nazioarteko kongresu batean parte hartu du Cabran (Kordoba). Nazioarteko 300 aditu elkartu dira bertan lurraldeen garapen ekonomikorako Geoturismoak eskaintzen dituen potentzialitateak aztertu asmoz.
Geoparkea Kordobako Geoturismoari buruzko nazioarteko kongresuan - Gehiago irakurri
Debako 58 familia auzokonpostajea egiten hasiko dira
2013/10/31
Joan den astean ospatutako ikastaroetan Debako 58 familiak auzokonpostajea egiteko argibideak, ontzia, giltza eta esku orria jaso zituzten eta azaroaren 1etik aurrera auzokonpostajea egiten hasiko dira.
Debako 58 familia auzokonpostajea egiten hasiko dira - Gehiago irakurri
Kultura sailak V. Animadeba gortina lehiaketako arauak argitaratu berri ditu
2013/11/06
Debako udaleko Kultura Sailak 2014ko Animadeba gortina lehiaketako arauak argitaratu ditu. Lanak aurkezteko epea abenduaren 13an eguerdiko ordu bietan bukatuko da. Epaimahaiak teknika, orijinaltasuna eta gaia baloratuko ditu eta saria 700 euro eta oroigarria izango da.
Kultura sailak V. Animadeba gortina lehiaketako arauak argitaratu berri ditu - Gehiago irakurri
Debako Garapen Jasangarrirako Ekintza Plana 2013-2016
2013/11/11
Debako udalak, Ekintza Plan berri bat egiten dihardu, Debako etorkizuna eraikitzeko xedeak
eta estrategia nagusiak integratuko dituenak. Hau osatzeko, Debako herritarren partehartzearekin kontatu nahi du. Hori dela eta, datorren asteleazkenean, azaroaren 13an, Debako Udaletxeko Pleno Aretoan, arratsaldeko 18:30ean egingo den saioan parte hartzeko gonbita luzatu nahi du.
Debako Garapen Jasangarrirako Ekintza Plana 2013-2016 - Gehiago irakurri
Ezagutu Deba: Kalez-Kale Ibilbidea
2013/11/13
Herriko plazetan informazio panel ikusgarriak jarri berri dira. Panel hauen bitartez gure herriko historia eta ondarea ezagutzeko aukera izango dugu.
“KARST, Geoparkearen altxor ezkutuak”
2013/11/15
Euskal Kostaldeko Geoparkeak “Karst” ikus-entzunezkoaren aurkezpena eta hitzaldi dibulgatiboa eskainiko du hurrengo ostiralean, hilak 22, Debako Kultur Elkartean, 19:30ean.
“KARST, Geoparkearen altxor ezkutuak” izenburupean, Arantza Aranburu EHUko Irakasleak, Geoparkeko haitzuloetan egiten ari diren ikerketen gaineko hitzaldi dibulgatiboa eskainiko du; horren aurretik, Alberto Gorritibereak zuzendutako “Karst” izeneko ikus-entzunezkoa aurkeztuko da, zine zuzendaria bera bertan egongo delarik.
Zer herri nahi duzu?
2013/11/20
Aurreko asteazkenean, azaroak 13, ospatu zen herri-partaidetzako bileran, bertaratutakoek Debako Garapen Jasangarrirako Ekintza Planari ekarpenak egiteko abagunea izan zuten. Hala ere, Deba etorkizunean nolako herria izan nahiko lukeen edonork, azaroaren 28rarte, bere proposamenak elarazteko aukera du. Ekarpen hauek, kontuan izango dira Ekintza Planaren azken txostena idazterako orduan.
Azaroak 25: Emakumeengananako indarkeriaren aurkako eguna
2013/11/22
Debako udaleko berdintasun sailak azaroaren 25aren “Emakumeenganako indarkeriaren aurkako nazioarteko egunaren” inguruan hainbat ekimen antolatu ditu. Antolatutako ekimenekin gogoarazi nahi izan da; “Indarkeria Matxista” emakumeen eta gizonen artean dagoen berdintasun ezaren adierazpen larriena dela eta mundu guztietako tokietan gerta daitekeela, adin guztietan, maila sozial guztietan, baita kultur agerraldi guztietan ere (telebista, zinea, festak, literatura…). Eta debarrei ANIMATZEN diegu, Emakumeenganako Indarkeriaren Aurkako Nazioarteko Eguna dela eta egingo diren ekintzetan parte hartzera.
Azaroak 25: Emakumeengananako indarkeriaren aurkako eguna - Gehiago irakurri
Euskal Kostaldeko Geoparkeak eta Aranzadik Karsta ikertzeko eta interpretatzeko lankidetzarako hitzarmen-markoa izenpetu dute
2013/11/23
Euskal Kostaldeko Geoparkeak eta Aranzadi Zientzia Elkarteak lankidetzarako hitzarmen-markoa izenpetu zuten azaroaren 22an, Debako Turismo Bulegoan, Geoparkeko Karst eremuaren ikerketa eta dibulgazioaren alorrean bi erakundeen arteko elkarlana sustatzeko. Hain zuzen, Geoparkeko ondare karstikoa Deba, Mutriku eta Zumaia inguruneko elementu geologiko bereizgarrienetako bat da. Bertan egon ziren: Joseba Palenzuela, Geogarapen elkarteko presidentea, Juantxo Agirre, Aranzadi Zientzia Elkarteko idazkari nagusia eta Arantza Aranburu, EHUko irakaslea, Aranzadi eta Kuaternario ikaskuntzaren Geo-Q Zentroko kidea eta Karstaren ikerketa taldeko arduraduna.
GEOPARKEKO 20 OSTALARITZA-ESTABLEZIMENDUK HARTUKO DUTE PARTE “FLYSCH & KARST” PINTXO LEHIAKETAN
2013/11/29
Asteburu honetan, larunbat eta igandean, egingo da “Flysch & Karst” Pintxo Lehiaketa Geoparkea osatzen duten hiru udalerrietan. Guztira, Zumaia, Deba eta Mutrikuko 20 ostalaritza-establezimenduk hartuko dute parte eta herritarrek gustukoen duten pintxoen aldeko botoa eman ahal izango dute, horretarako establezimendu bakoitzean ipiniko diren kutxen bitartez. Saridunen izenak abenduaren 3an emango dira ezagutzera, sari-banaketa ekitaldian.
Luzaro eta Mendatako ikasleak auzo konpostajea zertan datzan gertutik ezagutzen
2013/12/03
Udalerrian azaroaren 1etik martxan dagoen auzokonpostaje proiektua gertutik ezagutzeko aukera eskaini die Debako udalak herriko ikastetxeei, hondakinen prebentzio astea izan dela eta.
Luzaro eta Mendatako ikasleak auzo konpostajea zertan datzan gertutik ezagutzen - Gehiago irakurri
"Hurbiltzen" Juan Ignacio Aizpuruaren argazkiak ikusgai
2013/12/04
Juan Ignacio Aizpuruak berak egindako argazkiak aurkezten ditu Agirre Jauregiko erakusketa gelan. Lau multzo ezberdinetan sailkatu ditu: kostaldea, natura eta paisaia, arkitektura eta osaketa.
"Hurbiltzen" Juan Ignacio Aizpuruaren argazkiak ikusgai - Gehiago irakurri
SALEGI JATETXEA ETA TXIRLATXO TABERNA, GEOPARKEKO ‘FLYSCH & KARST’ PINTXO LEHIAKETAN GARAILE
2013/12/04
Flysch kategorian, Itziarko Salegi jatetxea izan da irabazlea; eta Karst kategorian, berriz, Mutrikuko Txirlatxo taberna. Epaimahaiak, Andres Conde (Basque Culinary Center), Pantxo Bedialauneta (Cantabrico Taberna) eta Josu Muguerzak osatua (Belaustegi Jatetxea), 50 pintxoen kalitatea eta orijinaltasuna azpimarratu du. Asteburuan 1.000 lagun baino gehiagok hartu du parte pintxo onenen aukeraketan eta Geoparkeak saria zozkatu du horien guztien artean. Irabazlea Gotzone Martija izan da. Aurrerantzean Flysch eta Karst pintxoak establezimendu parte-hartzaileetan eskainiko dira eta Geoparkeak deskontu-txartelak jarriko ditu herritarren eskura.
Erraustegia: Kedarretatik argira
2013/12/05
Abenduaren 10ean, arratsaldeko 19:00etan Kultur Elkartean, Gipuzkoako hondakinen kontsorzioak antolatutako hitzaldia.
Pintxoaren Ibilbidea: Pintxoak dastatzeko deskontu txartelak Geoparkean
2013/12/05
Geoparkea osatzen duten hiru udalerrietan ostalaritza bultzatu eta kontsumoa sustatzeko, Euskal Kostaldeko Geoparkeak deskontu-txartelak jarriko ditu herritarren eskura. 6,60 euroren truke. Txartel bakoitzarekin 6 pintxo dastatzeko aukera izango dugu Zumaia, Deba eta Mutrikuko establezimendu parte-hartzaileetan, 3 eguneko epearen barruan. Deskontu-txartelak 3 herrietarako balio dute eta Flysch & Karst lehiaketako pintxo irabazleez gainera, eskaintzen diren gainerako pintxoak kontsumitzeko erabili ahal izango dira.
Pintxoaren Ibilbidea: Pintxoak dastatzeko deskontu txartelak Geoparkean - Gehiago irakurri
Debako garapen jasangarrirako ekintza plana
2013/12/13
Debako egungo egoeraren diagnostikoa egin ondoren, Debako Udala, Ekintza Planaren lehentasunezko helburu, ildo estrategiko eta ekintzak definitzen dihardu. Hori dela eta, datorren astelehenean, abenduaren 16an, Debako Udaletxeko Plano Aretoan, arratsaldeko 19:00etan herritarrrek parte hartzeko II. foroa egingo da.
Debako garapen jasangarrirako ekintza plana - Gehiago irakurri
2013. URTEA AUZOKONPOSTAJEA EGITEN DUTEN 67 FAMILIEKIN ITXIKO DUGU
2013/12/27
2013ko maiatzean Debako eta Itziarreko herritarrei konpostajea modu kolektiboan egiteko aukera eman zitzaienetik, 120 familiak eman dute izena proiektuan parte hartzeko eta 2013. urtea horietatik 67 familien parte hartzearekin itxiko dugu.
2013. URTEA AUZOKONPOSTAJEA EGITEN DUTEN 67 FAMILIEKIN ITXIKO DUGU - Gehiago irakurri
Norberak etxean konposta egiteko formazio saioa
2014/01/15
Debabarreneko Eskualdeko Mankomunitateak martxan jarri du etxean konposta egiteko kanpaina. Kanpaina hau, batez ere konpostgailua jarri ahal izateko lorategia edo baratza duten auzotarrei zuzendua dago.
Norberak etxean konposta egiteko formazio saioa - Gehiago irakurri
2014ko aurrekontuak onartuta
2014/01/27
Debako 2014erako aurrekontuak Otsailaren 6ko plenoan onartu ziren, bai udaletxekoak eta baita liburutegi eta arte eskola patronatukoak ere.
Abian da V. Zubeltzu bertso paper sariketa
2014/01/31
Debako udalaren eta Zuhatza euskara elkartearen arteko ekimen honek, hiru maila bereizten ditu: LHko neska-mutilak, DBHkoak eta hortik gorakoak. Maila bakoitzari ariketa diferentea egitea eskatzen zaio; lehenengo bietan gaia jarrita eta helduenean, berriz, libre lagata. Lanak aurkezteko azken eguna martxoaren 31a izango da.
Abian da V. Zubeltzu bertso paper sariketa - Gehiago irakurri
Hezeguneen Nazioarteko Eguna ospatuko da Debako Paduretan
2014/01/31
Otsailaren 2an, urtero, Hezeguneen Nazioarteko eguna ospatzen da. Aurten ere eta laugarren urtez jada, Debanaturak eta Debako Udalak bat egingo dute ospakizun honekin, Deba itsasadarreko hezeguneetan (Casacampoko paduretan zehazki) jarduerak antolatuz. Ekimen honen asmoa, hezeguneek duten garrantziaz herritarrak sentsibilizatzea da, hezeguneak funtsezkoak baitira, bai biodibertsitatearentzat eta baita gizakiarentzat ere.
Hezeguneen Nazioarteko Eguna ospatuko da Debako Paduretan - Gehiago irakurri
MARTXOAK 8 "EMAKUMEEN NAZIOARTEKO EGUNA"
2014/02/27
Urteroko ohiturari jarraituta aurten ere "Emakumeen Nazioarteko eguna" ospatuko dugu.
EKITEA Muturreko kirolen jardunaldia Deban
2014/03/19
Xtremonorte aldizkariak EKITEA, muturreko kirolen jardunaldia antolatu du. Ekimenak Eibarren eta Deban egingo dira: hitzaldiak, proiekzioak, kirol ezberdinen erakustaldiak... Martxoaren 21ean, ostirala, hitzaldiak eta proiekzioak egingo dira Eibarko UPV-EHUko hezkuntza gunean: Periko Iriondo, Jon Odriozola, DYAko Jesus Artola, Alex Berastegui, Edu Uribe eta Ibon Mugerza izango dira bertan. Larunbatean berriz, Debako hondartzan hasiko da erakustaldia.
EKITEA Muturreko kirolen jardunaldia Deban - Gehiago irakurri
Autobus-zerbitzua hobetzeko parte hartzeko prozesua Deban eta Itziarren
2014/03/18
Gipuzkoako autobus zerbitzua hobetzeko prozesua martxan jarri zen iaz, eta 56 herritan herritarren iritzia jaso ostean, teknikariek aurreproiektuak egin dituzte; orain, Gipuzkoako Foru Aldundiak berriro herritarren iritzia jaso nahi du, proposatutako zerbitzu berria herritarren beharretara egokitu den jakiteko. Beraz, aurreproiektuak ezagutaraztea eta horien inguruan jendeak duen iritzia jakitea da martxoan eta apirilean egingo den fase honen helburua. Parte hartu eta eman iritzia, autobus zerbitzua hobetzea zure esku ere badagoelako!
Autobus-zerbitzua hobetzeko parte hartzeko prozesua Deban eta Itziarren - Gehiago irakurri
Ostilarean Luzaro ikastetxeak eta Udalak Zuhaitz eguna ospatu dute, Itziar bidean dagoen konposgunea landarekin atonduz
2014/03/24
Bi txandatan banatuta, , 4. mailako 47 ikasleek hasteko, Goroldiko (udaleko lorazaintza eramaten duena enpresako) teknikariaren azalpenak jaso dituzte: zuhaitz eta landareek gure bizitzan duten garrantzia (kutsakorra den karbono dioxidoa xurgatu eta oxigenoa askatzen dutelako), landareen atalak, eta elikaduraren beharrak, etxeko konposta landareentzako ongarri ezin hobea dela, ...
Bi landare mota usaintsuak (erromero eta aliso) eta kolorez deigarria den Spiraea Japonica ´Goldflame izeneko zuhaizka landatu eta belarra haziak erein dituzte, talde txikietan banaturik.
Gustora asko egon dira ikasleak eta udaleko ordezkariak, beraz, urtero egitea erabaki dute.
X. AKORDEOI TOPAKETA DEBAN
2014/03/28
Igandean, apirilaren 6an, Bizkaia, Gipuzkoa eta Nafarroako 18 Musika Eskoletako eskusoinu ikasle naiz irakasle Debako herrigunea musikaz beteko dute. Guztira 170 akordeoilari elkartuko dira, eta hauekin batera Debako Erraldoiak, Aitzuri Abesbatza, Goaz Antzerki Taldea eta Debako Musika Eskolako Dantzari, Gaitero, Koraleko ikasle eta irakasleak ere izango dira.
Martxoaren 31ean, astelehenean, Debako Garapen Jasangarrirako II Ekintza plana definitzeko 3. parte hartze foroa izango da
2014/03/28
Dagoeneko Ekintza plana definituta dago, beraz, astelehenean, arratsaldeko 6etan eta udaletxeko pleno aretoan, Debegesak, planaren idazketaren arduraduna, laburpentxo bat eta ekintza estratejikoak azalduko ditu. Iradokizunak eta proposamenak egiteko aukera ere izango da.
EUSKAL KOSTALDEKO GEOPARKEAK BISITA GIDATUEN DENBORALDI BERRIARI EKIN DIO
2014/04/10
“Flysch & Karst Experience” lelopean, bisita gidatuen denboraldi berriak Geoparkeaz gozatzeko proposamen ugari eskaintzen ditu; eskaintza handitu egin da, iaz 213 irteera programatu ziren eta aurten 269 izango dira. Aipagarria da Geoparkearen nazioarteko bokazioa, gero eta nabarmenagoa, eta horren erakusle da webgunea. Hain zuzen, www.geoparkea.com atariko eduki nagusiak ingelesera eta frantsesera itzuli dira, Geoparkea osatzen duten hiru udalerrietara (Deba, Mutriku eta Zumaia) iristen diren atzerritarrei erantzun egokia eman nahirik.
EUSKAL KOSTALDEKO GEOPARKEAK BISITA GIDATUEN DENBORALDI BERRIARI EKIN DIO - Gehiago irakurri
HIRU KONPOST-GUNE GEHIAGO ERAIKIKO DIRA
2014/04/12
2013ko maiatzean Debako eta Itziarko herritarrei konpostajea modu kolektiboan egiteko aukera eman zitzaienetik, Debako herrigunean bi konpost-gune eraiki dira eta bertan 66 familia (195 herritar) daude parte hartzen. Gainera, beste 57 familiak (165 herritar) ere izen eman dute ekimenean parte hartzeko.
2014an udalak epe labur-ertainean hiru gune gehiago eraikitzea aurreikusten du, bata Itziarko bizilagunentzat, bestea Osiokoentzat eta hirugarren bat erdigunekoentzat.
Itziarko gunea eraikitzen hasita dago Udala, pilotalekuaren ondoko berdegunean. Gune hau maiatza erdialderako martxan jarri nahi da, Itziarren ekimenean izen eman duten 10 familiek parte hartu dezaten, baita hemendik aurrera animatuko direnak ere.
HITZEN DANTZA, LIBURUAREN EGUNA DEBAN
2014/04/25
Liburuaren eguna ospatzeko asmoz Debako Udalak, Ostolaza Udal liburutegiak eta Kultur Elkarteak egitarau xume baina interesgarria antolatu dute datorren asterako. Hitzei, dantzak eta musikak lagunduko die, herriko hainbat talderen partehartze eta laguntzari esker. Ekintza hauekin literatura sustatu eta irakurzaletasunari bultzada bat eman nahi zio, herritarrengana hurbildu eta partehartzea ere bilatuz.
Gorputz mugimendutik norbere barnera eta mundura
2014/04/30
Debabo berdintasun zerbitzuak hurrengo astean Dantza Mugimendu Terapian oinarritzen den tailerbat antolatu du. Izena ez baduzu eman eta interesatua egonez gero jarri zaitez harremanetan,605748579 telefono zenbakira deituz, edo berdintasuna@deba.net helbidera mezu bat bidaliz.
Gorputz mugimendutik norbere barnera eta mundura - Gehiago irakurri
HONDARTZAKO T.A.O. GUNEA MARTXAN JARRIKO DA
2014/04/30
Kontuz!, hondartza inguruan T.A.O. gunea zabaldu egin da aurten, ostegunean, maiatzaren 1ean, jarriko da martxan
HONDARTZAKO T.A.O. GUNEA MARTXAN JARRIKO DA - Gehiago irakurri
Merkatu Txikia 2014
2014/04/30
Larunbatean egingo da aurtengo lehen merkatu txikia, urtero bezala maiatzetik hasi eta urrira bitartean, hileko lehen larunbatetan. Bertan, herriko baserrietako produktuaz gain tailer ezberdinak izango ditugu.
Katxalin elkartearen hitzaldia
2014/05/08
Katxalin, Bularreko eta Ginekologiako Minbizia duten Emakumeen elkarteak, Deban antolatu behar duen hitzaldira gonbidatzen zaituzte.
Debarren Eguna 2014
2014/05/16
Aurten ere Debarrok jai giroan pasatzeko parada izango dugu asteburu guztian zehar. Ostiral arratsaldetik hasita eta igande iluntzerarte, egitarau zabala antolatu du Debako Udalak, herriko talde ezberdinen laguntza eta partehartzearekin. Beraz ondo pasa, GOZATU eta GOXATU jaietaz.
Denok Errotazarrera. AUPA AMAIKA!
2014/05/16
Datorren larunbatean, arratsaldeko 17:00etan Amaikak Bat taldeak ohorezko mailara igotzeko play off partida jolastuko du Errotazar futbol zelaian. Zatoz animatzera!
UDAL KIROL ZERBITZUAK TENIS IKASTAROAK ANTOLATUKO DITU
2014/05/20
Kirol modalitate berriak sustatzeko asmoarekin, tenis ikastaroak antolatuko dira ekainean. Ikastaro horien helburua herritarrei tenisa praktikatu eta ezagutzeko aukera ematea da, zaletasuna sorraraziz.
UDAL KIROL ZERBITZUAK TENIS IKASTAROAK ANTOLATUKO DITU - Gehiago irakurri
Aisialdi Berria
2014/05/21
“Zubi eta Mogel guraso elkarteek, Udalarekin batera, aisialdirako aukerak zabaltzeko ahalegina egitea erabaki dute, euskaraz gozatzeko esparru berriak sortuz eta garapen komunikatibo zein emozionalean lagun dezaketen jarduerak eskainiz: Kuadrillategi, antzerkia, bideogintza, bertsolaritza, jendaurrean hitz egiteko prestakuntza, idazkuntza, irakurle taldea… Izena emateko azken eguna, maiatzak 30 (entregatu ikastetxeko idazkaritzan, udaletxeko harrera bulegoan edo udal liburutegian).”
Eguneko zentrorako laguntzaile lan poltsa
2014/05/22
AZALPENA: Eguneko zentrorako laguntzaile lan poltsan 8. puntua honela aldatu da: "...—Bigarren ariketa: 15 galderei erantzutea izango da. Galderak lanpostuaren egin beharreko lanei buruzkoak izango dira."
Eskaerak aurkezteko epea datorren ekainaren 2an (barne) amaitzen da.
Eguneko zentrorako laguntzaile lan poltsa - Gehiago irakurri
Abortuaren inguruko hitzaldia
2014/05/27
Historikoki, emakumeen sexu eta ugalketa eskubideen inguruko aldarrikapenak mugimendu feministaren ardatz garrantzitsua izan dira. Hori dela eta, Debako Udalak abortatzeko eskubidearen eta zehazki abortuaren lege aurre proiektuaren inguruko hitzaldia antolatu du ekainak 3, asteartea, arratsaldeko 18:30ean Agirre Jauregiko Ispiluen gelan.
Europako Geoparkeen IV. astea
2014/05/27
Maiatzaren 29tik ekainaren 8ra Europako Geoparkeen IV. astea ospatuko da Geoparkean. Egitasmo honen helburua da bertako ondare natural, geologiko eta kulturala herritarrei gerturatzea eta, horretarako, era askotariko jarduerak antolatu dira Deban, Mutrikun eta Zumaian, hala nola, adituen hitzaldiak, doako bisita gidatuak edota nekazaritza azoka bat.
Kultura eta Jai Batzordeak San Roke jaietarako kartel lehiaketaren oinarriak aurkeztu ditu
2014/06/01
Jai Batzordeak urtero ospatzen diren San Roke jaiak direla eta kartel lehiaketa antolatu du. Lanek baldintza batzuk bete beharko dituzte eta aurkezteko epea 2014ko uztailaren 15etik 20ra bitartean izango da. Irabazleak 500 euroko saria jasoko du.
Eskolako Agenda 21eko udalbatzarra egin da gaur Deban
2014/05/30
Eskolako Agenda 21 programaren barruan, udalbatzar berezia egin da gaur Debako Udaletxean. Mendata eta Luzaro ikastetxeetako ikasleek elikadura iraunkorra gaia landu dute ikasturtean zehar eta euren ekarpenak eta proposamenak eraman dituzte gaur udalera.
Eskolako Agenda 21eko udalbatzarra egin da gaur Deban - Gehiago irakurri
UDAL KIROL ZERBITZUAK UDA KIROLA 2014 PROGRAMA ATERA BERRI DU
2014/06/10
Urtero bezala, Debako udaleko kirol sailak uda kirola programa martxan jarri du, piraguismoa, igeriketa, xakea, surfa eta body board egiteko eskaintza zabala . Izenematea ekainararen 9an hasi zen eta turismo bulegoan egin behar da. Informazio gehiago nahi izanez gero 943 192 452 telefonora deitu edo turismoa@deba.net helbidean eskatu.
UDAL KIROL ZERBITZUAK UDA KIROLA 2014 PROGRAMA ATERA BERRI DU - Gehiago irakurri
"Geltokia" Erromesen aterpetxe berria Deban
2014/06/12
Ostiralean, ekainaren 13an eguerdiko 13:00etan inauguratuko da Done Jakue Bideko erromesentzako Debako aterpetxea “Geltokia”. Azpiegitura berria ikusi nahi dutenek elkarteko boluntarioen eskutik egin ahal izango dute egun bertan, 18:00etatik 20:30etara ate irekiak izango baitituzte. Erromesentzako berriz, larunbatean jarriko dute martxan.
"Geltokia" Erromesen aterpetxe berria Deban - Gehiago irakurri
Debabarreneko "Tripontziak" lehiaketa ekainaren 13tik 29ra bitartean luzatuko da
2014/06/17
Guztira, 12 jatetxek eta 4 pintxo tabernek hartuko dute parte. Jatetxeetan, 25 euroko menuak (BEZa barne) eskainiko dira. Tabernetan berriz, bi pintxo eta bi edari 4 euroko prezioan. Debegesa garapen agentziak Debabarreneko Klub gastronomikoarekin batera sustatutako ekimena da.
Debabarreneko "Tripontziak" lehiaketa ekainaren 13tik 29ra bitartean luzatuko da - Gehiago irakurri
Debako udalak 2014ko udarako kultur gida atera du
2014/06/19
Udalak etxe guztietara uda hontako kultur gida banatu du, eta jada atzo hasi zen lehenengo ekimena, Gipuzkoako Foru Aldundiak argitaratu duen Praileaitze I liburuaren aurkezpenarekin.
Gida honek, ekainetik uztailerarteko denboraldian gure herriak izango duen eskaintza zabala jasotzen du.
Debako udalak 2014ko udarako kultur gida atera du - Gehiago irakurri
DEBABE MANKOMUNITATEKO Udal Euskaltegian sor daitezkeen euskara irakasle beharrak betetzeko lan-poltsa
2014/06/19
Debabe Mankomunitateko Udal Euskaltegiak lan poltsa bat sortzeko deialdia argitaratu du.
Etxebizitza, garaje eta tertziario, behe solairu, solairuarteetan eta sotoetako Udal ordenantzaren hasierako onarpena.
2014/06/25
Debako Osoko Bilkurak, 2014/05/29an egindako ohiko bileran, etxebizitza, garaje eta tertziario, behe solairu, solairuarteetan eta sotoetako Udal ordenantza onartu zuen bertaratutako partaide guztien adostasunaz.
Bidaiarien hiri-arteko garraio zerbitzu erregularra emateko administrazio-emakida
2014/07/04
Debabarrena eta Urola Kosta eskualdeetan bidaiarien hiri-arteko garraio zerbitzu erregularra emateko administrazio-emakidaren aurreproiektuaren informazio-aldia
Bidaiarien hiri-arteko garraio zerbitzu erregularra emateko administrazio-emakida - Gehiago irakurri
Udalak Bide Publikoen Inbentarioaren II faseari ekingo dio. Pabimentatu gabeko bideak.
2014/07/16
Komenigarria da landa zein herriko auzo guztietako bizilagunak edota herritarrak ikerketaren hasieran parte hartzea. Hori dela eta, uztailaren 21ean eta 23an metodologia azaltzeko bilerak egingo dira.
Gaur hasiko da Surfing Deba jaialdia
2014/08/03
Gaur, osteguna, arratsaldeko 19:00etan emango zaio hasiera Debako Udalak eta Yako Surf Eskolak elkarlanean antolatutako Surfing Deba jaialdiari.
Kopraixak 2014
2014/07/30
Larunbatean, abuztuaren 2an, hasiko dira Kopraixak eta bost eguneko egitarau zabala prestatu da Itziarko jaiak ospatzeko. Beste behin, auzotarrak protagonista bilakatuko dira Kopraixetan bost eguneko egitarau zabala eta partehartzailea antolatu baita jaietarako.
Hasi da jolasa! "BEGIRADAK" topaketarako literatur piezak abian dira
2014/09/05
Irailaren 5ean Plaza Zaharreko iturri ondoan egingo den "Begiradak" topaketarako zenbait irudi sortu dituzte 5 herritarrek eta orain, irudi horiek inspiratuta, literatur pieza bana egingo dute beste 15 herritarrek.
Hasi da jolasa! "BEGIRADAK" topaketarako literatur piezak abian dira - Gehiago irakurri
San Roke Jaiak 2015
2015/08/14
Aurten ere, herriko jai batzordearen ahaleginari esker, festa ederrak gozatzeko aukera izango dugu. Hilaren 14an hasi eta 18ra arte, jai giroa izango da nagusi. Egitaraua turismo bulegoan dago jada salgai, zezenetako sarrerekin batera. 2014ko zezen kronikak ere eskuragarri daude jada. Bestalde, programa txikiak, etxeetan jasoko ditugu.
Garraio publikoa San Roke jaietan
2014/08/10
Aurten ere, Debako Udalak San Roke Jaietarako gaueko autobus zerbitzua eskainiko du Gipuzkoako Foru Aldundiaren laguntzarekin. Gainera, Itziar eta Deba artean zerbitzu berria jarriko da aurten.
Debaberri udal aldizkaria
2014/08/09
Udal jardueraren berri eman nahian Debako Udalak kaleratu berri du Debaberri udal aldizkaria. Besteak beste, Udal kiroldegia eraberritzeko lanak, Tene Mujika Beka, Artelekuko arte grafiko tailerrak, bideen inbentarioa, lokalal etxebizitza gisa erabiltzeko ordenantza berria, Miramar etxeko murala, Sorozabal pasealekua...
"Erdaldun Berrien Kluba" Iturri Ondoan
2014/08/25
Ostiral honetan ekingo diegu, berriro, ITURRI ONDOAN antolatutako ekitaldiei. Oraingo honetan, ERDALDUN BERRIEN KLUBA izeneko antzerki-monologo bat dakarkigu. Asko eta asko sentituko dira identifikatuta, seguru asko, Irantzuk biziko dituen egoerekin eta euren buruaz barre egiteko aukera izango dute. Gogoratu, emanaldia gaueko 22:00etan izango da plaza zaharreko iturri ondoan
XLV. Kaleko margo sariketa
2014/09/09
Haitz Haundi Elkarte Artistikoaren eta Diego Sagredo Fundazioaren laguntzarekin, XLV. Kaleko margo sariketa antolatuko du Udalak datorren Irailaren 13an. Hitzordu honek, Debako udalerriaren esentzia euren mihisetan jasoko duten inguruko herrietako artistak bilduko ditu.
San Nikolas jaiak 2014
2014/09/06
Lasturko Jai batzordeak kaleratu berri du aurtengo San Nikolas jaiak iragartzen duen kartela. Hilaren 10ean, San Nikolas egunean hasiko dira ospakizunak eta iganderarte iraungo dute. Ohi bezala bertsolariak, herri kirolak eta dantzaldiak ez ezik lasturko zezenak ez dira falta izango.
GEOPARKEAK "Txartel Berdea" lortu du
2014/09/05
GEOPARKEAK aise gainditu du bere lehendabiziko errebalida azterketa eta geoparke izendapenari eutsiko dio beste lau urtez behintzat. Honek esan nahi du UNESCOren babesa daukan Munduko Geoparkeen Sareko kide izaten jarraituko duela. Ebaluatzaileek egindako txostenak Geoparkeak eta erakunde eta entitate publiko eta pribatu ezberdinek elkarlanean egindako esfortzua azpimarratzen du, proiektuaren arrakasta ahalbidetu duena. Azterketaren emaitza gaur eman da jakitera Alemaniako Harz Geoparkean burutzen ari diren Koordinazio Batzordean.
30. Haurrentzako arrantza lehiaketa martxan dago
2014/09/09
La Lubina elkarteak antolaturik, urriaren 4an haurrentzako arrantza lehiaketa izango dugu Deban. 7tik 15 urte bitarteko gazteek hartu ahal izango dute parte. Izenemateko epea irailaren 13an bukatuko da.
30. Haurrentzako arrantza lehiaketa martxan dago - Gehiago irakurri
IX. Tene Mujika Beka
2014/10/10
Debako Udalak eta Elkar argitaletxeak Tene Mujika sariaren deialdi berri bat egin dute, 6.000 euroko diru-laguntza emango duena, Deban eraiki nahi izan zen zentral nuklearraren proiektua eta haren inguruko gorabeherak. Proiektuak aurkezteko epea abenduaren 12an bukatuko da.
XLV. Kaleko margo sariketako irabazleak
2014/09/13
Eguraldi ederrarekin ospatu da Diego Sagredo Fundazioak, Haitz-Haundi Elkarteak eta Udalak elkarlanean antolatutako XLV. Kaleko margo sariketa. Debako txoko ezberdinak islatzen dituzten 27 artelanek parte hartu dute lehiaketan eta 8 izan dira sarituak. Lanak erakusgai eta salgai egongo dira irailaren 14tik 21era Agirre Jauregian.
Burdin Kurutz M.T. eta Luzaro ikastetxeak 2014-2015 ikasturterako ikasleen Mendi Irteera Egutegia martxan jarri dute
2014/09/15
Aurten ere, aurreko urteetan bezala, Burdin Kurutz Mendi Taldeak eta Luzaro ikastetxeak 2014-2015 ikasturterako ikasleen Mendi Irteera Egutegia eskaini dute. Igande honetan, hilaren 21ean, emango diote hasiera ikasturteko mendi ibilbideei Ondarru-Mutriku-Deba goiz pasarekin.
MARRAZKI ETA MARGO IKASTAROA ESKAINIKO DU HAITZ-HAUNDI ELKARTE-ARTISTIKOAK
2014/09/15
2014-2015 ikasturterako marrazki eta margo ikastaroak prestatzen hasi dira Debako Haitz-Haundi Elkarteko kideak. Ikastaro hauek gazteei zein helduei zuzenduak egongo dira eta interesatuek urrian izango dute izena emateko aukera.
MARRAZKI ETA MARGO IKASTAROA ESKAINIKO DU HAITZ-HAUNDI ELKARTE-ARTISTIKOAK - Gehiago irakurri
Euskal Jaia 2014
2014/09/18
Euskal Jaiaren 50. urtemuga gogora ekarri eta ospatzeko, jaiaren historia biltzen duen liburua argitaratu du Udalak eta Euskal Jaiaren bidez Euskal Herriko kulturari ekarpena egin zioten debarrei errekonozimendu bat egingo diete. Egitarau oparoa antolatu da horretarako irailean zehar.
Olatu batek Miramar estali du
2014/09/15
Hemendik aurrera Itziartik Debara datozen guztiei Debako hondartzara heltzean olatu handi batek emango die ongi etorria . Hondartza ingurua txukundu nahian udalak Miramar eraikineko fatxadan mural handi bat margotzea erabaki zuen. Arte Factory enpresako gazteek izan dute lanaren ardura eta Udalak eskatu bezala Debako hondartzan surfean dabilen emakume surflari bat irudikatu dute.
Autobus zerbitzu berria ezagutu nahi?
2014/10/07
Autobus-zerbitzua hobetzeko prozesuaren emaitzak aurkezteko bilera deia luzatu du Gipuzkoako Foru Aldundiak. Gure eskualdeko bilera urriaren 16an izango da, Eibarko Udaletxean, arratsaldeko 18:30etan.
Aisialdi berria martxan
2014/10/07
Martxan dira, jada, AISIALDI BERRIAren barruan eskainitako jarduerak. Zapatu honetan hasi zen helduentzako antzerki ikastaroa, abendura arte iraungo duena. Aste honetatik aurrera, berriz, martxan izango dira maiatzera arte, gaztetxoek osatutako taldeak: antzerki eskolan, talde 1; sukaldaritzan, 2; Kuadrillategin 3. Guztira, 80 bat neska-mutil jarduera arras desberdinetan, helburu bakarrarekin: gozatzea. Informazio gehiagorako deitu telefono hauetakoren batera: 943.60.80.48 / 688.66.37.44
Arau subsidiarioen aldaketa zehatza Osio auzoan
2014/10/28
Aurreko ostiralean Debako Udalak, Arau Subsidiarioetan Osioko auzoari dagokion aldaketa puntuala egiteko proiektuaren zirriborroa aurkeztu zuen.
Arau subsidiarioen aldaketa zehatza Osio auzoan - Gehiago irakurri
Behe solairu, solairuarte eta sotoetako, etxebizitza, garaje eta tertziarioen Ordenantza behin-betikoz onartuta
2014/10/30
Behin behinekoz onartu ondoren eta aurkeztutako alegazioak ebatzi ondoren, Udalba tzak, 2014ko urriaren 9an eginiko bilkuran behin-betikoz onartu zuen behe solairu, solairuarte eta sotoetako, etxebizitza, garaje eta tertziarioen Ordenantza.
Deban enplegu zentro bat irekiko da.
2014/10/31
Datorren asteartean, azaroak 4, Deban enplegu zentro bat irekiko da Berasaluze plazan kokatua dagoen Gizarte Zerbitzu departamenduan.
Kultur Gida udazkena 2014
2014/11/14
Hainbat jarduera jasotzen ditu dagoeneko kaleratutako udazkeneko Kultur Gida 2014. Azaroaren 22an Santa Zezilia eguna ospatuko dugu eta herriko taldeek musikaz beteko dituzte gure kale eta txokoak. Abenduan bertso saio aparta izango da Aldats pilotalekuan, animazioaren mundura ere hurbilduko gara Anima Deba zinemaldiari esker eta Gabonetan gure ohiturak jarraituz urte zaharrari agurra eta berriari ongi etorria egingo diogu. Ondo pasa!
Euskarazko produktuen katalogoa
2014/11/19
Urteko garai honetan seme-alabei edo ingurukoei euskarazko liburuak, musika edota jokoak erosi eta oparitzeko aukera paregabea izaten dela kontuan hartuz, Euskarazko Produktuen Katalogoaren edizio berria osatu dute Euskal Herriko 100 bat udal eta mankomunitatetako Euskara Zerbitzuk.
Azaroak 25 “Emakumeenganako indarkeriaren aurkako nazioarteko eguna "
2014/11/19
“Indarkeria Matxista” emakumeen eta gizonen artean dagoen berdintasun ezaren adierazpen larriena da eta munduko toki guztietan gerta daiteke, adin eta maila sozial guztietan, baita kultur agerraldi guztietan ere (telebista, zinea, festak, literatura…). Urtero moduan, udaleko berdintasun sailak azaroaren 25aren “Emakumeenganako indarkeriaren aurkako nazioarteko egunaren” inguruan hainbat ekimen antolatu ditu eta herritarrei ekintzetan parte hartzera ANIMATU nahi diegu.
Azaroak 25 “Emakumeenganako indarkeriaren aurkako nazioarteko eguna " - Gehiago irakurri
Anima Deba 2014
2014/12/22
Aurten ere Animadeba 2014 Debako VII. Animazio Zinemaldia ospatuko dugu abenduaren 26tik 30era. Juanba Berasategi animazio zuzendariak emango dio hasiera zinemaldiari abenduaren 26an. Helduentzako nahiz umeentzako filmak izango dira ikusgai, besteak beste, El Viento Se Levanta Hayao Miyazaki japoniarrarena eta Hair High Bill Plympton Estatu Batuarrarena. Laburmetraia emanaldiari dagokionez, Nontzefilmak 2014 eta Kimuak 2014ko animazio lanak proiektatuko dira. Baina zineaz gain, Imanol Luñoren magia emanaldia eta Doctor Deseoren kontzertu akustikoa izango dira ikusgai.
Ibilketa Nordikoa
2014/12/21
Abenduaren 14ko Ibilketa Nordikoaren hastapen ikastaroan “EKIN, kirola eta bizitza aktiboa”ren eskutik Andoni Urkiolak gidatu zuen saioa. 20 partehartzaile izan ziren eta jarduera ikasten goiza ederki pasa pasa genuen. Ibilketa Nordikoaren nondik norakoak azaldu ondoren bi bastoiekin ibiltzen ikasteko hainbat ariketa landu eta ordubeteko ibilketa burutu genuen hondartza, kaia eta paduratik barrena. Jarduerari jarraikortasuna ematearren, astean zehar ordubeteko ibilketak egiten hasiak gara iluntzeko zortziretatik aurrera. Hurrengo ikastaro aurreratua abenduak 28an egingo dugu. Animatu etorri proba egitera.
VI San Silbestre lasterketa 2014
2014/12/22
Aurten abenduaren 31n Debako VI San Silbestre lasterketa izango dugu. 11:15ean umetxoak 200metroko ibilbidea egingo dute. 11:30ean berriz, 400metroko ibilbidea egingo duten gaztetxoak izango ditugu eta ondoren 12:00etan 5,3kmko laisterkaldia izango dugu. Lasterketan parte hartu nahi dutenek turismo bulegoan izena eman beharko dute abenduaren 30a baino lehen. (16 urtetik gorakoak 5€ ordaindu beharko dute. )
Urte berriko feria 2015
2015/01/07
Guztira 110 postu izan ziren urtarrilaren 3an ospatutako Urte Berriko Ferian. 19 baserrik hartu zuten parte barazki eta fruta lehiaketan, 14 gaztaegile gazta lehiaketan eta 8 erlezain aurkeztu ziren ezti lehiaketara.
Idi Probak 2015
2015/01/08
Urtarrilaren 1ean hasi eta urtarrilaren 7a bitartean 20 idi pare izan ditugu Urte Berriko Idi Probetan. Idi parerik onena Zaldibiko Gaztelu Iturgintza izan da, baina orokorrean maila bikaina erakutsi dute idi pare guztiek, marka handiak lortuz. Ohi bezala, zaletu ugari hurbildu da Debako Euskal Jolas probalekura eta giro aparta izan da.
DEBAKO UDALAK TELP TAILERRA ANTOLATU DU
2015/01/09
Zenbat aldiz gertatzen zaigu elkarrizketa bat euskaraz egin nahi izatea eta gazteleraz bukatu behar izatea? Eta, alderantziz, norbaitekin gazteleraz hasi eta gero ohartzea besteak euskaraz badakiela? Zergatik sentitzen gara deseroso horrelakoetan? Nola konpondu ahal ditugu egoera horiek? Nola lortu kasu horietan euskaraz aritzea, eroso sentituta eta naturaltasunez jokatuta?TELP (Taller d’espai lingüistic personal) tailerrean egoera horietan nola jokatzen dugun aztertuko dugu, eta nola egin dezakegun ikasiko. Euskaraz modu erosoan aritzea gure esku dago.
San Sebastianak 2015
2015/01/12
Elorriagako Jai batzordeak antolaturik aurtengo San Sebastian jaiak hilaren 16an hasiko dira eta urtarrilaren 20ra arte iraungo dute. Mus txapelketa, tortila patata lehiaketa, ume jolasak, giza-proba, bertso bazkaria, idi probak eta noski Gorriti bere animaliekin ere izango dugu.