Albisteak

Haitz-haundi elkarte artistikoaren margolanak Estalitako Pasealekuan ikusgai

2017/04/12
Estalitako Pasealekuan daude ikusgai Haitz-haundi elkarte artistikoak prestatu dituen azken margolanak. Mikel Laboa, Maialen Lujanbio, Frida Kahlo eta Xabier Leteren erretratuek osatzen duten erakusketa bat da. 25. urteurrena ospatzeko Debako herriari egindako oparia da eta apirilaren 22an inauguratuko dute.

Haitz-haundi elkarte artistikoaren margolanak Estalitako Pasealekuan ikusgai - Gehiago irakurri

Debako Udalak Santa Katalina berreskuratu du

2017/04/25
Udalak Santa Katalina ermita eta haren lursailek osatzen duten 63.468 m²-ko lurzatia erosi berri du 30.000 euroan. Gaur goizean sinatu da eskritura Zarauzko notaritzan. Udalak eskerrak eman nahi dizkio Alfonso del Valle Lersundiri, urte hauetan guztietan azaldu duen laguntza eta borondate onagatik.

Debako Udalak Santa Katalina berreskuratu du - Gehiago irakurri

Kolorez Blai udalekuetarako izen-ematea asteazkenean zabalduko da

2017/05/05
Deban Kolorez Blai udalekuak izango ditugu uztailean zehar. Izen-ematea maiatzaren 10etik 23ra bitartean egin beharko da. Informazio gehiagorako deitu 943 19 13 83 telefonora edo idatzi koloreanitz@gmail.com helbidera.

Kolorez Blai udalekuetarako izen-ematea asteazkenean zabalduko da - Gehiago irakurri

Deba Musikalek 2017/2018 ikasturterako matrikulazio epea zabalduko du datorren astelehenean

2017/05/09
2017/2018 ikasturterako Deba Musikalen matrikulatzeko epea datorren astelehenean zabalduko da. Interesatuek ekainaren 16ra arte izango dute eskolak eskaintzen dituen ikastaroetan izena emateko aukera.

Deba Musikalek 2017/2018 ikasturterako matrikulazio epea zabalduko du datorren astelehenean - Gehiago irakurri

Abian da Debako I. mural / grafiti sariketa

2017/05/29
Debako Udalak I. mural / grafiti sariketa antolatu du, modalitate hauetako sortzaileei Estalitako Pasealekuan ezarri nahi diren paneletan esku hartzeko aukera luzatzeko helburuarekin. Interesatuek izen-emate orria bete eta behean eskatzen den dokumentazioarekin batera, udaletxera helarazi beharko dute ekainaren 16a baino lehen.

Abian da Debako I. mural / grafiti sariketa - Gehiago irakurri

Egitarau zabala Debarren Egunerako

2017/05/16
Tarinok maiatzaren hirugarren igandean ospatzen dugu geure eguna: Debarren Eguna. Aurten, hilaren 21ean izango da egun handia, baina berau ospatzeko hainbat jarduera antolatu dira maiatzaren 19 eta 21a bitarte.

Egitarau zabala Debarren Egunerako - Gehiago irakurri

Arte Eskolak 2017-2018 ikasturterako matrikulazio epea zabaldu du

2017/05/16
2017-2018 ikasturterako matrikulazio epea zabalik da Arte Eskolan. Harlanketa, zurlanketa, zeramika, brontze galdaketa artistikoa edota grabatu kalkografikoa bezalako espezialitateak landu daitezke bertan.

Arte Eskolak 2017-2018 ikasturterako matrikulazio epea zabaldu du - Gehiago irakurri

Geoparkeko kostaldearen garbiketa auzolanean

2017/05/17
Europako Geoparkeen Astearen baitan, maiatzaren 27an Euskal Kostaldeko Geoparkearen ekimenez eta Gipuzkoako Foru Aldundiaren laguntzarekin, Geoparkeko kostaldearen garbiketa egingo da auzolanean.

Geoparkeko kostaldearen garbiketa auzolanean - Gehiago irakurri

Geoparkeko kostaldea garbitzeko auzolana, Europako Geoparkeen Astearen baitan

2017/05/17
Maiatzaren 19tik ekainaren 4ra egingo da zazpigarren aldiz Europako Geoparkeen Astea; Europan dauden geoparke guztiek parte hartuko dute egitasmo honetan herritarrentzat ekitaldi ugari eskainiz, tokian tokiko ondarea ezagutarazi eta babesteko mezua helaraziz.

Geoparkeko kostaldea garbitzeko auzolana, Europako Geoparkeen Astearen baitan - Gehiago irakurri

Euskal Kostaldeko Geoparkearen Batzorde Zientifikoak lehen bilera egin zuen atzo, Deban

2017/05/20
Atzo, ostiralez, Euskal Kostaldeko Geoparkearen Batzorde Zientifikoak lehen bilera egin zuen Deban. Bileran Geoparkearen plan estrategikoaren berri eman zitzaien batzordekideei eta batzordearen beraren garrantzia azpimarratu zen.

Euskal Kostaldeko Geoparkearen Batzorde Zientifikoak lehen bilera egin zuen atzo, Deban - Gehiago irakurri

Geoparkeko kostaldearen garbiketa egingo da larunbatean, auzolanean

2017/05/24
Europako Geoparkeen Astearen baitan, larunbatean, hilak 27, labarretan pilatutako hondakinak eta plastikoak biltzeko garbiketa egingo da boluntarioekin Deba-Zumaia Biotopoan. Garbiketa lanetan helikopteroa eta kamioia erabiliko dira eta Elorriagako atsedenlekua goizean itxita egongo da bisitarientzat.

Geoparkeko kostaldearen garbiketa egingo da larunbatean, auzolanean - Gehiago irakurri

Bihar abiatuko da Debako XXXI. Antzerki Astea

2017/05/25
Maiatzaren 26tik ekainaren 4ra bitarte mota guztietako antzezlanak izango ditugu Deban, Antzerki Astearen baitan. XXXI. edizio honetan ere, euskarazko zazpi ikuskizun taularatuko dituzte talde profesional zein amateurrek.

Bihar abiatuko da Debako XXXI. Antzerki Astea - Gehiago irakurri

Volando voy saiorako grabaketa lanak egin dituzte Geoparkean

2017/05/26
Cuatro telebista katearen Volando Voy saioa grabatzen aritu dira Geoparkean. Filmatutako irudiak herritarrekin partekatzeko jaia antolatu dute igande honetarako. Ikustera joateko interesa dutenek beren irudiak grabatzeko baimena sinatu beharko dute lehenago.

Volando voy saiorako grabaketa lanak egin dituzte Geoparkean - Gehiago irakurri

Debako landa-bide publikoen inbentarioa web orrian ikusgai

2017/05/31
Debako Udalak behin betiko onartu zuen otsaileko ohiko bilkuran bigarren mailako landa-bide publikoen inbentarioa eta orain web orrian dago ikusgai.

Debako landa-bide publikoen inbentarioa web orrian ikusgai - Gehiago irakurri

Abian da Debako memoria historikoaren berreskurapen eta ikerketa proiektua

2017/06/02
Debako Udalak herriko memoria historikoaren berreskurapen eta ikerketa proiektua jarri du martxan. Aranzadi Zientzia elkartearen proposamena aho batez onartu zen azken ohiko bilkuran. Egitasmoak 42.350 euroko kostua izango du eta 2017-2019 urteen artean gauzatuko da.

Abian da Debako memoria historikoaren berreskurapen eta ikerketa proiektua - Gehiago irakurri

Abian da XII. Tene Mujika Beka

2017/06/14
Debako Udalak Tene Mujika bekarako oinarriak argitaratu berri ditu. XII. edizioa da aurtengoa eta, aurreko urtetan bezalaxe, Udalak Elkar argitaletxearen laguntzarekin antolatu du Euskal Herriko historia hurbilaren ezagutza zabaldu eta gure literatura aberasteko helburua duen beka hau. Proiektuak 2017ko abenduaren 11 baino lehen artxiboa@deba.eus helbidera bidali beharko dira.

Abian da XII. Tene Mujika Beka - Gehiago irakurri

HEMEN DA UDA KIROLA 2017 PROGRAMA

2017/06/17
Uda Kirola 2017 programa prest da etxeko txikienen gozamenerako. Surf, body board, piraguismo eta xake ikastaroen eskaintza zabala prestatu du udal kirol zerbitzuak aurtengo udarako. Izen-ematea turismo bulegoan egin behar da. Informazio gehiago eskuratu nahi izanez gero, deitu 943 19 24 52 telefonora edo idatzi turismoa@deba.eus helbidera.

HEMEN DA UDA KIROLA 2017 PROGRAMA - Gehiago irakurri

Mural / grafiti sariketarako finalistak aukeratzeko bozketa herrikoia

2017/06/22
Debako Udalak antolatutako I. mural / grafiti sariketako finalistak hautatzeko ordua iritsi da. Herritarrok izango dugu azken hitza. Asteburu osoan zehar aurrez aurreko bozka emateko aukera Agirre jauregiko erakusketa gelan eta ekainaren 30era bitarte Udalaren web orriaren bitartez.

Mural / grafiti sariketarako finalistak aukeratzeko bozketa herrikoia - Gehiago irakurri

Robotika tailerrak Debabarrenean

2017/06/29
Aurtengo udarako robotika tailerrak antolatu dituzte eskualdeko udalek, Debegesaren laguntzarekin. Egitasmo honen helburua Debabarreneko haur eta gazteen artean zientzia, teknologia, ingeniaritza, artea eta matematikarekiko interesa piztea da. Interesatuek www.gazterobotika.eus webgunean eman dezakete izena.

Robotika tailerrak Debabarrenean - Gehiago irakurri

Udako erakusketa artistikoa bihar inauguratuko da

2017/06/30
Bihar, uztailak 1, “Tentazioak” izeneko arte erakusketa inauguratuko da 12:30ean Santa Maria elizako klaustroan. XIII. edizio hau berezia izango da; hemezortzi artisten lanak egongo baitira ikusgai uztailean eta abuztuan zehar.

Udako erakusketa artistikoa bihar inauguratuko da - Gehiago irakurri

Nazioarteko II. Flysch organo jaialdia

2017/07/03
Gipuzkoako Foru Aldundiak pasa den astean aurkeztu zuen aurtengo Nazioarteko Flysch organo jaialdia. Bigarren edizioa honetan bi emanaldi egingo dira Deban.

Nazioarteko II. Flysch organo jaialdia - Gehiago irakurri

Debako I. mural/grafiti sariketak baditu finalistak

2017/07/06
Bozkatzeko epea amaituta, Udalak lehendabizikoz antolatu duen lehiaketa honek baditu dagoeneko lau finalista. Hautatuek uztailaren 16an egingo den jendaurreko ekitaldian gauzatu beharko dituzte beren proposamenak.

Debako I. mural/grafiti sariketak baditu finalistak - Gehiago irakurri

Mural, grafiti, urbanart, streetart … modalitateak lantzen dituzten artistak lanean ikusteko aukera igande honetan

2017/07/14
Debako I. mural/grafiti lehiaketako lau finalistek herriko hainbat txokotan gauzatuko dituzte euren muralak igande honetan, uztailaren 16an. Maraca, Eneko, Willy eta Sortwo lanean ikusteko aukera izango dugu egun osoan zehar. Euren lanak Estalitako Pasealekuan egongo dira astelehenetik aurrera.

Mural, grafiti, urbanart, streetart … modalitateak lantzen dituzten artistak lanean ikusteko aukera igande honetan - Gehiago irakurri

BEGIRADAK 2017

2017/07/17
Parte hartu 2017ko BEGIRADAK ekitaldian.

BEGIRADAK 2017 - Gehiago irakurri

Udalak hilerri berriaren proiektua aurkeztuko du jendaurrean

2017/07/17
Datorren asteazkenerako, uztailaren 19rako, erakusketa publikoa prestatu du Debako Udalak, Artzabalgo hilerri berriaren proiektua jendaurrean aurkezteko asmoz. Ekitaldia arratsaldeko 7etan izango da Udaletxeko Pleno Aretoan.

Udalak hilerri berriaren proiektua aurkeztuko du jendaurrean - Gehiago irakurri

“Gentzianaren inurrijalea” tximeletaren banaketa-eremua ezagutzeko irteera egingo da Euskal Kostaldeko Geoparkean

2017/07/28
Zerynthia elkarteak eta Euskal Kostadeko Geoparkeak, Itziarko Auzo Udalarekin elkarlanean, “gentzianaren inurrijalea” ezagutzera emateko ekimena antolatu dute, tximeleta honen babesa sustatzeko asmoz. Trebakuntza-saio praktiko bat egingo da abuztuaren 8an Deba-Zumaia Biotopoan, parte hartu nahi duen herritar orori irekia.

“Gentzianaren inurrijalea” tximeletaren banaketa-eremua ezagutzeko irteera egingo da Euskal Kostaldeko Geoparkean - Gehiago irakurri

Ostegunean abiatuko da XXXIV. Udako Musikaldia Deban

2017/08/01
Debako Udalak Gipuzkoako Foru Aldundiarekin batera antolatu ohi duen Udako Musikaldiak XXXIV. edizioa du aurtengoa. Abuztuaren 3tik aurrera, ostegunero, kontzertuak izango ditugu Santa Maria Elizan.

Ostegunean abiatuko da XXXIV. Udako Musikaldia Deban - Gehiago irakurri

San Roke jaiak 2017

2017/08/04
Gaur eguerdian aurkeztu da aurtengo San Roke jaietako egitaraua. Jai Batzordeak bost eguneko egitarau zabala antolatu du. Egitaraua turismo bulegoan izango dugu salgai, zezenketetarako sarrerekin batera.

San Roke jaiak 2017 - Gehiago irakurri

XLVIII. kaleko margo sariketa irailaren 9an

2017/08/30
Haitz-haundi elkarte artistikoaren eta Cardenas Fundazioaren laguntzarekin, XLVIII. kaleko margo sariketa antolatu du Udalak datorren irailaren 9an. Hitzordu honek Debako udalerriaren esentzia euren lanetan jasoko duten hainbat herritako artistak bilduko ditu.

XLVIII. kaleko margo sariketa irailaren 9an - Gehiago irakurri

Debako Caritas elkartearen udako kanpaina bukatzear da

2017/09/01
Caritas elkarteak udako kanpaina arrakastatsua izan du aurten. Abuztuan zehar egindako tonbolan boleto guztiak saldu dira eta sari ugari banatu dira parte-hartzaileen artean. Irailaren 9rako Amancio Pradaren kontzertu solidarioa antolatu dute Santa Maria Elizan eta sarrerak dagoeneko salgai daude turismo bulegoan.

Debako Caritas elkartearen udako kanpaina bukatzear da - Gehiago irakurri

Gozatuz aisialdi jardueretarako matrikulazio-epea zabalik irailaren 15era arte

2017/09/06
Debako Udalak, Mogel eta Zubi guraso elkarteekin elkarlanean, datorren ikasturterako aisialdi eskaintza aurkeztu du. Euskara oinarri hartuta, hainbat kultur jarduera proposatzen dira; hala nola, antzerkia, argazkigintza, sukaldaritza, bertsolaritza eta idazketa sortzailea. Matrikula orriak ikastetxeko idazkaritzan, turismo bulegoan edota udal liburutegian entregatu beharko dira irailaren 15a baino lehen.

Gozatuz aisialdi jardueretarako matrikulazio-epea zabalik irailaren 15era arte - Gehiago irakurri

XLVIII. Kaleko margo lehiaketan aurkeztutako lanak ikusgai izango dira astebetez

2017/09/09
XLVIII. Kaleko margo sariketa ospatu du gaur Udalak, Haitz-haundi elkarte artistikoaren eta Cardenas fundazioaren laguntzarekin. Debako txoko ezberdinak islatzen dituzten 13 artelan aurkeztu dira lehiaketara eta 8 izan dira sarituak. Lanak ikusgai eta salgai egongo dira irailaren 10etik 17ra bitartean.

XLVIII. Kaleko margo lehiaketan aurkeztutako lanak ikusgai izango dira astebetez - Gehiago irakurri

Deba 100 hitzetan, IV. literatur lehiaketa

2017/09/12
Debako Udalak IV. literatur lehiaketa antolatu du, Cardenas fundazioarekin elkarlanean. Aurten, parte hartzaileek Deba eta Mutriku arteko zubi zaharrarekin zerikusia duten lanak aurkeztu beharko dituzte. Idatziak turismo bulegoan entregatu beharko dira 2017ko urriaren 15a baino lehen.

Deba 100 hitzetan, IV. literatur lehiaketa - Gehiago irakurri

Irri Banda ikuskizunerako sarrerak agortuta

2017/09/13
Irailaren 23an Irri Banda ikuskizuna egingo da Deban. Gaur goizean 400 sarrera jarri dira salgai eta dagoeneko agortu dira. Eguraldiaren eta eszenatokiak hartuko duen lekuaren arabera, sarrera kopurua gehitzeko aukera egon daiteke; baina hilaren 22ra arte ez dugu horren berririk izango.

Irri Banda ikuskizunerako sarrerak agortuta - Gehiago irakurri

2016/2017 ikasturtean euskara ikasi edo UEUko ikastaroetan parte hartu duten debarrentzat dirulaguntzak

2017/09/15
Pasa den ikasturtean euskara ikasi edo UEUko ikastaroetan parte hartu duten debarren artean dirulaguntzak banatuko ditu Udalak. Laguntza jasotzeko hainbat baldintza bete beharko ditu eskatzaileak eta beharrezkoak diren agiri guztiak 2017ko irailaren 18tik urriaren 6ra bitartean entregatu beharko ditu udaletxeko harrera bulegoan.

2016/2017 ikasturtean euskara ikasi edo UEUko ikastaroetan parte hartu duten debarrentzat dirulaguntzak - Gehiago irakurri

2018an ekingo diete Deba-Mutriku bideko lanei

2017/09/16
Gipuzkoako Foru Aldundiak GI-638 errepidea hobetzeko eta kostako bi herriok oinez ere komunikatuko dituen bidea egiteko proiektua aurkeztu du. Obrak 2018ko udazkenean hasiko dira, 14 hilabete iraungo dute eta 11 milioi euroko kostua izango dute.

2018an ekingo diete Deba-Mutriku bideko lanei - Gehiago irakurri

Rara filmaren emanaldia eta mahai ingurua Deban

2017/09/19
Debako Kultur Elkartean proiektatuko da Rara filma datorren irailaren 24an, igandean. Emanaldiaren ondoren, Latinoamerikako LGTBI kolektiboaren errealitatearen inguruan hitz egiteko mahai ingurua antolatu da. Jarduera aurrera eramateko Mugen Gainetik elkartearen eta Gehituko Sebastiane Sariko batzordearen laguntza izan du Udalak.

Rara filmaren emanaldia eta mahai ingurua Deban - Gehiago irakurri

Euskal Jaia 2017

2017/09/22
Badator Euskal Jaia Debara! Beste urtebetez, Zuhatza Euskara Elkarteak eta Debako Udalak denon gustukoa izatea espero den egitarau zabala prestatu dute egun honetarako. Beraz, har ditzagun baserritar jantziak eta atera gaitezen kalera Debako jai giroaz gozatzera!

Euskal Jaia 2017 - Gehiago irakurri

Udalerri euskaldunetako Salto! Gazte Topaketak egingo dituzte urriaren 20tik 22ra, Orion

2017/09/26
Gazteak euskal hiztun gisa sentsibilizatu, kontzientziatu, aktibatu eta ahalduntzeko Salto! Gazte Topaketak antolatu ditu UEMAk. Orion egingo dira jardunaldiak urriaren 20tik 22ra, eta bertan parte har dezakete udalerri euskaldunetako 15 eta 18 urte arteko gazteek.

Udalerri euskaldunetako Salto! Gazte Topaketak egingo dituzte urriaren 20tik 22ra, Orion - Gehiago irakurri

Bisita gidatu eskaintza betea udazkenerako, Euskal Kostaldeko Geoparkean

2017/09/29
Bisita gidatuen egutegi osoa datozen hiru hilabeteetarako geoparkea.com webgunean kontsulta daiteke eta bertan egin daitezke erreserbak online. Proposamenen artean, nabarmentzekoa da urriko igande guztietan, goizeko 11:30ean, eskainiko den “Flyscha, begirada batean” irteera gidatua, euskaraz.

Bisita gidatu eskaintza betea udazkenerako, Euskal Kostaldeko Geoparkean - Gehiago irakurri

Itxaspe Kanpinak eskuratu du Gipuzkoako Turismo Berrikuntza Saria 2017

2017/10/02
Denis Itxaso Gipuzkoako Foru Aldundiko Turismo eta Kultura diputatuaren eskutik jaso zuten errekonozimendua Itxaspe Kanpineko arduradunek.

Itxaspe Kanpinak eskuratu du Gipuzkoako Turismo Berrikuntza Saria 2017 - Gehiago irakurri

Polentzi Markiegiren fusilamenduaren 80.urteurrena

2017/10/11
Debako Udalak omenaldia antolatu du Polentzi Markiegiren, bertako alkate izandakoaren, oroimenez. Urriaren 4an, arratsaldeko 7etan, Udalbatzak alkate ohiaren fusilamenduaren 80.urteurrenari buruzko adierazpen instituzionala onartuko du eta hilaren 15ean ekitaldi instituzionala izango da.

Polentzi Markiegiren fusilamenduaren 80.urteurrena - Gehiago irakurri

Gerra zibila eta oroimen historikoa. Deba 1936-1945

2017/10/16
Udalak gure herriaren memoria historikoa ikertzeko eta berreskuratzeko proiektua jarri du abian. Urriaren 16tik aurrera eta azaroaren 3a arte, astelehen eta asteazkenero oroimenaren bulegoa zabalik izango dugu. Azterlan honek 42.350 euroko kostua izango du eta aho batez onartu zuen ohiko udal batzarrak.

Gerra zibila eta oroimen historikoa. Deba 1936-1945 - Gehiago irakurri

Debaberri udal aldizkaria

2017/10/19
Udal jardueraren berri eman nahian Debako Udalak kaleratu berri du Debaberri udal aldizkaria. Besteak beste, Hilerri berria Artzabalen, Itziarko entitate txikia, Zabor-bilketa sistema, Deba ibaiaren Paisaia Plana, Herriaren memoria historikoa...

Debaberri udal aldizkaria - Gehiago irakurri

Debabarreneko ordezkaritza batek Dordoinara egin du bidaia kultur ondarearen interpretaziori loturiko esperientziak elkar trukatzeko

2017/10/27
Debegesa Garapen Agentziaren ekimenez, Debabarreneko ordezkaritza bat Dordoinan izan da aste honetan, historiaurreko ondarea eta, oro har, kultur ondarea balioan jartzeko estrategiak ezagutu eta elkar trukatzeko.

Debabarreneko ordezkaritza batek Dordoinara egin du bidaia kultur ondarearen interpretaziori loturiko esperientziak elkar trukatzeko - Gehiago irakurri

“Berrikuntza soziala eta tokiko garapena Debabarrenean” jardunaldia, ostiralean DEBEGESAn

2017/10/31
Ostiralean, hilaren 3an, 9:00etan, ‘Debabarrena Berritzen’ egitasmoari amaiera emateko jardunaldia egingo da Debegesan. DEBEGESAren eta Elhuyar Aholkularitzaren ekimenez, eta Gipuzkoako Foru Aldundiaren laguntzarekin, ‘Debabarrena Berritzen’ egitasmoak eskualdeko berrikuntza sozialean eragin nahi du.

“Berrikuntza soziala eta tokiko garapena Debabarrenean” jardunaldia, ostiralean DEBEGESAn - Gehiago irakurri

BELDUR BARIK 2017

2017/11/01
2017ko Beldur Barik lehiaketa bikoitza martxan da dagoeneko. Emakumeek jasaten duten bereizkeria-egoerari aurre egiten dioten arte-adierazpen mota oro onartu, baloratu eta bultzatzea du helburu. 12-26 urte bitarteko parte-hartzaileek azaroaren 13a baino lehen bete eta bidali beharko dute formularioa.

BELDUR BARIK 2017 - Gehiago irakurri

"Anfitriones" programako 3 ikastaro hartuko ditu azaroan Debegesak, turismo arloko profesionalei zuzenduta

2017/11/02
Bisitariari ematen zaion zerbitzua eta arreta hobetzeko helburua du programak eta azaroaren 14an eta 15ean eskainiko da Debegesan. Izena emateko epea zabalik da azaroaren 8ra bitarte.

"Anfitriones" programako 3 ikastaro hartuko ditu azaroan Debegesak, turismo arloko profesionalei zuzenduta - Gehiago irakurri

Agirre jauregiko altzarien eraberritze lanak martxan dira

2017/11/13
Gaur hasi dira Agirre jauregiko inperio estiloko bi altzari zaharberritzeko lanak. Herriaren ondare izanik, prozesua bertatik bertara ezagutzeko ate irekiak antolatu dira azaroaren 17an eta 24an.

Agirre jauregiko altzarien eraberritze lanak martxan dira - Gehiago irakurri

Debabarreneko turismo-eskaintza lehenetsiko da azaroan Explore San Sebastian Region bulegoan

2017/11/14
Eskualdeko erakarpen turistiko nagusiak azaldu ez ezik, Tripontziak ekimen gastronomikoa ere eman zen ezagutzera pasa den azaroaren 8an egindako aurkezpenean.

Debabarreneko turismo-eskaintza lehenetsiko da azaroan Explore San Sebastian Region bulegoan - Gehiago irakurri

IX. Animadeba Gortina lehiaketa

2017/11/16
Abian da aurtengo Animadeba Gortina lehiaketa. Debako Udalak antolatzen duen IX. edizioa da hau eta lan saritua 2018ko Animadeba animazio jaialdia iragartzeko erabiliko da. Parte-hartzaileek nahi adina gortina aurkez ditzakete, abenduaren 15a baino lehen.

IX. Animadeba Gortina lehiaketa - Gehiago irakurri

Azaroak 25: “Emakumeenganako indarkeriaren aurkako nazioarteko eguna”

2017/11/17
Debako Udaleko berdintasun sailak “Emakumeenganako indarkeriaren aurkako nazioarteko egunaren” baitan askotariko ekitaldiak antolatu ditu aurten. Ekintza hauen helburu nagusia herritarrak gai honen inguruan sentsibilizatzea da.

Azaroak 25: “Emakumeenganako indarkeriaren aurkako nazioarteko eguna” - Gehiago irakurri

Euskadiko III. Geodibertsitate Jardunaldiak hartuko ditu asteazkenetik aurrera Euskal Kostaldeko Geoparkeak

2017/11/20
Jardunaldien baitan bost hitzaldi, profesionalen arteko bi lan-mahai eta Euskal Kostaldeko Geoparkeko interesgune nagusien kudeaketa ezagutzeko irteera egingo dira.

Euskadiko III. Geodibertsitate Jardunaldiak hartuko ditu asteazkenetik aurrera Euskal Kostaldeko Geoparkeak - Gehiago irakurri

Argindarraren kontsumoen datuak ezagutuz erabakiak hartzea erraztera zuzendutako saio praktikoa

2017/11/22
Gipuzkoako Foru Aldundiaren eskutik, argindar kontsumoa murrizteko tailerrak egingo dira Deban. Hauen helburu nagusia Gipuzkoarako eredu energetikoaren aldaketan aurrera egitea da. Lehendabiziko saioa abenduaren 11n izango da eta bertaratu ahal izateko aurrez izena eman beharko da.

Argindarraren kontsumoen datuak ezagutuz erabakiak hartzea erraztera zuzendutako saio praktikoa - Gehiago irakurri

Deba ibaiaren eta Sasiola-Astigarribiatik estuariorainoko ibaiertzaren Paisaiaren Ekintza Plana osatu da

2017/11/24
Partaidetza prozesu baten bidez landu da eta helburua da Deba ibaiaren eta ibaiertzaren paisaia berreskuratzea eta balioan jartzea bere zatirik interesgarrienean, bai paisaiaren aldetik, baita bertan dagoen ondare kultural eta natural aberatsagatik ere.

Deba ibaiaren eta Sasiola-Astigarribiatik estuariorainoko ibaiertzaren Paisaiaren Ekintza Plana osatu da - Gehiago irakurri

Debako Udalaren 2016 ekitaldiko ondare eta aurrekontuei buruzko ikuskaritza txostena, aldekoa salbuespenekin

2017/11/27
BETEAN enpresa arduratu da Debako Udalaren 2016 ekitaldiko ondare eta aurrekontuei buruzko auditoria txostena idazteaz. Lanaren emaitza aldekoa izan da salbuespenekin.

Debako Udalaren 2016 ekitaldiko ondare eta aurrekontuei buruzko ikuskaritza txostena, aldekoa salbuespenekin - Gehiago irakurri

Euskararen astea Deban, azaroaren 30etik abenduaren 3ra

2017/11/28
Abenduaren 3an ospatuko da Euskararen Eguna, eta Debako Udalak herriko hainbat elkarte eta eragilerekin elkarlanean askotariko ekintzak antolatu ditu.

Euskararen astea Deban, azaroaren 30etik abenduaren 3ra - Gehiago irakurri

Geoparkeko mendien sorrera ezagutzeko mendi ibilaldia larunbatean

2017/12/12
Itziarko plazatik abiatu, Arbileko balkoitik igaro eta Lasturren amaituko da. Ondoren, bertako tabernan mokadutxo bat egingo da. Ibilaldi gidatua euskaraz eta doan izango da. Izen-ematea: 943 192 452 – turismo@geoparkea.com.

Geoparkeko mendien sorrera ezagutzeko mendi ibilaldia larunbatean - Gehiago irakurri

Animadeba Animazio Zinemaldiaren X. edizioa, abenduaren 26tik 29ra Deban

2017/12/19
Abenduaren 26tik 29ra X. Animadeba Animazio Zinemaldia ospatuko da Deban. Aurtengo ekitaldien artean, gortina tailerra eta hamargarren urteurrena ospatzeko festa dira nabarmentzekoak.

Animadeba Animazio Zinemaldiaren X. edizioa, abenduaren 26tik 29ra Deban - Gehiago irakurri

Energiaren Eskualdeko Behatokia jarri du abian Debabarreneko eskualdeak

2017/12/18
Energiaren Behatokia ezarri duen Euskadiko bigarren eskualdea da Debabarrena; sei udalerri gipuzkoarrei eskainiko die zerbitzua. Debabarreneko Energiaren Eskualdeko Behatokia gaur aurkeztu da eta aurkezpenean izan dira Gipuzkoako Foru Aldundiko Ingurumen zuzendaria, Monica Pedreira, eta Debabarreneko alkate eta udal ordezkariak.

Energiaren Eskualdeko Behatokia jarri du abian Debabarreneko eskualdeak - Gehiago irakurri

Debako euskararen historia sozialaren azterketa aurkeztuko du bihar Udalak

2017/12/21
Zein da Debako euskararen historia? Ze bilakaera izan du urteen joan etorrian? Zergatik egin du aurrera/atzera erabilerak?...

Debako euskararen historia sozialaren azterketa aurkeztuko du bihar Udalak - Gehiago irakurri

Debako Euskararen Historia Soziala ikerketa lanaren aurkezpena

2017/12/31
Pasa den ostiralean aurkeztu zen Agirre jauregiko ispiluen gelan "Debako Euskararen Historia Soziala" ikerketa lana. Bertan izan ziren Ane Egidazu, Debako Udaleko Euskara Batzordeburua; eta Iñigo Ramirez de Okariz eta Nekane Goikoetxea, azterlanaren egileak.

Debako Euskararen Historia Soziala ikerketa lanaren aurkezpena - Gehiago irakurri

13 idi pare urte berriko 42. idi probatan

2018/01/02
13 izango dira 2018ko idi probatan lehiatuko diren idi pareak. Urtero bezalaxe, Euskal Jolas pilotalekuko probalekuan izango dira norgehiagokak. Urtarrilaren 1ean hasi eta hilaren 8ra bitarte, lau saio izango ditugu.

13 idi pare urte berriko 42. idi probatan - Gehiago irakurri

Urte berriko feria Errege Egunean egingo da aurten

2018/01/03
Urteko lehen larunbatean ospatu ohi dugu Deban Urte Berriko Feria. Aurten hilaren 6an izango da, Errege Egunean, hain zuzen ere. Goizeko 09:00etarako herriko plazak baserriko produktuz beteko zaizkigu, eta kioskoan ganadu erakusketa egongo da. Goiz osoan zehar herriko musika talde eta dantzariak izango ditugu kaleak girotzen.

Urte berriko feria Errege Egunean egingo da aurten - Gehiago irakurri

Eguraldiari aurre eginez Urte Berriko Feria izan da gaur

2018/01/06
Goizeko 9:00etatik aurrera herriko plazak baserriko produktuz bete zaizkigu. 12:30ean musika eskolako dantzariek dantza emanaldia eskaini dute Aldats pilotalekuan eta eguerdiko 13:00etan feriako lehiaketetako sari banaketa egin da Foruen plazan. Gaueko 21:00etan Idi proba saioa izango da Euskal Jolasen. Eskerrik asko feriara hurbildu zareten guztioi eta bereziki ferian parte hartu duzuen baserritar eta ekoizle guztioi.

Eguraldiari aurre eginez Urte Berriko Feria izan da gaur - Gehiago irakurri

Euskal Herriko olatu erraldoien txapelketa Deban egingo da urtarrilaren 18an

2018/01/15
Debako Udalak Sorginetxe Big Wave Erronka antolatu du Euskal Herriko Surf Federazioarekin eta Yako Surf Eskolarekin elkarlanean. Egun bakarreko txapelketa izango da, urtarrilaren 18an.

Euskal Herriko olatu erraldoien txapelketa Deban egingo da urtarrilaren 18an - Gehiago irakurri

Debabarrenaren turismo eskaintza Madrilgo FITUR azokan

2018/01/16
Madrilgo Nazioarteko Turismo Azokak bihar, hilak 17, irekiko ditu ateak. Igandera arte, urtarrilak 21, Debabarrena produktu anitzeko jomuga modura promozionatuko da.

Debabarrenaren turismo eskaintza Madrilgo FITUR azokan - Gehiago irakurri

Langabezia egoeran dauden ekintzaileei zuzendutako 52 diru-laguntza kudeatuko ditu DEBEGESAk

2018/01/17
Lanbide - Euskal Enplegu Zerbitzuak ekintzaileei laguntzeko diru-laguntza deialdi berria argitaratu du eta 74.575 euro bideratuko ditu Debabarrenean, Debegesa garapen agentziaren bitartez. Diru-laguntza hauek enpresa-ideiak garatzeko eta enpresa-jarduera berriak martxan jartzeko izango dira eta langabezian egotea bete beharreko baldintza izango da.

Langabezia egoeran dauden ekintzaileei zuzendutako 52 diru-laguntza kudeatuko ditu DEBEGESAk - Gehiago irakurri

Indar Unanuek irabazi zuen Sorginetxe Big Wave Erronka

2018/01/19
Surfista zarauztarra nagusitu zen Euskal Herriko olatu erraldoien txapelketan. Haren atzetik sailkatu ziren Aritz Aranburu, Ibon Amatriain, Kosme Fernandez, Ander Mendiguren eta Iker Amatriain.

Indar Unanuek irabazi zuen Sorginetxe Big Wave Erronka - Gehiago irakurri

Kattalin Minerrek irabazi du Tene Mujika Saria

2018/01/22
Transexualitateari buruzko lanarekin irabazi du Kattalin Minerrek Tene Mujika Saria. Debako Udalak Elkar argitaletxearekin elkarlanean antolatu duen XII. edizioa da aurtengoa, Euskal Herriko historia hurbilaz idazteko ez fikziozko proiektuak saritzen dituena.

Kattalin Minerrek irabazi du Tene Mujika Saria - Gehiago irakurri

Txertatu Merkatuan, Euskadiko gazteei laneratzen eta gizarteratzen laguntzeko ekimena

2018/01/24
Ekimen honen bitartez, 16 eta 30 urte bitarteko gazteek prestakuntza-prozesuetan parte hartzeko edo lan-zirkuituetan txertatzeko aukera dute, enpresetan praktikak egitearekin batera. Debabarrenean, hiru ikastaro jarriko dituzte martxan datorren otsailean. Izen-ematea eta informazio gehiago Debegesan (943 82 01 10 edo idazkaritza@debegesa.eus).

Txertatu Merkatuan, Euskadiko gazteei laneratzen eta gizarteratzen laguntzeko ekimena - Gehiago irakurri

Ostiralean izango da "Deba 100 hitzetan" literatur lehiaketako sari banaketa, ispiluen gelan

2018/02/13
"Deba 100 hitzetan" literatur lehiaketaren laugarren edizio honetako irabazleak ostiralean ezagutuko ditugu, ispiluen gelan egingo den sari banaketan. Guztira, 1.400 € banatuko dituzte Debako Udalak eta Cardenas Fundazioak.

Ostiralean izango da "Deba 100 hitzetan" literatur lehiaketako sari banaketa, ispiluen gelan - Gehiago irakurri

Eskolako Agenda 21 programako bilera teknikoa egin dute gaur Debako ikasleek

2018/02/15
Eskolako Agenda 21 programaren baitan, 2017/18 ikasturtean Debabarreneko ikastetxeetan ura eta Deba ibaiaren gaia lantzen ari dira. Gai honen inguruan azterketa-lana eta herriko diagnostikoa egiten dabiltza eta sortu zaizkien galderak egin eta zalantzak argitzeko asmoz, Debako ikasleek bilera teknikoa egin dute gaur goizean udaletxean.

Eskolako Agenda 21 programako bilera teknikoa egin dute gaur Debako ikasleek - Gehiago irakurri

Amaia Zinkunegi eta Rafa Bravo, Debako IV. literatur lehiaketako irabazleak

2018/02/20
Hilaren 16an egin zen "Deba 100 hitzetan" IV. literatur lehiaketako sari banaketa. Aurtengo sariak herrian bertan gelditu dira; Amaia Zinkunegi eta Rafa Bravo izan baitira sariketako bi irabazleak.

Amaia Zinkunegi eta Rafa Bravo, Debako IV. literatur lehiaketako irabazleak - Gehiago irakurri

2.330.891€-KOA DA UDALAREN DIRUZAINTZA SOBERAKINA

2018/02/21
Udalaren zor bizia %16,90ekoa da (1.316.751 €), Debaren tamainako lurralde historikoko beste herrien azpi-azpitik, izan ere Gipuzkoako herrien batez bestekoa %28koa da.

2.330.891€-KOA DA UDALAREN DIRUZAINTZA SOBERAKINA - Gehiago irakurri

Irakurketa Klub berria Ostolaza udal liburutegian

2018/02/22
Saioak hilean behin izango dira, eta Yolanda Arrieta idazleak gidatuko ditu. 16 urtetik gorakoek parte hartu ahal izango dute; eta horretarako, aurrez izena eman beharko dute.

Irakurketa Klub berria Ostolaza udal liburutegian - Gehiago irakurri

Emakumeen Nazioarteko Eguna

2018/03/02
Udalak argitaratu du martxoaren 8ko Emakumeen Nazioarteko Egunaren baitan antolatu diren ekitaldien egitaraua. Gaur hasi eta datorren hilaren 11ra bitarte, askotariko ekintzak izango ditugu herrian; betiere, emakumeon eskubideak aldarrikatu eta berdintasunaren alde borrokatzeko.

Emakumeen Nazioarteko Eguna - Gehiago irakurri

Deba ibaiaren eta Sasiola-Astigarribiatik estuariorainoko ibaiertzaren Paisaiaren Ekintza Plana aurkezteko bilera irekia deitu du Udalak

2018/03/14
Hitzordua martxoaren 15ean izango da, 17:30ean, Agirre Jauregian. Planaren nondik norakoak azalduko dituzte jendaurrean udal ordezkariek eta plana egiten lagundu duten Debegesa garapen agentziako teknikariek.

Deba ibaiaren eta Sasiola-Astigarribiatik estuariorainoko ibaiertzaren Paisaiaren Ekintza Plana aurkezteko bilera irekia deitu du Udalak - Gehiago irakurri

Debako Udalak ere bat egin du Euskaraldia egitasmoarekin

2018/03/13
Euskararen erabilera bultzatzeko sortu da ekimena, eta Ahobizi eta Belarriprest figurak izango dira protagonista Euskal Herri osoan 2018ko azaroaren 23tik abenduaren 3ra bitartean.

Debako Udalak ere bat egin du Euskaraldia egitasmoarekin - Gehiago irakurri

Aste Santuan bideojoko sorkuntza tailerra izango dugu Deban, Gazte Robotikaren eskutik

2018/03/14
8 eta 15 urte bitarteko gaztetxoek euren bideojokoak garatzeko aukera izango dute; ezagutza matematiko, espazial eta logikoa sakontzearekin batera.

Aste Santuan bideojoko sorkuntza tailerra izango dugu Deban, Gazte Robotikaren eskutik - Gehiago irakurri

Geoparkeak bisita gidatuen denboraldi berriari ekingo dio, ondare kulturalean bereziki azpimarra jarriz

2018/03/16
“Enigma bizia” bisita gidatua gehitu zaio eskaintzari, Geoparkera datozen bisitariei euskara eta euskal kulturaren berri emateko xedez. Urteko egutegia Aste Santuan hasi eta urte amaiera arte luzatuko da; hamasei bisita gidatu desberdin daude aukeran Geoparkea ezagutzeko (Deba-Mutriku-Zumaia), oinez edota itsasontziz.

Geoparkeak bisita gidatuen denboraldi berriari ekingo dio, ondare kulturalean bereziki azpimarra jarriz - Gehiago irakurri

350 zuhaitz landatuko dira igandean Elorriagan

2018/03/21
Antolatzaileek herritarrei dei egin diete egitasmoan parte hartzeko. Hitzordua goizeko 09:30ean jarri da, Elorriaga auzoko Galarreta inguruan. Lanak bukatutakoan mokadua egiteko aukera egongo da.

350 zuhaitz landatuko dira igandean Elorriagan - Gehiago irakurri

Debako I. eskultura sariketa antolatu du Udalak

2018/04/06
Abian da Debako I. eskultura sariketa. Debako Udalak antolatu du ekimena, modalitate honetako sortzaileei eskoilera bukaeran ezarri nahi den eskultura sortzeko aukera luzatzeko helburuarekin. Interesatuek izen-emate orria bete, eta udaletxera bidali beharko dute eskatzen den dokumentazioarekin batera, maiatzaren 25a baino lehen.

Debako I. eskultura sariketa antolatu du Udalak - Gehiago irakurri

2018ko Euskal Surf Zirkuituko lehen proba Deban jokatuko da

2018/04/10
Debak hartuko du aurtengo Euskal Surf Zirkuituko lehen proba aprilaren 21-22ko asteburuan. Txapelketan parte hartzeko epea zabalik dago apirilaren 18 arte.

2018ko Euskal Surf Zirkuituko lehen proba Deban jokatuko da - Gehiago irakurri

Geolodia 2018 Euskal Kostaldeko Geoparkean

2018/04/12
Maiatzaren 12an, larunbata, egingo da Geolodia ekimena Geoparkean. “Karst. Koralezko mendiak eta bailara ezkutuak” izenburupean, Geoparkeko barnealdea ezagutzeko proposamena da.

Geolodia 2018 Euskal Kostaldeko Geoparkean - Gehiago irakurri

Debako Udal Musika eta Dantza Eskolak 2018/2019 ikasturterako matrikulazio prozesua hasi du

2018/04/17
Datorren ikasturterako matrikulazio epea zabaldu aurretik, ordea, musika eskolako irakasgairen batekin jarraitu nahi ez dutenak zenbat izango diren jakin nahiko luke zuzendaritza taldeak. Horrexegatik, baja eman nahi duen orok baja-orria bete beharko du maiatzaren 4a baino lehen.

Debako Udal Musika eta Dantza Eskolak 2018/2019 ikasturterako matrikulazio prozesua hasi du - Gehiago irakurri

Debako Euskaraldia egitasmoaren inguruko informazio guztia, Facebook orrialde berrian

2018/04/20
Debak bat egin du Euskaraldiarekin, eta egitasmoaren inguruko informazio guztia Debako Euskaraldia izeneko Facebook orrialdean argitaratuko da hemendik aurrera.

Debako Euskaraldia egitasmoaren inguruko informazio guztia, Facebook orrialde berrian - Gehiago irakurri

Debako Udalak herriko balkoiak eta leihoak apaintzeko lehiaketa abiarazi du

2018/04/20
Debako eta Itziarko ingurumen-kalitatea eta itxura hobetzeko asmoz eta herrigune ederragoak lortzeko helburuarekin, balkoiak eta leihoak apaintzeko lehiaketa antolatu du Udalak. Parte hartu nahi duen orok izena eman beharko du aurrez.

Debako Udalak herriko balkoiak eta leihoak apaintzeko lehiaketa abiarazi du - Gehiago irakurri

Debako udal musika eta dantza eskolak zabaldu du 2018-2019 ikasturterako matrikulazio epea

2018/05/04
Zabalik da 2018-2019 ikasturterako udal musika eta dantza eskolan matrikulak egiteko epea. Interesatuek ekainaren 15a baino lehen aurkeztu beharko dute matrikula orria Deba Musikaleko idazkaritzan.

Debako udal musika eta dantza eskolak zabaldu du 2018-2019 ikasturterako matrikulazio epea - Gehiago irakurri

Kalean da Debarren Egunerako egitaraua

2018/05/15
Dena prest dugu herrian igande honetarako! Maiatzaren 20an Debarren Eguna ospatuko dugu, baina asteburu osoan zehar nabarituko da jai giroa Debako kaleetan zehar; ostiraletik igandera bitarte, hiru eguneko egitarau zabala antolatu baitu Udalak.

Kalean da Debarren Egunerako egitaraua - Gehiago irakurri

Zabaldu da Kolorez Blai udalekuetan izena emateko epea

2018/05/17
Debako Kolorez Blai udaleku irekietarako izen-ematea atzo hasi zen, eta maiatzaren 30era bitarte egongo da zabalik. Informazio gehiago nahi izanez gero, deitu 943 191 383 / 632 043 322 telefonoetara edo idatzi koloreanitz@gmail.com helbidera.

Zabaldu da Kolorez Blai udalekuetan izena emateko epea - Gehiago irakurri

Kolorez Blai udalekuetarako begiraleak behar dira

2018/05/18
Kolore Anitz aisialdi taldeak begiraleak behar ditu autengo uztailean egingo dituzten Kolorez Blai udalekuetarako. Begirale titulua izanez gero, edo berau lortzeko praktika bila bazabiltz, bidali zure eskaera koloreanitz@gmail.com helbidera.

Kolorez Blai udalekuetarako begiraleak behar dira - Gehiago irakurri

Geoparkeen Europako astearen 8.edizioak ondare kulturala nabarmenduko du

2018/05/21
Maiatzaren 23tik ekainaren 10era, geoturismo, hezkuntza eta zientziaren dibulgazio-ekimenak egingo dira Deban, Mutrikun eta Zumaian, Euskal Kostaldeko Geoparkearen balioak ezagutzera emateko.

Geoparkeen Europako astearen 8.edizioak ondare kulturala nabarmenduko du - Gehiago irakurri

Gazte Robotika egitasmoak robotika eta bideojokoen sorkuntza tailerrak eskainiko ditu udan

2018/05/22
Zortzi tailer eskainiko dira Debabarreneko herri ezberdinetan; egitasmoaren helburua da haur eta gazteen artean zientzia, teknologia, ingeniaritza, artea eta matematikarekiko interesa piztea. Aurretiko izen-ematea zabalik da www.gazterobotika.eus webgunean.

Gazte Robotika egitasmoak robotika eta bideojokoen sorkuntza tailerrak eskainiko ditu udan - Gehiago irakurri

Debako XXXII. Antzerki Astea abian da!

2018/05/24
Maiatzaren 25etik ekainaren 3ra mota eta adin guztietarako antzezlanak izango ditugu Deban, Antzerki Astearen baitan. XXXII. edizioa da aurtengoa, eta euskarazko bederatzi ikuskizun aurkeztuko dizkigute guztira.

Debako XXXII. Antzerki Astea abian da! - Gehiago irakurri

« » 1 2 3 [4] 5 6 7 ... 10