Albisteak
Nazioarteko III. Flysch Organo Zikloa
Gipuzkoako Foru Aldundiak sustatuta, Deba, Getaria, Mutriku eta Zumaiako udalek hirugarrenez antolatu dute Nazioarteko Flysch Organo Zikloa. Igande honetan emango zaio hasiera organo zikloari, eta lehen kontzertuan Fritz Langen Metropolis proiektatuko da, Deban.
Aurtengo udan, Josette Dacostaren arte-erakusketa izango dugu Santa Maria elizako klaustroan
"Etxalde baten omenez" izenburupean, Josette Dacostaren lanak ikusgai izango dira uztailean eta abuztuan. Debako erakusketa artistikoaren XIV. edizioaren inaugurazio ekitaldia larunbatean izango da, 13:00ean, Santa Maria elizako klaustroan.
Postontzi berriak udaletxeko sarreran
Udalak hamahiru gutunontzi jarri ditu udaletxeko sarreran, zinegotzi bakoitzeko bat. Hemendik aurrera, herritarrek buzoi horietan bertan utzi ahal izango dizkiete Udalbatzako kideei egoki irizten dituzten dokumentu edo ekarpenak.
Debako Udalak udako surf ikastaroen eskaintza zabalduko du
Programatutako surf ikastaroek izan duten harrera ona ikusita, Udalak eskaintza zabaltzea erabaki du. Momentuz, arratsaldeko txanda irekiko da uztaileko bigarren asterako.
Etxola-15, Debako I. eskultura lehiaketako irabazlea
Bozkatzeko epea amaituta, Udalak antolatutako I. eskultura sariketak badu irabazlea. Willy Berasaluceren Etxola-15 lana izan da bozkatuena, eta honek hiru hilabeteko epea izango du, orain, artelana gauzatzeko.
Gure Balioak Sariaren 9. ediziorako hautagaiak aurkezteko epea zabaldu du Debegesak
Debabarreneko eskualdean pertsona edo entitate batek bere ibilbidean zehar sustatu dituen giza balioei aitortza egitea du xede. Hautagaiak aurkezteko epea uztailaren 15ean amaituko da.
Debako Udalak kontrol sistema berria jarri du martxan Astillero kalearen amaieran eta zeharbideko semaforoetan
Matrikulak irakurtzeko kamera-sistema bitartez, Astilleroko oinezkoen gunera sartzen diren ibilgailuak kontrolatuko ditu Udalak. Era berean, zeharbideko semaforo gorriei kaso ez egiteagatiko arau hausteak ere kontrolatuko dira. Kontrol sistema berria gaur, ekainaren 8an, jarriko da indarrean.
Debako Udalak aurtengo udarako kirol programa argitaratu du
Surf, body board, arraun surf, zumba, krossfit eta xake ikastaroen eskaintza zabala prestatu du udal kirol zerbitzuak aurtengo udarako. Programa honen helburua da haur eta gazteek, ingurumenaz gozatu eta ikasten duten bitartean, udan kirola egitea.
Herritarrek aukeratuko dute Debako I. eskultura sariketako irabazlea
Debako I. eskultura lehiaketako irabazlea aukeratzea herritarren esku utzi du epaimahaiak. Aurrez aurre edo www.deba.eus web orrialdearen bitartez bozkatzeko aukera egongo da datorren astean zehar.
"GeoparkeZaleak" ekimena aurkeztu du Geoparkeak, entitate laguntzaileen sarea
Topagune ireki eta parte-hartzailea izatea du helburu, Euskal Kostaldeko Geoparkearen bueltan.
Debako XXXII. Antzerki Astea abian da!
Maiatzaren 25etik ekainaren 3ra mota eta adin guztietarako antzezlanak izango ditugu Deban, Antzerki Astearen baitan. XXXII. edizioa da aurtengoa, eta euskarazko bederatzi ikuskizun aurkeztuko dizkigute guztira.
Gazte Robotika egitasmoak robotika eta bideojokoen sorkuntza tailerrak eskainiko ditu udan
Zortzi tailer eskainiko dira Debabarreneko herri ezberdinetan; egitasmoaren helburua da haur eta gazteen artean zientzia, teknologia, ingeniaritza, artea eta matematikarekiko interesa piztea. Aurretiko izen-ematea zabalik da www.gazterobotika.eus webgunean.
Geoparkeen Europako astearen 8.edizioak ondare kulturala nabarmenduko du
Maiatzaren 23tik ekainaren 10era, geoturismo, hezkuntza eta zientziaren dibulgazio-ekimenak egingo dira Deban, Mutrikun eta Zumaian, Euskal Kostaldeko Geoparkearen balioak ezagutzera emateko.
Kolorez Blai udalekuetarako begiraleak behar dira
Kolore Anitz aisialdi taldeak begiraleak behar ditu autengo uztailean egingo dituzten Kolorez Blai udalekuetarako. Begirale titulua izanez gero, edo berau lortzeko praktika bila bazabiltz, bidali zure eskaera koloreanitz@gmail.com helbidera.
Zabaldu da Kolorez Blai udalekuetan izena emateko epea
Debako Kolorez Blai udaleku irekietarako izen-ematea atzo hasi zen, eta maiatzaren 30era bitarte egongo da zabalik. Informazio gehiago nahi izanez gero, deitu 943 191 383 / 632 043 322 telefonoetara edo idatzi koloreanitz@gmail.com helbidera.
Kalean da Debarren Egunerako egitaraua
Dena prest dugu herrian igande honetarako! Maiatzaren 20an Debarren Eguna ospatuko dugu, baina asteburu osoan zehar nabarituko da jai giroa Debako kaleetan zehar; ostiraletik igandera bitarte, hiru eguneko egitarau zabala antolatu baitu Udalak.
Debako udal musika eta dantza eskolak zabaldu du 2018-2019 ikasturterako matrikulazio epea
Zabalik da 2018-2019 ikasturterako udal musika eta dantza eskolan matrikulak egiteko epea. Interesatuek ekainaren 15a baino lehen aurkeztu beharko dute matrikula orria Deba Musikaleko idazkaritzan.
Debako Udalak herriko balkoiak eta leihoak apaintzeko lehiaketa abiarazi du
Debako eta Itziarko ingurumen-kalitatea eta itxura hobetzeko asmoz eta herrigune ederragoak lortzeko helburuarekin, balkoiak eta leihoak apaintzeko lehiaketa antolatu du Udalak. Parte hartu nahi duen orok izena eman beharko du aurrez.
Debako Euskaraldia egitasmoaren inguruko informazio guztia, Facebook orrialde berrian
Debak bat egin du Euskaraldiarekin, eta egitasmoaren inguruko informazio guztia Debako Euskaraldia izeneko Facebook orrialdean argitaratuko da hemendik aurrera.
Debako Udal Musika eta Dantza Eskolak 2018/2019 ikasturterako matrikulazio prozesua hasi du
Datorren ikasturterako matrikulazio epea zabaldu aurretik, ordea, musika eskolako irakasgairen batekin jarraitu nahi ez dutenak zenbat izango diren jakin nahiko luke zuzendaritza taldeak. Horrexegatik, baja eman nahi duen orok baja-orria bete beharko du maiatzaren 4a baino lehen.
Geolodia 2018 Euskal Kostaldeko Geoparkean
Maiatzaren 12an, larunbata, egingo da Geolodia ekimena Geoparkean. “Karst. Koralezko mendiak eta bailara ezkutuak” izenburupean, Geoparkeko barnealdea ezagutzeko proposamena da.
2018ko Euskal Surf Zirkuituko lehen proba Deban jokatuko da
Debak hartuko du aurtengo Euskal Surf Zirkuituko lehen proba aprilaren 21-22ko asteburuan. Txapelketan parte hartzeko epea zabalik dago apirilaren 18 arte.
Debako I. eskultura sariketa antolatu du Udalak
Abian da Debako I. eskultura sariketa. Debako Udalak antolatu du ekimena, modalitate honetako sortzaileei eskoilera bukaeran ezarri nahi den eskultura sortzeko aukera luzatzeko helburuarekin. Interesatuek izen-emate orria bete, eta udaletxera bidali beharko dute eskatzen den dokumentazioarekin batera, maiatzaren 25a baino lehen.
Euskal Kostaldeko Geoparkea Bilboko Basque Fest jaialdian izango da aurten ere
Bisita gidatuak zozkatuko ditu egunero bere standera hurbiltzen diren bisitarien artean.
Debako ibilbide eta ibilaldiak biltzen dituen mapa berria kalean da
Udalak argitaratu berri duen foiletuak udalerriko hamar ibilbide jasotzen ditu.
350 zuhaitz landatuko dira igandean Elorriagan
Antolatzaileek herritarrei dei egin diete egitasmoan parte hartzeko. Hitzordua goizeko 09:30ean jarri da, Elorriaga auzoko Galarreta inguruan. Lanak bukatutakoan mokadua egiteko aukera egongo da.
Geoparkeak bisita gidatuen denboraldi berriari ekingo dio, ondare kulturalean bereziki azpimarra jarriz
“Enigma bizia” bisita gidatua gehitu zaio eskaintzari, Geoparkera datozen bisitariei euskara eta euskal kulturaren berri emateko xedez. Urteko egutegia Aste Santuan hasi eta urte amaiera arte luzatuko da; hamasei bisita gidatu desberdin daude aukeran Geoparkea ezagutzeko (Deba-Mutriku-Zumaia), oinez edota itsasontziz.
Deba ibaiaren eta Sasiola-Astigarribiatik estuariorainoko ibaiertzaren Paisaiaren Ekintza Plana aurkezteko bilera irekia deitu du Udalak
Hitzordua martxoaren 15ean izango da, 17:30ean, Agirre Jauregian. Planaren nondik norakoak azalduko dituzte jendaurrean udal ordezkariek eta plana egiten lagundu duten Debegesa garapen agentziako teknikariek.
Aste Santuan bideojoko sorkuntza tailerra izango dugu Deban, Gazte Robotikaren eskutik
8 eta 15 urte bitarteko gaztetxoek euren bideojokoak garatzeko aukera izango dute; ezagutza matematiko, espazial eta logikoa sakontzearekin batera.
Debako Udalak ere bat egin du Euskaraldia egitasmoarekin
Euskararen erabilera bultzatzeko sortu da ekimena, eta Ahobizi eta Belarriprest figurak izango dira protagonista Euskal Herri osoan 2018ko azaroaren 23tik abenduaren 3ra bitartean.