Albisteak
Aparkalekuen berrantolaketaren inguruan galdetuko die Udalak herritarrei
Abenduaren 22tik urtarrilaren 15era bitartean herritarrek aukera izango dute Debako aparkalekuen inguruan egin den berrantolaketa proposamenaren inguruan iritzia emateko. Debako eta Itziarko harrera bulegoetan jarri dira ekarpenak jasotzeko kutxak. Proposamena jasotzen duen azalpen bideoa ekoitzi du udalak. Bestetik, harrera bulegoetan daude planoak ikusgai eta etxez etxe ere banatu da proposamena jasotzen duen esku-orria.
Inguruko animaliak ezagutzeko oinatzen tailerra antolatu du Euskal Kostaldeko Geoparkeak datorren asteazkenean Itziarren
Nork utzi du oinatz hori? izenburua duen tailerrak, Burugorri Elkartean egingo da, abenduaren 30ean, asteazkena, goizeko 11:00etan. Jarduera doakoa da, eta ordu eta erdiko iraupena izango du.
Urtarrilaren 4tik otsailaren 10era arteko epea dago zabor-bilketaren zergaren 4. hiruhilekoaren ordainketarako
2021eko urtarrilaren 4tik otsailaren 10era arteko epea dago, biak barne, 2020ko 4. hiruhilekoari dagokion zabor-bilketaren zergaren borondatezko ordainketa egiteko. 2020ko abenduaren 15 baino lehen helbideratutako ordainagiriak bankuaren edo aurrezki kutxaren kontu korrontetik kobratuko dira zuzenean, 2021ko otsailaren 1ean. Helbideratu gabeko ordainagiriak, zergadunak adierazitako zerga helbidera bidaliko dira urtarrilean.
Urtarrilaren 31ra luzatu da merkataritza eta ostalaritzako establezimenduek COVID-19ari aurre egiteko hartutako neurriak diruz laguntzeko eskaerak aurkezteko epea
Egindako moldaketarekin, eskaerak aurkezteko epea 2021eko urtarrilak 31 arte luzatzen da. Gogorarazten da, diruz lagundutako jarduerak 2020ko martxoaren 14tik 2021eko otsailaren 28 bitartean egin beharko direla. Bestetik, burututako jarduerak eta gastuak 2021eko martxoaren 31rako justifikatu beharko dira, fakturak eta ordainagiriak aurkeztuta.
Hainbat neurri hartu dira eguraldi iragarpena aintzat hartuta
Astebururako eguraldi iragarpenaren arabera, hotz handia egingo du eta elurra egin dezake itsasoaren mailan ere. Izotzak sor ditzakeen arriskuei aurre egiteko hainbat neurri hartu dira Udalerrian. Izotza sortu ohi den lekuetan gatza botatzen ari dira brigadako langileak eta horrela egingo dute larunbatean eta igandean ere.
Irisgarritasuna hobetzeko eta oinezkoen segurtasuna hobetzeko hainbat lan egin ditu udalak
2020 urte amaieran hainbat lan egin ditu Udalak Debako kaleetan. Oinezkoen segurtasuna edota hainbat lekuetarako irisgarritasuna hobetuko dira horrela.
Erosi Deban merkataritza bonuen balorazio ona egin dute Udalak eta Debalaik
Abenduaren 22an jarri ziren herritarren esku udalerriko merkataritza eta zerbitzu entitateak laguntzeko Erosi Deban bonuak. 12.000 euro bideratu ditu Debako Udalak kanpainara. Oraindik establezimenduren batean bakarren bat gelditzen bada ere, gehienak erabili dituzte jada herritarrek. Kanpainaren balorazio ona egin dute merkatariek eta Udalak.
Sorozabal pasealekuko begiratokia itxita dago
Sorozabal pasealekuko begiratokiaren paretan pitzadura bat sortu da. Teknikoak hori begiratzea joan direnean, pitzadura dagoen lekutik barrura, eta zezenaren estutua azpian, zulo handi bat dagoela ikusi dute. Hori horrela, Debako Udalak oinezkoentzat eremu hori ixtea erabaki du, herritarren segurtasuna berma dadin.
Sari bikoitza Tene Mujika Bekan
Batetik, Jon Abrilek emakumeen lanbideei buruzko ikerketa bat egingo du; bestetik, Erika Lagomak eta Estitxu Fernandezek amatasunari eta feminismoari buruzko elkarrizketa-sorta bat landuko dute.
Debako Udalak elkar zaintzarako dei egin die herritarrei eremu gorrian sartu ondoren
Osakidetzak gaur, urtarrilak 18, publikatutako datuen arabera, Debako udalerrian azken 14 egunetan COVID-19aren kasu positiboen 586,83 intzidentzia-tasa metatua da 100.000 biztanleko. Hori horrela, eremu gorrian sartu da. Eta ondorioz, hainbat murrizketa aplikatuko dira bihartik aurrera.
Eremu gorritik atera da gaur Deba
Gaur, urtarrilak 20, Osakidetzak COVID-19aren kutsatze mailaren inguruan emandako datuen arabera, Deban 440koa da 100.000 biztanleko azken 14 egunetan metatutako intzidentzia tasa. Hortaz, eremu gorritik irten eta eremu laranjan dago une honetan Debako udalerria.
'Gipuzkoako azoken sarea' udalerrietako azokak bultzatzeko egitasmoan parte hartuko du Debak
LANDAOLA elkarteak (Gipuzkoako Landa Garapenerako Elkarteen Federazioa), Eusko Jaurlaritzaren Elika Fundazioaren bidez, eta udalen eta Gipuzkoako Foru Aldundiaren laguntzarekin, gure udal ekonomiaren, kulturaren eta tradizioaren zati garrantzitsu bihurtu diren gure udalerrietako azokak bezalako zirkuitu laburrak dinamizatzen eta bultzatzeko egitasmoa sustatuko du, bai eta gure baserritarrengandik hurbileko, sasoiko eta produktu osasungarriak lortzeko ere.
Hainbat ekarpen egin dituzte herritarrek aparkalekuen berrantolaketa proposamenari buruz
Udal Gobernuak egindako aparkalekuen berrantolaketa proposamenari 88 ekarpen egin dizkiote herritarrek. Horietatik 47 emailez jaso dira eta 41 paperean. Ekarpenak aztertu eta herritar horiei erantzuna ematen ari zaie Udal Gobernua. Jasotako ekarpenekin proposamena hobetu ahal izango dela uste du Gobernuak. Aparkalekuen berrantolaketa definitiboa osatuko da ondoren, udaberrirako aurkeztuko dena.
Osasun egoerak eragindako beharrei erantzutearekin batera aurreikusitako ekimenak ere gauzatu ditu Debako Udal Gobernuak 2020an
Urte berria hastearekin batera, eta aurrera begira jartzeko, beharrezkoa da aurrekoaren balantzea egitea. Hori da, hain zuzen ere, Debako Udal Gobernuak egin duena. 2020 urtea berezia izan da eta eskatu du aurreikuspenak eta lehentasunak moldatzea. Horretarako gaitasuna izan du Debako Udal Gobernuak eta esfortzua egin du horiez gain aurreikusitako erronkei ere aurre egiteko. Balantze positiboa egin du Gobernu taldeak.
Herri Txiki Infernu Handi ETB1eko saioaren ekitaldian parte hartzeko sarrerak banatuko dira
Egunotan egon dira ETB1 katean emititzen den Herri Txiki Infernu Handi saioko lagunak Deban. Herritarrekin elkarrizketak grabatu ondoren, otsailaren 3an, 18:30ean egingo da ekitaldia frontoian. Sarrerak Udaletxeko harrera bulegoan eskuratu daitezke gaurtik (urtarrilak 27) aurrera .
Begiradak 2021en izen-ematea zabalik dago jada
Azken urte hauetan egin den modura, aurtengoan ere, ondo bidean, uztailean Begiradak emanaldia izango dugu ITURRI ONDOAN egitasmoaren barruan. Izen-ematea otsailaren 26ra arte egongo da zabalik.
Gilen Garcia: “Egungo erronkari aurre egingo dion elkarlanean egindako aurrekontua onartu du udalbatzak”
Urtarrilaren 28an egindako ohiko osoko bilkuran onartu ditu Debako udalbatzak 2021erako aurrekontuak, EH Bilduren (6) eta Debarren Ahotsaren (4) aldeko botoekin. EAJ-PNVk kontra bozkatu du. Debako Udaleko aurrekontu kontsolidatua 9.066.529 eurokoa izango da. Udal Gobernuak egindako proposamenari hainbat ekarpen egin dizkio oposizioak eta horietako batzuk txertatu egin dira 2021erako onartu den aurrekontuan.
Martxoaren 18ra arteko epea dago Deba 100 hitzetan literatur lehiaketan parte hartzeko
Cardenas fundazioak eta Debako Udalak antolatzen duten Deba 100 hitzetan literatur lehiaketaren 6. edizioa egingo da aurten. Euskarazko eta gaztelaniazko modalitateak egongo dira. Lanak martxoaren 18a baino lehen entregatu behar dira Debako turismo bulegoan.
Debako baserritarren azoka eta hurbileko salmentari buruz herritarrek duten iritzia ezagutzeko prozesua egingo da
Debako Udalak eta Debemen Landa Garapen Elkarteak hausnarketa-prozesu bati ekin diogu, Landaola Elkarteak, Gipuzkoako Foru Aldundiak eta Elika Fundazioak sustatutako "Gipuzkoako Azoken sarea" izeneko proiektuaren baitan.
Burgosko prozesuaz arituko dira mahai-inguruan Itziar Aizpurua eta Javier Buces
Burgosko prozesuaren 50. urteurrenaren testuinguruan hainbat ekimen antolatu du Debako Udaleko bizikidetza batzordeak, garai hartan Euskal Herrian eta Deban bizi izan zen egoera gogorarazi eta herritarrengana hurbiltzeko helburuarekin.
Udan hasiko dituzte Deba eta Ondarbeltz batzen dituen oinezkoen pasabidea
Ondarbeltz eta Deba batzen duen oinezkoen pasabidea egitea beharrezko zerbait zen. Mutrikutik Ondarbeltzeraino dagoen bidea Debarekin batzeko eta batez ere Urazamendik Auzoa gurutzatzeko dagoen segurtasun faltagatik. Gaur, Aintzane Oiarbide diputatuak, Gilen Garcia Debako alkatearekin eta Mutrikuko Udaleko Ruben Andonegi zinegotziarekin batera uztailean hasi eta urrian amaitzea aurreikusten den proiektua aurkeztu du. Modu honetan herritarrek egindako eskaerari erantzungo zaio.
Zabalik da udalerri euskaldunetako gazteentzako topaketetan izena emateko epea
Udalerri euskaldunetako gazteentzako topaketak ekainaren 28tik uztailaren 4ra izango dira aurten, eta UEMAk zabaldu du dagoeneko izena emateko epea. Aurten ere ibiltaria izango da ekimena, eta Zumaiatik Lekeitiorako bidea egingo dute gazteek. Udalerri euskaldunetako gazteak euskararen inguruan sentsibilizatzea, kontzientziatzea eta eragile aktibo bihurtzea da topaketen helburua. Iaz, COVID-19ak eragindako osasun larrialdiaren ondorioz, bertan behera utzi behar izan zen ekimena.
'Adierazpen askatasuna eta gorrotoaren diskurtsoa' hitzaldia egingo da Kultur Elkartean
Otsailaren 24an 'Adierazpen askatasuna eta gorrotoaren diskurtsoa' izeneko hitzaldi-solasaldia egingo da Kultur Elkartean 18:00etan. info@deba.eus helbidean eman behar da izena. Jendeak dituen aurreiritzi eta zurrumurru okerrak gainditzea du helburu ekimenak eta gai desberdinen inguruko hitzaldi eta ekimenak egiten dira urtero.
Haurrei zuzendutako Debako Euskarazko ilustrazio eta ipuin lehiaketak sortu ditu Udalak
Haurren irakurzaletasuna eta sormena bultzatzeko helbururekin Euskarazko ilustrazio eta ipuin lehiaketak antolatu dira. Horretarako hiru modalitate antolatu dira, haurren adinaren arabera: ipuina ilustratu, ilustrazioa ipuin bilakatu edo ipuin lehiaketa. Martxoaren 18ra arte aurkeztu ahal izango dira lanak. Liburuaren egunaren testuinguruan antolatuko diren ekimenen barruan egingo da sari banaketa.
Deba eta Mutriku batzen dituen zubia birgaitzeko obrak martxoaren amaieran hasiko dira
Harkaitz Millan Kulturako diputatuak eman du lanaren berri, Gilen Garcia Debako alkatearekin eta Joseba Palenzuela Mutrikuko alkatearekin otsailaren 19an Donostian egin duen agerraldian. Lanak martxoaren amaieran hasi eta urte bukaeran amaituko direla aurreikusten du Aldundiak. Debako alkateak nabarmendu du bi herrietako biztanleentzat albiste ona dela, beren egunerokoan batu egiten dituelako zubiak.
Astelehenean itzuliko da liburutegia ohiko funtzionamendura
Astelehenetik aurrera, hilak 22, ohiko funtzionatzeko modua berreskuratuko da Ostolaza Udal Liburutegian.
Errementari-Mogeleko lanak amaitu dira
Mogel-Errementari bideko lanak amaitu dira. Mogeleko urbanizazioa egin zenean, bertatik Errementari kalera doan bidean ez zen lanik egin. Ondorioz, lurzorua konpondu beharra zegoen eta bidea argiztatu.
Herritarrekin batera hainbat proiektu landuko ditu Debako Udalak 2021ean
Gilen Garcia Boyra Debako alkateak eta Itziar Irizar Beristain alkate ordeak, 2021 urtean Gobernu Planeko zein neurri landuko dituzten azaldu dute bideo honetan. Herritarrekin batera egingo diren lanak nabarmendu dituzte. Alamedarako proiektua, aparkalekuen berrantolaketa, etxebizitzaren gaia... 2020an osasun pandemiaren ondorioz murriztutako kultura eskaintza berreskuratzeko asmoa ere badu Udal Gobernuak.
Geoparkeko bisita kultural gidatuen eskaintza doakoa izango da asteburu honetan Deban, Mutrikun eta Zumaian
Euskal Kostaldeko Geoparkeak bere bisiten eskaintza ezagutzera emateko, doako irteera gidatuak eskaini ditu pasa den asteburuetan. Ekimen hauek izaten ari diren arrakasta ikusita, asteburu honetan, otsailaren 27 eta 28an, Geoparkeak doako bisita kulturalak eskainiko ditu Deban, Mutrikun eta Zumaian.
Trakzio Mekanikozko Ibilgailuen Zerga
2021eko martxoaren 1etik apirilaren 12ra arteko epealdian, biak barne, Trakzio Mekanikozko Ibilgailuen Zergari dagozkion erreziboen borondatezko ordainaldia izango dela jakinarazten da.
Lekuz aldatuko da Skate-a egiteko U-a
Datozen asteetan Osion dagoen Skate-a egiteko U-a kendu egingo da. Denbora luzez kexatu dira bertako bizilagunak skate-arekin ibiltzean sortzen den zaratagatik. Kokaleku berria bilatuko zaio.
Urte osoan erabili ahal izango dira hondartzako kabinak hasi berri diren lanak amaitu ondoren
Joan den astean hasi zituzten hondartzako kabinak berritzeko lanak udaleko brigadako langileek, ur instalazio zaharrak ezeztatzen (eta igeltseritza lan txiki batzuk egiten) eta astelehenean, hilaren 22an, hasi da Tarte enpresa ur instalazio berritze lanekin. Lanen iraupena hilabetekoa izango dela aurreikusten da. 18.500 euroko (BEZ gabe) aurrekontua du aipatu lanak.
Liburu eta ikus-entzunezko ez-sexisten gida helduentzat osatu du Debako Udalak martxoaren 8aren testuinguruan
2021eko martxoaren 8a, azken hilabeteotako ekimenak bezala, pandemiak baldintzatuta egingo da. Itziar Irizar politika feministen zinegotziak, Yoana Azpitarte Udaleko berdintasun teknikariak eta Estibaliz Beltran de Heredia, Ostolaza udal liburutegiko arduradunak aurkeztu dituzte Debako Udalak martxoaren 8aren testuinguruan antolatu dituen ekimenak. Liburu eta ikus-entzunezko ez-sexisten gida helduentzat nabarmendu dute. Etxez etxe banatuko da gida datozen egunetan.
Hilerri berriaren irekiera prestatzeko urratsak eman ditu udalbatzak
Atzo, martxoak 4, Debako udalbatzak ez-ohiko osoko bilkura egin zuen. Bertan landutako gaien artean zeuden Artzabaleko hilerri berriari lotutako hainbat puntu onartu ziren. Bileran landutako gainontzeko gaiak aho batez onartu ziren. Martxoaren 8ko Emakumeen Nazioarteko Egunari begirako erakunde-adierazpena ere onartu zen atzoko bilkuran eta baita otsailaren 4an ospatutako Minbiziaren Nazioarteko Egunari lotutakoa ere.
Hilerri berriaren erregelamendua ikusgai dago alegazioak egiteko
Artzabaleko hilerri berriaren erregelamendua onartu du Debako udalbatzak martxoaren 4n egindako ez-ohiko osoko bilkuran.
Kultur jarduerak antolatzen dituzten herriko elkarteei diru-laguntzak esleitzeko oinarrien hasierako onarpena
Debako udalerrian, baina Itziarko Tokiko Entitate Txikiaren lur eremutik kanpo, eragina izango duten kultur programak edo jarduerak antolatzen dituzten irabazi asmorik gabeko herriko elkarteei eta pertsona fisikoei diru laguntzak esleitzeko oinarriak onartu ditu Debako udalbatzak martxoaren 4an egindako ez-ohiko osoko bilkuran. Une honetan iradokizunak eta erreklamazioak egiteko ikusgai dago proposamena webgunean eta udaletxeko iragarki oholean.
Kaseta beltzean ur kiroletarako ekipamendua sortzeko proiektuarekin ez jarraitzea erabaki du udalbatzak
Urte batzuk badira ur kirolak egiten dituzten taldeentzat ekipamenduetarako egoitza bat sortzea edo atontzea lantzen ari dela Debako Udala. Aitzitik, Udalbatzak, martxoaren 4an egindako ez-ohiko osoko bilkuran, aho batez errefusatu zuen Casa Campon dagoen 'kaseta beltza' deritzon eraikinerako proiektuarekin jarraitzea.
Hondartzako pasealekuaren ondoan izozkiak saltzeko hiru postu kontratatu eta ustiatzeko deialdia argitaratu da
Aste Santutik (ahal bada) irailaren 30era arte hondartzako pasealekuaren ondoan izozkiak saltzeko hiru postu jartzeko esleipena egingo da. Martxoaren 25eko 15:00ak arteko epea dago eskaera aurkezteko.
Mugiment kirol txartelera atxiki da Deba
Hemendik aurrera debarrek Mugiment kirol txartela erabili ahal izango dute. Doakoa den kirol txartel bateratu honekin, udalerri bakoitzeko abonatuak beste udalen kirol instalazioak erabiltzeko aukera izango du, gastu gehigarririk gabe, udal bakoitzak ezarritako erabilgarritasunaren arabera.
Nazioarteko Garapenerako diru-laguntzen deialdia onartu da
Oinarri hauen helburua da diru laguntzak emateko modua zehaztea, entitate juridikoen bitartez garapenerako kooperazio proiektuak burutzeko; GGKEen bitartez, kongregazio erlijiosoen bitartez, edota fundazio eta antzekoen bitartez. Deialdia GAOn argitaratuta 30 egun egongo dira proiektuak eta eskaerak aurkezteko.
Skate-erako U-a kendu da Osiotik
Joan den astelehenean, hilaren 15ean kendu zen U-a Osiotik. Debako skate taldearekin bilera egingo dute udaleko ordezkariek dauden aukerak elkarrekin aztertu eta kokaleku berri egokia topatzeko.
Debako gaztelekua 'Zuk Zeuk' lehiaketaren finalerako sailkatu da
Garapen jasangarriarekin lotutako 'ginkana erraldoi' moduko bat da 'Zuk Zeuk'. Euskal Herriko 900 gaztek hartu dute parte. Debako 2006an jaiotako 35 gaztek hartu dute parte ekimenean herriko Gaztelekuaren bitartez. Feel My Way kooperatibak antolatu eta Gipuzkoako Foru Aldundiak lagundu du ekimena.
Okerrik ezean ekainaren 30ean zabalduko da Artzabaleko hilerri berria
Martxoaren 4an egindako ez-ohiko osoko bilkuran hartutako konpromisoa betez, Artzabaleko hilerriaren irekiera data zehaztu du Debako Udal Gobernuak. Ekainaren 30ean zabalduko da, hemendik eta ordura bitarte ezustekorik gertatzen ez bada.
Debako 12 emakume ari dira 'Zure jabetzerako bidea' ahalduntze programan parte hartzen
Bazterkeria egoeran edo arriskuan dauden emakumeei zuzendutako ahalduntze programa da 'Zure jabetzarako bidea. 'Bizitza osoan zehar egiten den ikaskuntzari lotutako jarduerak egiteko laguntzak (2020)' deialdiaren barruan sartzen den programa da.
Datorren astean banatuko da Debaberri etxeetara
Udal aldizkariaren zenbaki berria banatzen hasiko dira datorren astelehenean. Gai ugari landu dira aldizkarian, baina nabarmentzekoa da herritarrekin batera landuko diren ekimenak. Horien artean, Calbeton Zumardia eraberritzeko parte-hartze prozesua da aipagarriena.
Udaberriko oporraldirako adinkako proposamena egin du Debako Gaztelekuak
Adin bakoitzera planez bete dute egitaraua Debako Gaztelekuan udaberriko oporraldi sasoirako. Uneko osasun egoerak ahalbidetzen badu, hauek dira adin bakoitzeko gazteei aisialdirako egiten dizkieten proposamenak:
Apirilaren 1etik maiatzaren 10era ordaindu behar da zabor-bilketaren gaineko zerga
2021eko apirilaren 1etik maiatzaren 10 arteko epealdian, biak barne, 2021eko 1. Hiruhilabetekoari dagokion Zabor-bilketari buruzko zergaren borondatezko ordainaldia izango dela jakinarazten da. Aurtengo martxoaren 15a baino lehen helbideratutako ordainagiriak bankuaren edo aurrezki kutxaren kontu korrontetik kobratuko dira zuzenean, 2021eko maiatzaren 3an.
Geoparkearen aurtengo bisita gidatuen denboraldiak ondare kulturala indartzea du helburu
Euskal Kostaldeko Geoparkeak duen balio natural eta geologiko ikusgarria ez ezik, ondare kultural garrantzitsua ezagutaraztea ere bada urte osoan zehar Deban, Mutrikun eta Zumaian, Geoparkea osatzen duten hiru herrietan, eskaintzen diren bisita gidatuen helburua. Hala, Euskal Kostaldeko UNESCOren Munduko Geoparkeak bisita gidatu denboraldi berriari ekin dio, hamaikagarrena dagoeneko.
Gipuzkoako Naturaren eta Ingurumenaren Zinemaren lehen Erakustaldiko film bat proiektatuko da Deban
Geoparkean, Deban eta Zumaian, hiru film proiektatuko dira GNAT Zinemaren barruan: apirilaren 15ean “La Dehesa” Debako Kultur Elkartean eta apirilaren 22an “Los Plástico” eta “Out Of Plastic” Zumaiako Aita Mari Antzokian. Sarrerak doan izango dira.
Eragileen elkarlanari esker Liburuaren Eguna bi astez ospatuko du Debak
Debako Udalak hainbat eragilerekin elkarlanean Liburu Egunaren testuinguruan apirilerako hainbat ekimen antolatu ditu. Apirilaren 14an hasi eta 28ra bitartean. Amaia Sukiak, Luzaro eskolako zuzendariak; Mari Searak, ipuin kontalariak; Lourdes Gonzalezek, Kultur Elkarteko kideak; Estibaliz Beltran de Herediak, Ostolaza liburutegiko arduradunak eta Aritz Larrañagak, Debako Udaleko kultura zinegotziak, gaur aurkeztu dute egitaraua.
Aste honetan jarri da erabilgarri 'Euskadi Turismo Bonua'
Eusko Jaurlaritzaren Turismo, Merkataritza eta Kontsumo Sailak, Arabako, Bizkaiko eta Gipuzkoako Foru Aldundiek, Bilboko, Donostiako eta Gasteizko Udalek eta EUDEL Euskadiko Udalen Elkarteak turismo sektorea bultzatzeko, kontsumoa deskontu-bonuen bidez sustatu eta pizteko 'Euskadi Turismo Bonua' programa abiatu dute. Establezimenduan bertan eskuratu behar da bonua eta diru-kopuru desberdinetakoak eskaintzen dira.
Hondartzako Ondargain kafetegiko terrazako obra astelehenean hasiko da
Debako hondartzan dagoen Ondargain kafetegiko hormigoizko terrazaren zati handi bat moztu eta kentzeko lanak hasiko ditu Bergaretxe enpresak datorren astelehenean, hilaren 19an. Egunotan udal langileak aipatu lanak egiteko eremua prestatzen ari dira hondarra kenduz.
Martxan da berriz ere Mugi-gela programa
Joan den astean berrartu dute zaharren egoitzan Mugi-gela programa. 3. adineko pertsonak ahulegiak direnean erortzeko arriskua handia izaten dute. Jarduera fisikoan oinarritzen diren programak eta bereziki indar programak arrisku eta ahuldade horiek gutxitzeko ekimen eraginkorrak dira. Horietako bat da Mugi-gela.
Liburuaren Egunaren egitaraua egungo osasun egoerara moldatu da
Debako egoera epidemiologikoa aintzat hartuta Liburuaren Egunaren testuinguruan osatutako egitarauan aldaketak egin dira.
Deba 100 hitzetan literatur lehiaketaren sariak banatu dira
Lau debarrek irabazi dituzte 'Deba 100 hitzetan' literatur lehiaketaren sariak. Atzo, apirilak 22, egin zen sari banaketa Kultur Elkartean, Liburuaren Egunaren egitarauaren baitan. Cardenas fundazioak eta Debako Udalak antolatzen duten lehiaketaren 6. edizioa izan da aurtengoa. Euskarazko eta gaztelaniazko modalitateak egon dira ohi bezala.
Merkataritza euskalduntzeko lanketa egiten ari da Udala establezimenduetara bisitak eginez
Martxoan eta apirilean eguneroko erosketak egiteko establezimenduetan bisitak egiten ari dira Euskara Zerbitzutik, euskara ikusgarri egiteko, udalak eskaintzen dituen laguntzen gaineko informazioa emanez. Bisitak egin aurretik gutuna bidali zitzaien asmoa azalduz. Bakoitzak duen euskara maila aintzat hartuta, konpromiso batzuk hartzea ere proposatzen zaie.
TAO txartela berriaren banaketa
Etxean jasotako gutuna informaziorako da, ez da ezer bete behar eta ez da bueltan bidali behar.
Zirkulatzeko eta gidatzeko baimenen helbide aldaketa herrian bertan egin ahal izango da aurrerantzean
Apirilaren 29an batzartu da Debako Udalbatza ohiko osoko bilkuran. Aho batez onartu da Trafiko Zuzendaritzarekin hitzarmena egitea, orain artean herrialdeetako Trafiko Zuzendaritzaren bulegoetan soilik egiten ziren tramite batzuk udaletxean bertan egitea ahalbidetuko duena. Honenbestez, Zirkulatzeko eta gidatzeko baimenen helbide aldaketa udaletxean bertan egin ahal izango da aurreratzean.
Maiatzaren 8an bueltatuko da merkatu txikia
Iaz bezala, aurten ere merkatu txikia egingo da, hilabetean behin paseo estalian. Hilabeteko lehen larunbatean izango bada ere, lehenengo hau, maiatzaren 1a jai eguna denez, 8an egingo da. Salmenta postuak 9:00etatik 13:00etara egongo dira. Maiatzean hasi eta urrira arte luzatuko da ekimena.
Aurten ere errenta aitorpena euskaraz egitera gonbidatu nahi ditu herritarrak Debako Udalak
2020ko errenta eta ondarea aitortzeko garai betean gaude une honetan. Ohi bezala, Debako Udalak, Udalerri Euskaldunen Mankomunitateko kide den neurrian, bertako kideekin eta foru ogasunekin elkarlanean, errenta aitorpena euskaraz egitera eta herritarrek administrazioarekin dituzten harremanak euskaraz izan daitezen bultzatu nahi du. Izan ere, errenta euskaraz egiten duen herritarren kopurua urtez urte gorantz ari den arren, errealitate soziolinguistikoak erakusten dituen datuetatik urrun dago oraindik.
Udatiarren TAO txartela
Maiatzaren 1ean sartu da indarrean aurtengo TAO denboraldia Deban. Maiatzean soilik asteburuetan eta ondoren, egunero. Izaera desberdineko txartelak eska daitezke.
Arte ikastaroetan izena emateko epea zabalik dago maiatzaren 14ra arte
Egur taila eta zeramika ikastaroak emango dira maiatzaren 17tik ekainaren 30era bitarte Debako Udalak antolatuta. 16 urtetik gorako pertsonei zuzendutako ikastaroak dira. Gehienez ere bost pertsonako bina talde osatuko dira diziplina bakoitzean eta parte hartzaile bakoitzak 25 euro ordaindu beharko ditu.
240 haurrek gozatu ahal izango dute aurten udaleku irekietan
Udaleku hauen helburu nagusia herriko haurrei aisialdiaz disfrutatzeko aukera ematea da, modu aktibo, parte-hartzaile, sortzaile, gizarteratzaile eta osasungarrian. Haur Hezkuntza 3tik Lehen Hezkuntzako 6. maila bitarteko haurrei zuzendutakoa da eskaintza. Izena emateko epea maiatzaren 14ra arte dago zabalik. Udaleku irekiak, uztailaren 19tik 30era egingo dira, 9:30etik 13:00etara.
Haur margo-lehiaketa egingo da maiatzaren 15ean Haitz-Haundik antolatuta
Haurrei zuzendutako lehiaketaren 28. edizioa izango da aurtengoa. Aire librean egingo da. Larunbatean, maiatzaren 15ean 09:30etik aurrera banatuko dira laminak estalitako pasealekuan, eta 13:30 arte jasoko dira leku berean. Sari banaketa hurrengo egunean egingo da, igandean, Kultur Elkartean. Egungo osasun egoera dela eta, saridunak baino ezingo dira bertara joan.
Itziarko Girotuz udalekuetan izena emateko epea maiatzaren 19ra arte dago zabalik
Itziarko Girotuz aisialdiko begiraleak hasi dira dagoeneko udalekuak prestatzen. HH3-LH6 bitarteko haurrei zuzendutako eskaintza da. Aurtengoan ekainaren 28an emango zaie hasiera udalekuei eta egonaldiaren inguruan aukera desberdinak eskainiko dira, hala nola hamabostaldi bat edota hilabete osoa. Izen-ematea Itziarko harrera bulegoan, maiatzaren 19ra arte.
Ekainaren 30a arteko epea dago Ondasun Higiezinen Zerga ordaintzeko
2021eko maiatzaren 14tik ekainaren 30a arteko epealdian, biak barne, Ondasun Higiezinen Gaineko zergari (hiri-zerga eta landa-zerga) dagozkion erreziboen borondatezko ordainaldia izango da.
Deban ere merkatua gune bakarrean eta egun zehatzetan izango da
Maiatza hastearekin batera merkatu-gune bateratua dago Deban. Inguruko herrietan bezala, Deban ere, merkatu-espazio jakin bat eta egun jakin batzuetan izango dugu aurrerantzean: asteazken, ostiral eta larunbatetan. Udalak merkatuaren dinamizazioan eta indartzean apustua egingo du, adibidez, Merkatu Txikia berreskuratuz,hilabeteko lehen larunbatean maiatzetik urrira. Tailer eta ekintza desberdinekin lagunduko da, eta behar duenari mahaia, mantela, etab. utziko zaio.
Debako Udal Musika eta Dantza Eskolak zabaldu du 2021-2022 ikasturterako matrikulazio epea
Debako Udalaren Musika eta Dantza Eskolako 2021-22 ikasturterako izen-emate epea ekainaren 18ra arte egongo da zabalik. Lehentasuna, online edo telefono bidezko matrikulazioari emango zaio.
LGBTIfobiaren Aurkako Nazioarteko Eguneko adierazpen instituzionala
Debako Udalbatzako hiru alderdiek eta Itziarko Auzo Udalak adierazpen instituzionala onartu dute LGTBIfobiaren Aurkako Nazioarteko Egunean.
Antzerki Astea egingo da maiatzaren 21etik ekainaren 5era Goaz Antzerki Taldeak antolatuta
Euskarazko antzerkia eta antzerki amateurra sustatzea helburu duen ekimenak, 35. edizioa behar zuen, baina iaz, osasun pandemiaren ondorioz ezin izan zen egin. Hortaz, maiatzaren 21etatik ekainaren 5era 34. Antzerki Astea egingo da, Debako Goaz Antzerki Taldeak Debako Udalaren laguntzarekin antolatuta. Egitarau anitza osatu dute, tartean bi estreinaldirekin: Lezoko Orratx Antzerki Taldearena eta Debako Goaz Antzerki Taldearena.
Deba eta Mutriku lotzen dituen zubiaren lanen inguruko hitzaldia egingo da maiatzaren 26an
Datorren asteazkenean, maiatzak 26, arratsaldeko 18:00etan, hitzaldi bat emango dute Debako osoko bilkuren aretoan, Debako zubiko obrei buruz. Solasaldi horren helburua da Deba eta Mutrikuko herritarrak informatzea obra horiek egunerokoan eragin ditzaketen gorabeheren gainean. Gaur egungo osasun egoera dela eta, aretoak edukiera mugatua duenez, lehentasuna emango zaie inguruan bizi diren bi herrietako bizilagunei bertan egon daitezen, horretarako gonbidapena jasoko dute. Debako Udalak hitzaldia grabatu eta hurrengo egunetan hedatuko du Youtube kanalean eta sare sozialetan herritar guztiek informazioa jasotzeko aukera izan dezaten.
Igandean espeleologia irteera Debako Ermittia Bekoa kobazulora
Geoparkearen Astearen baitan, espeleologia irteera antolatu du Geoparkeak larunbaterako, hilak 30. Plazak mugatuak dira eta ezinbestekoa da aurrez izena ematea, 696 67 88 12 telefonora deituz.
Zuhaitzak ezagutzeko tailerra egin dute Luzaroko ikasleek
Asteazken eta ostegunean Luzaro ikastetxeko ikasleak herriko berdeguneetan ikusi ahal izan ditugu. Taldeka aritu dira lanean hainbat zuhaitzei begira: enborraren azala, altuera, forma eta hostoak aztertzen, alegia. Udalak antolatutako Zuhaitzak ezagutzeko tailerrean parte hartu dute 5. mailako 3 geletako ikasleek.
Palestina eta Kolonbiako herriekiko elkartasuna adierazi du udalbatzak azken ohiko osoko bilkuran
Maiatzaren 27an batzartu da Debako udalbatza ohiko osoko bilkuran. Aho batez onartu dituzte Palestinan eta Kolonbian gertatzen ari diren egoerak gaitzesteko eta bi herriekin elkartasuna erakusteko adierazpen instituzionalak.
Deba-Mutriku zubia birgaitzeko lanak
Francisco Javier Leon Gonzalez, Ingelan eta Fhecor enpresetako obra zuzendaria; Bide, Ubide eta Portuetako ingeniaria eta Debako zubia zaharberritzeko proiektuaren egileetako bat eta INJELAN-FHECOR enpresek osatutako obra zuzendaritzaren kidea da. Deba eta Mutriku lotzen dituen zubiaren birgaitzeko lanen inguruko azalpena eman du maiatzaren 26an Debako udaletxean egindako hitzaldian. Berarekin egon dira Deba eta Mutrikuko alkateak, Gilen Garcia eta Joseba Palenzuela hurrenez hurren eta Mari Jose Telleria, Gipuzkoako Foru Aldundiko Kultura Zuzendaria.
Hondartza kalean jarritako semaforoa laster egongo da martxan
Bizilagunek egindako eskaerari erantzunez, Hondartza kalean, Miramar ondoan, semaforoa jarri da.
Eskaintza ezagutzera emateko bi bideo grabatu ditu Debako Udal Musika eta Dantza Eskolak
Debako Udal Musika eta Dantza Eskolak bi bideo ekoitzi ditu azken asteotan. Batak, ikasleek zein tresna jo hautatzen laguntzea du helburua. Besteak, berriz, gurasoei erakutsi nahi die 4 eta 6 urte bitarteko haurrek Musika eta Mugimendua ikasgaia nola lantzen duten.
Eskolako Agenda 30eko udalbatzarra bideo bidez egin da aurten
Aurtengo ikasturtean “Ekoizpen eta kontsumo arduratsua” landu dute Debako ikasleek, Eskolako Agenda 30 programaren baitan. Bizi dugun egungo egoera dela eta, urtero egiten den Eskola Agenda 30eko udalbatzarra egin beharrean, aurten ikasleek haien proposamenak bideo bidez bidali dizkiote udalari; udalak ere bideo baten bitartez erantzun ditu ikasleek egindako eskaera eta proposamenak.
'Lehen aukera herria' bonuen programa abiatuko dute Debako Udalak eta Debalaik elkarlanean
'Lehen aukera herria' bonu-programa COVID-19ak eragindako egoerak herriko merkataritzan eta ostalaritzan sortu duen krisiari aurre egiten laguntzeko xedea du. Ekainaren 14tik uztailaren 11ra bitartean gauzatuko da programa, eta bezeroek epe horretan kontsumitu beharko dituzte bonuak. Bonuen erdia Debalaikoek kalean ipiniko duten mahai batean salduko dira, eta gainontzekoak turismo bulegoan.
Datorren astelehenean, hilaren 14an, zabalduko da Uda Kirola 2021 programarako izen-ematea Deban erroldatutako haur eta gazteentzat
Surf, body board, arraun surf eta surf skate eskaintza zabala prestatu du udal kirol zerbitzuak aurtengo udarako.
Uda garairako arlo desberdinetako eskaintza prest du Udalak
Dagoeneko uda hastear da eta udaleko alor guztiak martxan eta lanean dira udari begira. Gilen Garcia Boyra alkateak eta Nerea Arrizabalaga Badiola eta Antxoka Elorza Altuna zinegotziek eman dute guztiaren berri bideo bidez.
Debako baserritarren azokaz egindako prozesuaren berri emango da bilera irekian
Aurtengo lehen seihilekoan Debako baserritarren azoka balioan jarri eta indartzeko prozesu bat izan dugu martxan. Ekainaren 17an, 18:30ean aurkezpen-bilera egingo da udalbatza-aretoan prozesuak utzitako emaitzen berri emateko.
Kultur jarduerak antolatzeko diru-laguntzak eskatzeko epea zabalik dago ekainaren 25era arte
Debako udalerrian, baina Itziarko Tokiko Entitate Txikiaren lur eremutik kanpo, eragina izango duten kultur programak edo jarduerak antolatzen dituzten irabazi asmorik gabeko herriko elkarteei eta pertsona fisikoei diru-laguntzak esleitzeko oinarriak argitaratu dira.
Elektrizitatearen faktura berriari buruzko on-line saioa ekainaren 23an
Gipuzkoako Foru Aldundiko Ingurumen eta Obra Hidraulikoetako Departamentuak, Debako Udalarekin elkarlanean, Energia Argitu programaren baitan, elektrizitatearen faktura berriaren inguruan informatzeko ON-LINE tailerra antolatu du ekainaren 23an, asteazkena, 18:00etan.
Gaztelekua prest dago udari heltzeko
Ikasturte berezia izan da aurtengoa eta “zenbait momentutan zaila eta luzea ere bai” bertako arduradunentzat. Baina ikasturtea amaitzear dagoela-eta, positibo daude. Gaztelekuan, aurreikuspenak gaindituta, 10.000 erabilerara iritsi dira eta “pozik gaude”.
Uztailean ere hainbat ekintza eskainiko ditu Debako Udal Kiroldegiak
Uda garaian sartu garen honetan, Debako Kiroldegiak, bere urte osoko dinamikari jarraipena emanez, uztailean ere ekintza ezberdin eta anitzak eskainiko ditu hilabete osoan zehar (kiroldegia egunero zabalik mantentzeaz gain). Horrela, erabiltzaileek aukera izango dute spinning, pilates, multifitness zein krossfit bezalako saio gidatuetan parte hartu eta jarduera fisikoa eginez gozatzeko. Hala ere, uda garaia izanik, uztaileko ekintzen ordutegiak desberdintasun batzuk izango ditu urte osoko ordutegiarekin alderatuz. Beraz, inork saioen eta ordutegien inguruko informazioa eskatu edo edozein zalantza argitu nahi izango balu, kiroldegira deitu dezake, edo bertara joan.
Igeriketa hastapen ikastaroa 9 urtetik 16 urte bitarteko haur eta nerabeentzat
Debako Udalak, nerabezaroan sartuta dauden edo sartzera doazen eta igeriketan ez dakiten haur-nerabeen kopuru esanguratsu bat zegoela antzemanda zuen. Herriak dituen ezaugarriengatik, haur-gazte hauek mugatuta daude hainbat ekimen egiteko edota harremanetarako.
Legealdiaren lehen bi urteen balorazio positiboa egin du Udal Gobernuak
Gilen Garcia alkateak, eta Itziar Irizar eta Aritz Larrañaga alkate ordeek, bideo baten bitartez eman dute Debako Udal Gobernuak egiten duen lehen bi urtetako jardunaren balorazioaren berri.
Uztailaren 2tik 30era egingo da aurten Iturri ondoan
Debako Udalaren nahia da azken urteotan abiatutako euskal kulturaren transmisioaren lanarekin jarraitzea. Horregatik, aurten, zortzigarren aldiz Iturri ondoan ekimena antolatu du, hainbat eragile eta herritarren parte hartzearekin. Uztailaren 2tik 30era egingo dira ekimenak, ostiraletan, Udalak Zumardian jarri duen karpan. Musika, antzerkia, dantza... eskainiko dira aurten.
Aho batez onartu ditu udalbatzak ekaineko ohiko osoko bilkuran landutako gaiak
Ekainaren 24an egin du Debako udalbatzak ohiko osoko bilkura. Bertan landu eta bozkatu diren gaiak aho batez onartu dira. Hala, 'Gaztematika' Gipuzkoako haur, nerabe eta gazteen sustapenerako sareari atxiki zaio Debako Udala. Bestetik, astelehenean, hilaren 28an egingo den LGTBI Harrotasunaren Nazioarteko Egunaren harira adierazpen instituzionala onartu du.
LGTBI Harrotasunaren Nazioarteko Eguneko adierazpen instituzionala
Adierazpen instituzionala onartu dute Debako Udalak eta Itziarko Auzo Udalak gaur, ekainak 28, ospatzen den LGTBI Harrotasunaren Nazioarteko Egunari begira. LGTBI kolektibo eta pertsona ugariren borroka luzea aitortzearekin batera, konpromiso hauek hartu dituzte:
Artzabalgo hilerri berria antzeman diren okerrak zuzentzen direnean zabalduko da
Debako hilerri berria zabaltzeko egiten ari diren lanetan hainbat hutsune eta arazo antzeman dituzte teknikariek. Debako Udalak segurtasun berme guztiekin zabaldu nahi du Artzabaleko hilerria.
Uztailaren 1etik abuztuaren 10a bitarteko epean ordaindu behar da zabor-bilketaren zerga
Uztailaren 1etik abuztuaren 10 arteko epealdian, biak barne, 2021eko 2. hiruhilabetekoari dagokion zabor-bilketari buruzko zergaren borondatezko ordainaldia izango dela jakinarazten da.
Zabaldu da Debako zubiaren berreraikitze lanen inguruko erakusketa
2018ko uztailaren 4tik 5era, goizaldean, Debako harrizko zubiaren erdiko zutarria bat-batean erdi hondoratu zen, eta larrialdiko eta diagnosiko fasea abiarazi zen, zubiaren kontserbazioa, egonkortasuna eta segurtasuna bermatzeko. Berreraikitze lanak hasi dira, eta hauen jarraipena egiteko aukera emango duen erakusketa egongo da ikusgai Anes Arrinda pasealekuan, zubiaren ondoan.
Uztailaren 15ean egingo dugu Kalbeton Zumardiko partaidetza prozesuaren aurkezpena
Behar zehatz batetik abiatuta (Zumardiko pasealekuari buruzko herritarren eztabaida irekitzea), Debako Udalak, bere parte-hartze batzordetik, udalerriko eragile sozial eta administratibo guztien kultura parte-hartzailea eta demokratikoa aktibatzeko prozesu sakon eta trinkoa jarri du abian. Prozesuaren aurkezpen irekia egingo da uztailaren 15ean.
Gizarte zerbitzuen arloko elkarteei diru-laguntzak emateko oinarrien Ordenantzari ekarpenak egiteko aukera zabalduko da
Debako udalbatzak 2021eko ekainaren 24an egindako bileran, Gizarte zerbitzuen arloko elkarteei diru-laguntzak emateko oinarriak arautzen duen ordenantzari hasierako onespena ematea erabaki zuen.
Kultura demokratiko parte-hartzailea sortzeko gune izango da Dagigun
Behar zehatz batetik abiatuta (Zumardiko pasealekuari buruzko herritarren eztabaida irekitzea), Debako Udalak, bere partaidetza-batzordetik, udalerriko gizarte- eta administrazio-eragileen kultura parte-hartzailea eta demokratikoa aktibatzeko prozesu sakon eta trinkoa jarri du abian. Uztailaren 15ean aurkeztu da jendaurrean Zumardian bertan dagoen karpan egindako ekitaldian.
Lau kontzertu egongo dira Debako Udako Musikaldiaren 38. edizioan
Debako Udalak Gipuzkoako Foru Aldundiaren laguntzarekin Udako Musikaldiaren XXXVIII. edizioa antolatu du. Aurten formatu txikiko kontzertuak antolatu dira, une honetan dauden prebentzio neurriak beteta, eta aurreikusita dauden bi eszenatokietara egokituta (Eliza edo Klaustroa). Kontzertuetara joateko gonbidapena hartu beharko da turismo bulegoan.
Elizburuko etxebizitza tasatuen proiektua martxan jartzeko hitzarmena berretsi du udalbatzak
Udako oporren aurreko azken ohiko osoko bilkura egin du Debako udalbatzak uztailaren 29an. Landutako gai guztiak aho batez onartu dira.
San Roke jairik ez da egingo aurten
Uda hasieran Udalak jakinarazi zuen moduan, gogorarazi nahi du aurten ez dela San Roke jairik egingo Deban.